Դելֆին Վեսպիզե

Դելֆին Վեսպիզե ֆր.՝ Delphine Wespiser
Ծնվել է	հունվարի 3, 1992(1992-01-03)[1] (32 տարեկան)
Ծննդավայր	Մյուլուզ
Քաղաքացիություն	Ֆրանսիա
Կրթություն	Q3152690?[2]
Մասնագիտություն	մոդել, գեղեցկության մրցույթի մասնակից և դերասանուհի
Պարգևներ և մրցանակներ	Miss France 2012?
Delphine Wespiser Վիքիպահեստում

Դելֆին Վեսպիզե (ֆր.՝ Delphine Wespiser, հունվարի 3, 1992(1992-01-03)^[1], Մյուլուզ), ֆրանսիացի ֆոտոմոդել, 2012 թվականին դարձել է «Միսս Ֆրանսիա» մրցույթի հաղթող։ Նախկինում հաղթել է «Միսս Վերին Հռենոս 2011» և «Միսս Էլզաս 2011» մրցույթները։

Կենսագրություն

Դելֆինը ծնունդով Վերին Հռենոս դեպարտամենտի Մագստատ լե Բա կոմունայից է։ Նրա հայրը մասնագիտությամբ ճարտարապետ է, իսկ մայրը՝ լաբորանտ։ Ունի ավագ եղբայր։ Սովորել է Էլզասի դպրոցում, իսկ 2010 թվականին ավարտել տնտեսագիտության ուղղությամբ Դոն Բոսկո մասնավոր լիցեյը։ Ընդունվել է Վերին Էլզասի համալսարանի Կոլմարի տեխնոլոգիական ինստիտուտի միջազգային գործարարության և մենեջմենթի ֆակուլտետ։ 2011 թվականին Կինգերսհայմում մասնակցել է «Միսս Էլզաս» մրցույթին, որտեղ զբաղեցնել է առաջին հորիզոնականը։ 2011 թվականի դեկտեմբերի 3-ին Դելֆինը 19 տարեկանում հաղթել է «Միսս Ֆրանսիա 2012» մրցույթը՝ հավաքելով հեռուստադիտողների ձայների 32,3%-ը։ Մրցույթի եզրափակիչը Բրեստում։

Դելֆինը 2012 թվականին։

Դելֆինը համագործակցում է տարբեր հասարակական կազմակերպությունների հետ, որոնց թվում առանձնացվում են «Կյանքի քարավան» (ֆր.՝ La Caravane de la vie, դոնորական կազմակերպություն)^[3] և l'APAMAD (ֆր.՝ Association pour le maintien à domicile des personnes âgées — Ассоциация по уходу на дому за пожилыми людьми)^[4] կազմակերպությունները։ Հայտնի է որպես կենդանիների և Կենդանիների պաշտպանության միջազգային ֆոնդի իրավապաշտպան^[5][6], որի արդյունքում դարձել է բուսակեր։ Մանուկ տարիքում, ինչպես փաստում է ինքը, շատ է ցանկացել անասնաբույժ, սակայն մաթեմատիկայի ցածր գնահատականները նրան հնարավորություն չեն տվել ընդունվել բժշկական համալսարան^[7]։

Բացի ֆրանսերենից (էլզասի բարբառ), տիրապետում է նաև անգլերենի և գերմաներենի^[8]։ Դրա հետ զուգահեռ ուսումնասիրում է նաև ֆրանսերենի մյուս բարբառները^[9]։

2013 թվականից Դելֆինը նկարահանվում է «Ֆորտ Բոյար» հեռուստախաղում։ Մարմնավորում է Դատավոր Բլանշի դերը, իսկ 2015 թվականից նաև՝ դատավոր Ռուժի։ Բլանշը կազմակերպում է մրցություններ այն խաղացողների համար, որոնք խաղի ընթացքում բանտարկվել են։ Բացի այդ, 2012 թվականին թիմերից մեկի կազմում մասնակցել է հեռուստախաղին։ 2015 թվականից Ռուժի կերպարում անց է կացնում մրցություններ թիմերի մասնակիցների համար՝ հաղթելու դեպքում տալով նրանց բանալիներ։

Ծանոթագրություններ

1. GeneaStar
2. https://www.thierry-lequeu.fr/data/Espriut-08.pdf#page=39
3. Delphine Wespiser, marraine de la Caravane de la vie - L'Alsace-Le Pays, 10 juin 2011
4. Miss France soutient Apamad et Apalib’ - apamad.fr
5. Delphine Wespiser, Miss France 2012, s’engage auprès d’IFAW pour la protection des animaux Արխիվացված 2012-04-28 Wayback Machine - IFAW, 27 janvier 2012
6. Miss France défend les animaux - Le Figaro, 1 février 2012
7. Delphine Wespiser, une «Miss franche» fidèle à ses origines - L'Alsace-Le Pays, 12 décembre 2011
8. Miss France 2012 est avec nous au standard ! Արխիվացված 2012-01-10 Wayback Machine - Podcast NRJ, 5 décembre 2011
9. À Brest, l'interview de Miss France 2012, l'Alsacienne Delphine Wespiser - Ouest-France, 4 décembre 2011

Արտաքին հղումներ

• Rendez-vous avec... Delphine Wespiser: Subject.fr, 2 décembre 2011 (ֆր.)

Վիքիպահեստն ունի նյութեր, որոնք վերաբերում են «Դելֆին Վեսպիզե» հոդվածին։