Ելք (կուսակցությունների դաշինք)

; «Ելք» դաշինք
	«Ելք» դաշինքի պատկերանիշ
Տեսակ	դաշինք
Երկիր	Հայաստան
Առաջնորդ	Էդմոն Մարուքյան; Նիկոլ Փաշինյան; Արամ Զ. Սարգսյան
Կարգախոս	«Ելք կա»
Հիմնադիր	«Լուսավոր Հայաստան» կուսակցություն; «Քաղաքացիական պայմանագիր» կուսակցություն; «Հանրապետություն» կուսակցություն
Հիմնադրված	Դեկտեմբերի 12, 2016
Լուծարված	նոյեմբեր, 2018 (փաստացի)
Գաղափարախոսություն	Ազատականություն; Եվրոպամետություն
Պաշտոնական գույն(եր)	Նարնջագույն
Շտաբ	Հայաստան
ՀՀ Ազգային ժողով	9 / 105
Երևանի քաղաքապետարան	14 / 65

«ԵԼՔ» դաշինք, քաղաքական դաշինք Հայաստանում։ Դաշինքը ստեղծվել է 2016 թվականի դեկտեմբերի 12-ին^[1]՝ «Քաղաքացիական պայմանագիր», «Լուսավոր Հայաստան» և «Հանրապետություն» կուսակցությունների ստորագրած համաձայնագրով։ Դաշինքը 9 պատգամավորով ներկայացված է եղել Հայաստանի 6-րդ գումարման Ազգային ժողովում^[2]^[3]։ Դաշինքը փաստացի լուծարվել է 2018 թվականի նոյեմբերին, երբ անդամ կուսակցություններից յուրաքանչյուրը որոշեց առանձին գնալ խորհրդարանական ընտրություններին^[4]։

Անվանում

Դաշինքի անվան հիմքում հայերեն «Ելք» բառն է, որը նշանակում է դժվար կացությունից՝ անհաջողությունից և այլն ազատվելու հնարավորություն՝ միջոց^[5]։ Դաշինքի հիմնադիրներից Նիկոլ Փաշինյանն այն բացատրում է որպես Հայաստանը դժվար կացությունից, անհաջողությունից ազատելու հնարավորություն՝ միջոց, Հայաստանի վերելքի, դեպի վեր տանող վերընթաց ուղի^[6]։

Մասնակցությունն ընտրական գործընթացներին

Հայաստանի խորհրդարանական ընտրություններ, 2017

Դաշինքը ստեղծվել է 2016 թվականի դեկտեմբերի 12-ին՝ Հայաստանի 2017 թվականի խորհրդարանական ընտրություններին մասնակցելու նպատակով։ «ԵԼՔ»-ը գրանցվելու համար ԿԸՀ֊ին փաստաթղթերը հանձնել է 2017 թվականի փետրվարի 16-ին՝ միաժամանակ հրապարակելով համամասնական ցուցակի առաջին ինը անդամների անունները^[7]։ Դաշինքի համամասնական ցուցակի առաջին եռյակը որոշվել է քվեարկությամբ^[8]^[9]։ Այն գլխավորում է «Լուսավոր Հայաստան» կուսակցության նախագահ Էդմոն Մարուքյանը, երկրորդը «Հանրապետություն» կուսակցության նախագահ Արամ Զավենի Սարգսյանն է, երրորդը «Քաղաքացիական պայմանագիր» կուսակցության խորհրդի անդամ Նիկոլ Փաշինյանը։ Դաշինքի համամասնական ցուցակում ընդգրկված է հարյուր քսանմեկ անձ, որոնցից հարյուր տասներկուսը նաև տարածքային թեկնածուներ են։ Դաշինքը ընտրությունների նախընտրական ծրագիրը հրապարակել է մարտի 5-ին^[10]։ Կարգախոսն է «Ընտրություն, փոփոխություն, հաղթանակ»^[11]։

Ընտրությունների արդյունքում դաշինքը ստացավ 121'997 ձայն, կամ ընդհանուր քվեների 7,78%-ը։ «Ելքը» 6-րդ գումարման Ազգային ժողովում կներկայացվի 9 պատգամավորով։

Երևանի ավագանու ընտրություններ, 2017

«Ելք» դաշինքը մասնակցում է Երևանի ավագանու 2017 թվականի ընտրություններին։ Դաշինքի քաղաքապետի թեկնածուն Նիկոլ Փաշինյանն է^[12]։

Հայտարարություններ

«ԵԼՔ» դաշինքը 2017 թվականի փետրվարի 8-ին հայտարարությամբ դատապարտեց Բելառուսի կողմից հրեա բլոգեր Ալեքսանդր Լապշինի արտահանձնումը^[13] Ադրբեջանին և կոչ արեց Բելառուսից հետ կանչել Հայաստանի դեսպանին^[14]։

