Դերիլ Ջոնս
| Դերիլ Ջոնս | |
|---|---|
 | |
| Ծնվել է | դեկտեմբերի 11, 1961 (62 տարեկան) Չիկագո |
| Երկիր |  ԱՄՆ |
| Ժանրեր | ջազ և ռոք |
| Մասնագիտություն | բասիստ և ջազ երաժիշտ |
| Գործիքներ | electric bass guitar? |
| Կրթություն | Հարավային Իլինոյսի համալսարան, Chicago Vocational High School? և Հարավային Իլինոյսի համալսարան |
| Անդամակցություն | Ռոլինգ Սթոունզ |
| Կայք | darryljones.com/en |
 Darryl Jones Վիքիպահեստում | |
Դերիլ Ջոնս (անգլ. Darryl Jones, նաև հայտնի է որպես The Munch, դեկտեմբերի 11, 1961, Չիկագո), ամերիկյան բաս կիթառահար[1][2]։ Ջոնսը կարիերան սկսել է որպես սեսսիոն երաժիշտ, որտեղ ձեռք է բերել փորձ և վստահություն՝ նվագելով ջազ, բլյուզ և ռոք ամենահարգված կատարողների հետ։ 1993 թվականին The Rolling Stones խմբի հիմնական բասիստ Բիլ Ուայմենի հեռանալուց հետո Ջոնսն ընդունվել է որպես սայդմեն և մասնակցել է նրանց բոլոր ալբոմների կամ ելույթների ձայնագրությանը։
Կենսագրություն
[խմբագրել | խմբագրել կոդը]Ջոնսը ծնվել է 1961 թվականի դեկտեմբերի 11-ին Չիկագոյում։ Մանկության տարիներին նրա հայրը, անձամբ թմբկահար լինելով, լավ է վերաբերվել որդու՝ երաժշտությամբ տարված լինելուն և նրան սովորեցրել է կիթառ նվագել։ Դերիլի հարևանը, որ բասիստ էր, համոզել է նրան կիթառից անցնել բասի։
Ջոնսն ընդունվել է Հարավային Իլինոյսի Կարբոնդեյլի համալսարան, սակայն բաս կիթառ նվագելը չի թողել։ Երաժիշտ Վինս Ուիլբերն կրտսերը, որի հետ Ջոնսն առաջին անգամ նվագել է իր ստուդիական սեսիայում, ինչպես պարզվել է, եղել է հռչակավոր ջազմեն Մայլս Դևիսի ազգականը։ Նա Ջոնսին ասել է, որ Դևիսը նոր բասիստ է փնտրում և խորհուրդ է տվել նրան դիմել։ Այն բանից հետո, երբ Ջոնսը զանգահարել է Դևիսին, նա երիտասարդ բասիստին հրավիրել է շրջագայության և հանդես եկել որպես ուսուցիչ[3]։ 1983 թվականին Ջոնսը պաշտոնապես ընդգրկվել է նրա խմբի կազմում։ Նա մասնակցել է Դևիսի երկու ալբոմների՝ Decoy (1984) և You’re Under Arrest (1985) ձայնագրություններին։
Դևիսի հետ աշխատանքը Ջոնսին համբավ է բերել ջազի սիրահարների շրջանում, և նա հնարավորություն է ստացել աշխատել այլ հայտնի ջազային երաժիշտների հետ, ինչպիսիք էին Herbie Hancock's Headhunters-ը, Մայք Ստերնը, Ջոն Սքոֆիլդը և Steps Ahead-ը: Նա նաև հանդես է եկել որպես սեսսիոն բասիստ այնպիսի ռոք և փոփ կատարողների մոտ, ինչպիսիք են Շերը, Սթինգը, Փիթեր Գեբրիելը, Մադոննան, Էրիկ Քլեփթոնը և Ջոան Արմեթրեյդինը։
Երբ The Rolling Stones-ի հիմնադիրներից մեկը՝ բասիստ Բիլ Ուայմանը, 1993 թվականին հեռացել է խմբից, Ջոնսը նրանց հետ սկսել է երկարաժամկետ համագործակցություն, որը շարունակվում է մինչ օրս։ Սկսած Voodoo Lounge (1994) ալբոմից՝ նա նվագել է բաս կիթառի պարտիաներ ռոլինգների բոլոր ալբոմներում և հաճախ հանդես է գալիս համերգների ժամանակ։ Stones-ի այլ սայդմենների՝ սաքսոֆոնահար Բոբի Քիսի և ստեղնահար Չակ Լիվելի նման Ջոնսի բեմական վարքագիծը և տեսքը աննկատ են, ինչի պատճառով նա մնում է խմբի հայտնի մասնակիցների ստվերում։ Նա ստանում է կայուն աշխատավարձ և չի մասնակցում խմբի՝ ելույթներից ու ձայնագրություններից ստացված և այլ եկամուտների բաժանմանը։
Ծանոթագրություններ
[խմբագրել | խմբագրել կոդը]- ↑ Jones, Darryl (2010). «Биография Дэррила Джонса». Արխիվացված է օրիգինալից 2010 թ․ դեկտեմբերի 7-ին.
{{cite web}}: Invalid|url-status=404(օգնություն) - ↑ Jisi, Chris (Jan/Feb 1995). «Darryl Jones: Like A Rolling Stone». Bass Player Magazine: biography and interview. Bass Player magazine. Արխիվացված է օրիգինալից 2012 թ․ հուլիսի 31-ին.
- ↑ Goldsher, Alan (2009). «Darryl Jones Stone Unturned». Bass Player magazine, New Bay Media. Արխիվացված է օրիգինալից 2012 թ․ հուլիսի 31-ին. Վերցված է 2010 թ․ նոյեմբերի 7-ին.
Արտաքին հղումներ
[խմբագրել | խմբագրել կոդը]Դերիլ Ջոնսի մասին հոդվածներ Bassplayer.com կայքում
- Goldsher, Alan (2005 թվականի օգոստոս). «Darryl Jones Stone Unturned». Bass Player
- Coryat,Karl. (2003 թվականի փետրվար) «Darryl Jones on Playing with the Rolling Stones, Sting, and Miles Davis — to Name a Few». Bass Player.
- Jisi, Chris. (2000 թվականի հունվար) «Darryl Jones: Like A Rolling Stone». Bass Player.
- Wissmann, Chris (1996). «Former SIU Student Playing Bass for Rolling Stones Արխիվացված 2011-10-01 Wayback Machine». «Nightlife
 | Վիքիպահեստն ունի նյութեր, որոնք վերաբերում են «Դերիլ Ջոնս» հոդվածին։ |
| ||||||||||||||||
