Դեսթինի Ռոջերս

Դեսթինի Ռոջերս
Դիմանկար
Ծնվել էսեպտեմբերի 13, 1999(1999-09-13)[1] (25 տարեկան)
ԾննդավայրԼոդայ, Սան Խոակին շրջան, Կալիֆոռնիա, ԱՄՆ[2]
Քաղաքացիություն ԱՄՆ
ԱզգությունMexican Americans?
Մասնագիտությունհեղինակ-կատարող և երգչուհի
Կայքdestinyrogers.com
 Destiny Rogers Վիքիպահեստում

Դեսթինի Ռոջերս (անգլ.՝ Destiny Rogers, սեպտեմբերի 13, 1999(1999-09-13)[1], Լոդայ, Սան Խոակին շրջան, Կալիֆոռնիա, ԱՄՆ[2]), ամերիկացի երգչուհի[3]։

Վաղ կյանք

[խմբագրել | խմբագրել կոդը]

Ծնվել է 1999 թվականի սեպտեմբերի 13-ին և մեծացել է Կալիֆոռնիա նահանգի Լոդայ քաղաքում իր ընտանիքի հետ։ Ռոջերսն ազատ իսպաներեն է խոսում՝ մորական կողմից մեքսիակական արմատներ ունենալով[4]։ 10 տարեկան հասակում նա ՅուԹյուբում Ջասթին Բիբերի հոլովակները դիտելով կիթառ նվագել է սովորում[3]։ Նրա հայրը եկեղեցական կուլտի առաջնոոդ էր և աղջկան խրախուսում էր ելույթ ունենալ եկեղեցական արարողությունների ժամանակ։ Ռոջերսն հաճախել է ոչ ավանդական, անկախ ավագ դպրոց[5]։ Իր կարիերայի համար նա 2019 թվականի հունվարին տեղափոխվել է Լոս Անջելես։

Երաժշտական կարիերա

[խմբագրել | խմբագրել կոդը]

2017 թվականին ընտանիքի ընկերներից մեկը Ռոջերսի յություբյան քավերներից մեկը ներկայացնում է The Stereotypes պրոդյուսերական դուոյին, որը նրանց համատեղ աշխատանքին է հանգեցնում[5]։ Արդյունքում, Ռոջերսն երկու տարվա ընթացքում յուրաքանչյուր ամսվա հանգստյան օրերից մեկն անցկացնում էր Լոս Անջելեսում՝ նրանց հետ երաժշտության վրա աշխատելու նպատակով[4]։ Նա 2018 թվականի փետրվարին պայմանագիր է կնքում դուոյի լեյբլի հետ, իսկ նոյեմբերին՝ RCA Records-ի հետ [4]։ Նրա երաժշտական ոգեշնչումներն են Ջասթին Բիբերը, H.E.R.-ը, Քեհլանի Փերիշը և Բիլլի Այլիշը։

2019 թվականի փետրվարի 28-ին Ռոջերսը թողարկում է իր դեբյուտային՝ «Tomboy» սինգլը, որը ձայնագրվել էր նախորդ տարվա կեսերին[6]։ Տեքստում խոսվում է «սպասումներին մարտահրավեր նետելու» մասին։ Ռոջերսն իրեն թոմբոյ է համարում, քանի որ նա շպար չի օգտագործում, կրում է պարկանման հագուստ և սքեյթբորդինգով է զբաղվում։ Երգի տեսահոլովակը նկարահանվել է Ռոջերսի հայրենի քաղաքում և թողարկվել է երգի հետ միասին[6]։ Պրոֆեսիոնալ սքեյթբորդինգով զբաղվող Մարիա Դյուրանը նույնպես նկարահանվել է տեսահոլովակում[7]։ Ռոջերսը թողարկել է իր դեբյուտային՝ «Tomboy» մինի ալբոմը 2019 թվականի մարտի 22-ին՝ երկու տարի ձայնագրելուց հետո, որի արտադրությամբ զաղվել են The Stereotypes դուոն[8]։ Նաև տեսահոլովակներ են թողարկվել մինի ալբոմի «North$ide» և «Lockdown» երգերի համար[9][10]։

2019 թվականին Ռոջերսը ելույթ է ունեցել «South by Southwest» և «Camp Flog Gnaw Carnival» փառատոնների ժամանակ[10]։ 2019 թվականի աշնանը նա աջակցել է երգիչ Ռուլին վերջինիս հյուսիսամերիկյան՝ «Free Time Tour» շրջագայության ժամանակ[11]։ 2020 թվականի մայիսի 29-ին Ռոջերսը թողարկել է իր երկրորդ՝ «Great Escape» մինի ալբոմը։ Ալբոմի գլխավոր սինգլներն են «Kickin' Pushin»-ն ու «Euphoria»-ն։

Սկավառակագրություն

[խմբագրել | խմբագրել կոդը]

Մինի ալբոմներ

[խմբագրել | խմբագրել կոդը]
  • «Tomboy» (2019)
  • «Great Escape» (2020)

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Destiny Rogers — 2002.
  2. ↑ 2,0 2,1 2,2 Collar M. Destiny Rogers: Laid-back singer/songwriter from Lodi, California, with an R&B- and hip-hop-influenced sound — 1991.
  3. ↑ 3,0 3,1 Nelson, Lauren (2012 թ․ օգոստոսի 31). «Chasing Her Destiny». Lodi News.
  4. ↑ 4,0 4,1 4,2 Chesman, Donna-Claire (2019 թ․ հուլիսի 29). «Meet Destiny Rogers, the Upcoming R&B Singer with Superstar Potential». DJ Booth.
  5. ↑ 5,0 5,1 Boreland, Monique (2019 թ․ մարտի 26). «Destiny Rogers – Notion». Notion.
  6. ↑ 6,0 6,1 Wass, Mike (2019 թ․ փետրվարի 28). «One To Watch: Destiny Rogers Debuts With Stereotypes-Produced "Tomboy"». Idolator.(չաշխատող հղում)
  7. ↑ Bane, Colin (2019 թ․ հունիսի 15). «Destiny Rogers on Bringing Her Loves of Skateboarding and Music Together at Dew Tour». Dew Tour. Արխիվացված է օրիգինալից 2020-06-15-ին. Վերցված է 2021-04-02-ին.
  8. ↑ Davies, Hayden. «Introducing Destiny Rogers and her shimmering debut EP, Tomboy». Pilerats.
  9. ↑ Espinoza, Joshua (2019 թ․ մարտի 28). «Premiere: Rising Artist Destiny Rogers Shares New Video for "North$ide"». Complex.
  10. ↑ 10,0 10,1 Lindsay, Kathryn (2019 թ․ հունիսի 25). «The Drop: Destiny Rogers Gets Raw In New "LockDown" Music Video». Refinery 29.
  11. ↑ Hahn, Bryan (2019 թ․ հոկտեմբերի 23). «Destiny Rogers rides hella deep in her "Lo Lo" video with P-Lo and Guapdad 4000». Fader.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Դեսթինի Ռոջերս» հոդվածին։
Ֆոտո, վիդեո և աուդիո
Թեմատիկ կայքեր