Արտաքին հղումներ

Ծանոթագրություններ

↑ «Լուսավոր Հայաստանը, Քաղաքացիական պայմանագիրը և Հանրապետությունը համաձայնագիր ստորագրեցին». Արխիվացված է օրիգինալից 2016 թ․ դեկտեմբերի 14-ին. Վերցված է 2017 թ․ մարտի 25-ին.
↑ ««Ելք». Փաշինյանի, Մարուքյանի ու Արամ Սարգսյանի դաշինքի անունը հայտնի է». Արխիվացված է օրիգինալից 2020 թ․ հոկտեմբերի 29-ին. Վերցված է 2017 թ․ մարտի 25-ին.
↑ Ապագա խորհրդարանը կունենա 105 պատգամավոր. ՀՀԿ-ին կանցնի 55 մանդատ, «Ծառուկյան» դաշինքին՝ 31
↑ ««Լուսավոր Հայաստանն» առանձին կմասնակցի ԱԺ ընտրություններին». www.panarmenian.net. 2018 թ․ նոյեմբերի 5.
↑ http://www.nayiri.com/imagedDictionaryBrowser.jsp?dictionaryId=24&query=%D4%B5%D5%AC%D6%84 Արդի հայերենի բացատրական բառարան Էդուարդ Բագրատի Աղայան։ «Հայաստան» Հրատարակչություն, Երեւան, 1976
↑ Ինչու ԵԼՔ դաշինք. Նիկոլ Փաշինյանի պարզաբանումը
↑ ««Ելք» դաշինքը ԿԸՀ ներկայացրեց նախընտրական ցուցակը՝ նշելով ինը տեղերը զբաղեցրած անձանց անունները». Արխիվացված է օրիգինալից 2017 թ․ փետրվարի 21-ին. Վերցված է 2017 թ․ մարտի 25-ին.
↑ «Ելք» դաշինքի համամասնական ցուցակը կգլխավորի Էդմոն Մարուքյանը
↑ «Ելք» դաշինքի ցուցակը կգլխավորի էդմոն Մարուքյանը
↑ ԵԼՔ դաշինքի նախընտրական ծրագիրը «Լուսավոր Հայաստան» կուսակցության պաշտոնական կայքում
↑ «Ելք»-ն ԱԺ ընտրություններին հանդես կգա «Ընտրություն, Փոփոխություն, Հաղթանակ» կարգախոսով
↑ «ԵԼՔ» դաշինքը հրապարակել է Երևանի ավագանու թեկնածուների ցուցակը
↑ Բելառուսը Ադրբեջանին արտահանձնեց բլոգեր Ալեքսանդր Լապշինին
↑ «Ելք» դաշինք. ՀՀ-ն պետք է հետ կանչի Բելառուսում իր դեսպանին

[1] «Լուսավոր Հայաստանը, Քաղաքացիական պայմանագիրը և Հանրապետությունը համաձայնագիր ստորագրեցին». Արխիվացված է օրիգինալից 2016 թ․ դեկտեմբերի 14-ին. Վերցված է 2017 թ․ մարտի 25-ին.

[2] ««Ելք». Փաշինյանի, Մարուքյանի ու Արամ Սարգսյանի դաշինքի անունը հայտնի է». Արխիվացված է օրիգինալից 2020 թ․ հոկտեմբերի 29-ին. Վերցված է 2017 թ․ մարտի 25-ին.

[3] Ապագա խորհրդարանը կունենա 105 պատգամավոր. ՀՀԿ-ին կանցնի 55 մանդատ, «Ծառուկյան» դաշինքին՝ 31

[4] ««Լուսավոր Հայաստանն» առանձին կմասնակցի ԱԺ ընտրություններին». www.panarmenian.net. 2018 թ․ նոյեմբերի 5.

[5] ttp://www.nayiri.com/imagedDictionaryBrowser.jsp?dictionaryId=24&query=%D4%B5%D5%AC%D6%84 Արդի հայերենի բացատրական բառարան Էդուարդ Բագրատի Աղայան։ «Հայաստան» Հրատարակչություն, Երեւան, 1976

[6] Ինչու ԵԼՔ դաշինք. Նիկոլ Փաշինյանի պարզաբանումը

[7] ««Ելք» դաշինքը ԿԸՀ ներկայացրեց նախընտրական ցուցակը՝ նշելով ինը տեղերը զբաղեցրած անձանց անունները». Արխիվացված է օրիգինալից 2017 թ․ փետրվարի 21-ին. Վերցված է 2017 թ․ մարտի 25-ին.

[8] «Ելք» դաշինքի համամասնական ցուցակը կգլխավորի Էդմոն Մարուքյանը

[9] «Ելք» դաշինքի ցուցակը կգլխավորի էդմոն Մարուքյանը

[10] ԵԼՔ դաշինքի նախընտրական ծրագիրը «Լուսավոր Հայաստան» կուսակցության պաշտոնական կայքում

[11] «Ելք»-ն ԱԺ ընտրություններին հանդես կգա «Ընտրություն, Փոփոխություն, Հաղթանակ» կարգախոսով

[12] «ԵԼՔ» դաշինքը հրապարակել է Երևանի ավագանու թեկնածուների ցուցակը

[13] Բելառուսը Ադրբեջանին արտահանձնեց բլոգեր Ալեքսանդր Լապշինին

[14] «Ելք» դաշինք. ՀՀ-ն պետք է հետ կանչի Բելառուսում իր դեսպանին

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]