Եռակի սահման
Եռակի սահման (Երեք սահման, իսպ.՝ La Triple Frontera, պորտ.՝ Tríplice Fronteira), Պարագվայի, Արգենտինայի և Բրազիլիայի միացյալ հատվածում գտնվող եռասահման տարածք, որտեղ միանում են Իգուասու և Պարանա գետերը։ Գետախառնունրդի մոտակայքում են գտնվում Սիուդադ դել Էստե (Պարագվայ), Պուերտո Իգուասու (Արգենտինա) և Ֆոս դո Իգաչու (Բրազիլիա) քաղաքները։ Այս տարածքը գտնվում է Իգուասու ջրվեժի և Իտայպու հիդրոէլեկտրակայանի հարևանությամբ։
Բնակչություն
[խմբագրել | խմբագրել կոդը]Երեք սահմանի բնակչությունը կենտրոնացած է երեք սահմանամերձ քաղաքներում։ Դրանցից ամենամեծը Սիուդադ դել Էստեն է Պարագվայում, որի բնակչությունը 2010 թվականին կազմել է 390 հազար մարդ, իսկ ամենափոքրը Արգենտինայի Պուերտո Իգուասու քաղաքն է՝ 82 հազար բնակչությամբ։ Բրազիլիայի տուրիստական Ֆոս դո Իգաչու քաղաքն ունի 300000 բնակչություն։ Արաբական և այլ ասիական ներգաղթային համայնքները, որոնք այս սահմանամերձ տարածքում կազմում են քաղաքային բնակչության կարևոր հատվածը, ունեն շուրջ 50000 բնակիչ[1]։
Տուրիզմ
[խմբագրել | խմբագրել կոդը]Եռակի սահմանը կարևոր զբոսաշրջային տարածք է Ագուաս Գրանդեսի տուրիստական ենթաշրջանում։ Այցելուները կարող են տեսնել Տանկրեդո Բևես կամուրջը, որը կապում է Արգենտինայի Պուերտո Իգուասու քաղաքը իր բրազիլական հարևան Ֆոս դե Իգաչուի հետ։ Սահմանների հատման վայրում երեք սահմանամերձ երկրներից յուրաքանչյուրը կառուցել է կոթող, որը ներկված է այն երկրի ազգային գույներով, որտեղ գտնվում է։ Բոլոր երեք երկրները կարելի է տեսնել կոթողի մոտից։
Guarani Aquifer-ը, թերևս, աշխարհի խմելու ջրի ամենամեծ ջրամբարն է, որը գտնվում է Եռակի սահմանի հողում (Բրազիլիա, Արգենտինա և Պարագվայ)։
Տեռորիստական գրոհներ
[խմբագրել | խմբագրել կոդը]ԱՄՆ կառավարությունը հայտարարում է Եռակի սահմանի տարածքում արմատական իսլամական խմբավորումների առկայության «անհերքելի ապացույցների» վերաբերյալ, որոնք «ֆինանսավորում են տեռորիստական գրոհները»։ Ենթադրվում է որ այնպիսի խմբավորումներ, ինչպիսիք են եգիպտական Ալ-Գամա ալ- իսլամիյան, Իսլամական ջիհադը, Հեզբոլլահը և Ալ-Քայիդան եկամուտներ են ստանում այդ տարածաշրջանում տեռորիստական գործունեություն իրականացնելուց[2]։
Տարածաշրջանի աշխարհագրական դիրքի առանձնահատկությունները, անզուսպ կոռուպցիան և թույլ դատական համակարգը հնարավորություն չեն տալիս օբյեկտիվորեն գնահատել կազմակերպված հանցագործության մակարդակը և նրա հետ կապված անօրինական գործունեությունը[3]։ Բացի այդ պարագվայական ողղությունը համարվում է առավել նպաստավոր է տեռորիստական գործունեության իրականացման համար, այդ երկրում հակատեռորիստական օրենքների բացակայության պատճառով։ Այսպիսով տեռորիստական կազմակերպությունների ֆինանսավորումը օրենքով չի հետապնդվում և դրանց գործունեությունը չի վերահսկվում[4]։
