Ենթամաշկային իմպլանտ
Ենթամաշկային իմպլանտ, բեղմնականխման հորմոնալ միջոց։ Այն փոքր ճկվող գլանակ է, շուրջ 40 մմ երկարությամբ, որը տեղադրվում է բժիշկ-մասնագետի կողմից մաշկի տակ (սովորաբար բազկի վերին հատվածում)։ Իմպլանտը բեղմնականխման ամենահուսալի միջոցներից է։ Տեղադրումից հետո այն կանխում է հղիությունը՝ արձակելով հորմոններ, որոնք խոչընդոտում են ձվարաններից ձվաբջջիջների դուրս գալուն և խտացնում են արգանդի վզիկի լորձ։ Իմպլանտի բեղմնականխիչ ազդեցությունը կարող է տևել մինչև 3 տարի։ Այն չի պաշտպանում սեռական ճանապարհով փոխանցվող վարակներից (ՍՃՓՎ)։ Իմպլանտի ներդրման հետ կապված ծախսերը տարբեր են[1]։
Հայտնի են հետևյալ ապրանքային անվանումներով իմպլանտները՝
- Նորպլանտ և Ժադել (Նորպլանտ II)
- Իմպլանոն/Նեքսպլանոն
- Սինո-իմպլանտ (II). վաճառքում հանդիպում է Զարին, Ֆեմպլանտ, Թրասթ անվանումներով
Կողմնակի ազդեցությունները
[խմբագրել | խմբագրել կոդը]Կողմնակի դրական ազդեցություններ
[խմբագրել | խմբագրել կոդը]- դաշտանը լինում է ոչ միշտ՝ թեթև ընթացքով
- կանանց 30%-ը չի ունենում արյունահոսող դաշտան (լիարժեք արդյունավետության նշան)
- բեղմնականխիչ ազդեցությունը տևում է մինչև 3 տարի (ավելորդ քաշ ունեցող կանանց դեպքում՝ ավելի կարճ)
- կարող է օգտագործվել կրծքով կերակրման ժամանակահատվածում
- կարող է նվազեցնել նախադաշտանային համախտանիշները
Կողմնակի բացասական ազդեցություններ
[խմբագրել | խմբագրել կոդը]Կանանցից շատերի համար դրանք խնդրահարույց չեն դառնում. մշտապես կարելի է հեռացնել իմպլանտը և փոխել բեղմնականխման մեթոդը, եթե կողմնակի ազդեցությունները խնդիր են դառնում.
- անկանոն արյունահոսություններ՝ առաջին 6–12 ամիսների ընթացքում
- ախորժակի փոփոխություններ, դեպրեսիա, տրամադրության անկում, հորմոնալ հաշվեկշռի խախտում և ցավոտ կրծքագեղձեր
- ավելորդ քաշ, գլխապտույտ, հղիության նշաններ, քնկոտության զգացում