Դեյվիդ Բոմբերգ

Դեյվիդ Բոմբերգ; անգլ.՝ David Bomberg
Կեղծանուն	Bomberg, David Garshen
Ծնվել է	դեկտեմբերի 5, 1890[…]
Ծննդավայր	Բիրմինգհեմ, Ուորիքշիր, Անգլիա, Մեծ Բրիտանիայի և Իռլանդիայի միացյալ թագավորություն
Վախճանվել է	օգոստոսի 19, 1957[…] (66 տարեկան)
Մահվան վայր	Լոնդոն, Միացյալ Թագավորություն
Քաղաքացիություն	Միացյալ Թագավորություն
Կրթություն	Ֆելիքս Սլեյդի գեղեցիկ արվեստների դպրոց և Վեսթմինսթերի արվեստի դպրոց
Մասնագիտություն	նկարիչ, արվեստագետ և գծանկարիչ
Ոճ	Վորտիցիզմ
Թեմաներ	գեղանկարչություն և Կերպարվեստ
	David Bomberg Վիքիպահեստում

Դեյվիդ Բոմբերգ (անգլ.՝ David Bomberg), դեկտեմբերի 5, 1890(1890-12-05)^[1]^[2]^[3]^[…], Բիրմինգհեմ, Ուորիքշիր, Անգլիա, Մեծ Բրիտանիայի և Իռլանդիայի միացյալ թագավորություն - օգոստոսի 19, 1957(1957-08-19)^[1]^[2]^[3]^[…], Լոնդոն, Միացյալ Թագավորություն), 20-րդ դարի անգլիացի խոշորագույն նկարիչներից մեկը։

Կյանք և գործունեություն

Եղել է Լեհաստանից ներգաղթած հրեա ընտանիքի յոթերորդ երեխան։ 1895 թվականին Բոմբերգները տեղափոխվել են Լոնդոնի Ուայթչեպել շրջան (Իսթ Էնդում)։ Այստեղ 15-ամյա Դեյվիդն սկսել է վիմագրություն սովորել։ 1908-1910 թվականներին նա Ուոլթեր Սիքերտի ղեկավարությամբ սովորել է արվեստի պատմություն Վեսթմինսթերի արվեստի դպրոցում։ Միևնույն ժամանակ որպես օգնական է աշխատել նկարիչ Ջոն Սինգեր Սարջենթի գեղարվեստական արհեստանոցում. վերջինս Բոմբերգին խորհուրդ է տալիս ուսումը շարունակել Սլեյդի գեղարվեստի դպրոցում։ Հրեական օգնության գործակալությունից կրթաթոշակ ստանալով` երիտասարդ նկարիչը սովորում է Սլեյդի դպրոցում 1911-1913 թվականներին։ Այս ժամանակահատվածում նա ծանոթացել է այնպիսի արվեստագետների հետ, ինչպիսիք են Փոլ Նեշը, Սթենլի Սփենսերը, Այզեկ Ռոզենբերգը և Մարկ Գերտլերը։ Բոմբերգը գեղարվեստական այնպիսի ուղղության հիմնադիրներից մեկն էր, ինչպիսին էր վորտիցիզմը։

1913 թվականին Բոմբերգը, Ջեյքոբ Էպստայնի հետ մեկնել է Ֆրանսիա, որտեղ հանդիպել է վրձնի այնպիսի վարպետների հետ, ինչպիսիք են Անդրե Դերենը, Ամեդեո Մոդիլիանին և Պաբլո Պիկասոն, որոնք ազդել են նկարչի հետագա ստեղագործության վրա։ 1915-1918 թվականներին մասնակցել է Արևմտյան ճակատի ռազմական գործողություններին։ Առաջին համաշխարհային պատերազմի ավարտից հետո Բոմբերգը որոշ ժամանակ ապրել է Պաղեստինում (1923-1927), այնուհետև ճամփորդել է դեպի Մարոկկո և Հունաստան (1930), ԽՍՀՄ (1933) և Իսպանիա (1934-1935)։ 1945-1953 թվականներին նկարիչը դասավանդել է Լոնդոնի South Bank համալսարանում։ Բոմբերգի ուսանողներից են Ֆրենկ Աուերբախը, Լեսլի Մարը, Գուստավ Մեցգերը և Լեոն Կոսոֆը։

Բոմբերգը նկարում էր հիմնականում բնապատկերներ և դիմանկարներ։ Նրա գործերը ստեղծվել են ինչպես աբստրակտ (մինչև 1920 թվականը), այնպես էլ` էքսպրեսիոնիստական ոճով։ Բոմբերգի որոշ աշխատություններում զգացվում է խորհրդային կոնստրուկտիվիզմի ուժեղ ազդեցությունը։

Ծանոթագրություններ

↑ ^1,0 ^1,1 ^1,2 ^1,3 ^1,4 RKDartists (նիդերլ.)
↑ ^2,0 ^2,1 ^2,2 ^2,3 ^2,4 David Bomberg — OUP, 2006. — ISBN 978-0-19-977378-7
↑ ^3,0 ^3,1 ^3,2 ^3,3 ^3,4 Discogs — 2000.
↑ ^4,0 ^4,1 Չեխիայի ազգային գրադարանի կատալոգ

Արտաքին հղումներ

Վիքիպահեստն ունի նյութեր, որոնք վերաբերում են «Դեյվիդ Բոմբերգ» հոդվածին։

[_dbf40e005ded84eb-1] 1,0 ^1,1 ^1,2 ^1,3 ^1,4 RKDartists (նիդերլ.)

[_aa43d15d951b5d42-2] 2,0 ^2,1 ^2,2 ^2,3 ^2,4 David Bomberg — OUP, 2006. — ISBN 978-0-19-977378-7

[_3f3c652ea1649b64-3] 3,0 ^3,1 ^3,2 ^3,3 ^3,4 Discogs — 2000.

[_7538e243fe2073f4-4] 4,0 ^4,1 Չեխիայի ազգային գրադարանի կատալոգ

[1]

[2]

[3]

[4]