Տարածաշրջանի իրադրությունից իրազեկ ԱՄՆ-ի ներկայացուցիչների և օրենքի կիրառման մասնագետների հայտարարության համաձայն "Իրանի կեղմից պաշտպանվող «Հեզբոլլահ» անօրինական զինված խմբավորումը ապահովում է այդ տարածաշրջանում հիմնավորված արմատական իսլամիստների մշտական ֆինանսավորումը։ Պենտագոնի անվտանգության հարցերով տեեռորիզմին հակազդող հետազոտական խմբի մասնագետը Եռակի սահմանը ներկայացնում է որպես «Լիբանանի տարածքից դուրս Հեզբոլլայի ամենակարևոր բազաներից մեկը, որպես վտանգավոր ֆանատիկների խմբակցության տուն, որտեղ պատրաստ են ներդնել իրենց դրամական միջոցները Հեզբոլայի զարգացման նպատակով»[4]։ Տարածաշրջանում բնակվող 25 հազար լիբանանյան արաբներից ոչ բոլորն են օժանդակում տեռորիզմին, բայց զգալի մասը բացահայտ ընդունում են Հեզբոլլային և տեղական շիական մզկիթին ֆինանսական օժանդակություն տրամադրումը" նշելով, որ պարտավոր են ֆինանսավորել նրանց։ Պարագվայի իշխանությունները հաղորդում են , որ ունեն ապացույցներ տեռորիզմի հետ կապված կազմակերպությունների ֆինասավորման վերաբերյալ, որն արտահայտվում է Պարագվայից Մերձավոր Արևելք ուղղվող ֆինանսական հոսքերով, այդ փաստը հաստատվում է նաև Պարագվայի տեռորիզմի հակազդեցության ուսումնասիրության դեպարտամենտի ղեկավար Կարլոս Ատեմբերգերի կողմից[4]։
Փաստը հատատելու համար Պարագվայը հաղորդում է, որ իր տարածք են մտել ԱՄՆ-ի 400 զինվոր «քաղաքային տեռորիզմի հակազդեցությանը և հասարակական անվտանգությանը ուղղված համատեղ զորավարժությունների իրականացման նպատակով»[5]։ 2005 թվականին բոլոր երեք երկրների իշխանությունները հաղորդեցին, որ Ֆոս-դե-Իգուասուում ստեղծելու են հետախուզական կենտրոն, իրադրությունը տարածքում վերահսկելու նպատակով[6]։ Տվյալ քաղաք ժամանող տուրիստները կասկածանքով են ընդունում տարածաշրջանում տեռորիստական ակտիվության վերաբերյալ հաղորդագրությունները[7]։
Ծանոթագրություններ
[խմբագրել | խմբագրել կոդը]- ↑ «Paraguay's Ciudad del Este and the New Centers of Gravity». Foreign Military Studies Office. April 2002. Վերցված է April 2006-ին.(չաշխատող հղում)
- ↑ «Frontier in terror spotlight».
- ↑ «The Role of Safe Havens in Islamist Terrorism».
- ↑ 4,0 4,1 4,2 «Hezbollah builds a Western base from inside South America's Tri-border area, Iran-linked militia targets U.S.».
- ↑ «US Marines put a foot in Paraguay». Արխիվացված է օրիգինալից 2009 թ․ մարտի 27-ին. Վերցված է 2017 թ․ հունիսի 29-ին.
- ↑ «Paraguay Hardens U.S. Military Stance».
- ↑ «Agency to monitor tri-border area».
Արտաքին հղումներ
[խմբագրել | խմբագրել կոդը]- CNBC Trish-Regan's Diary From a Dangerous Place
- CNBC In Paraguay Piracy Bleeds US Profits Aids Terrorists
- Pulitzer Center on Crisis Reporting Clouds Over Iguaçu (Video)
|
