Երաժշտությունը գովազդում

Երաժշտությունը գովազդում (անգլ.՝ Music in advertising), զանգվածային լրատվության միջոցներում ցուցադրվող գովազդներում օգտագործվող երաժշտությունը՝ նպատակաուղղված գովազդների հաջողությունը բարձրացնելու համար: Գովազդի երաժշտությունը «կարող է էապես ազդել հեռուստատեսային գովազդի հուզական արձագանքի վրա»[1]:

Երաժշտության գործառույթը գովազդում

[խմբագրել | խմբագրել կոդը]
Դեյվիդ Հուրոնը Օհայոյի պետական ​​համալսարանի, Ուղեղի Գիտությունների կենտրոնի պրոֆեսորներից է[2]

Գովազդում «երաժշտությունը մեկ կամ մի քանի կարողություններրի միջոցով կարող է դրական ծառայել գովազդների հիմնական նպատակներին հասնելու համար»: Դեյվիդ Հուրոնն առաջարկում է վեց հիմնական կատեգորիաներ, որոնք ներառում են.

  • ժամանց (անգլ.՝ entertainment),
  • կառուցված և շարունակականություն,
  • հիշարժանություն,
  • քնարական լեզու (անգլ.՝ lyrical language),
  • թիրախավորում,
  • հեղինակության հաստատում (անգլ.՝ authority establishment)։

Գովազդում երաժշտության օգտագործումը համարվում է արդյունավետ, քանի որ «երաժշտությունը զգալի ազդեցություն ունի սպառողի հուզական վիճակի և տրամադրության վրա, ինչը կարևոր է վերաբերմունքի ձևավորման համար»[3]։ Երաժշտության օգտագործումը գովազդը դարձնում է ավելի գրավիչ հանդիսատեսի համար: Տասնհինգ վայրկյանը ներկայումս հեռուստատեսային գովազդի ստանդարտ տեւողությունն է, ուստի գովազդատուները պետք է կարողանան հաջողությամբ գրավել իրենց լսարանի ուշադրությունը, ինչն անում է երաժշտությունը[4]:

Ժամանց

[խմբագրել | խմբագրել կոդը]

Երաժշտության ժամանցային կողմն օգնում է գովազդն ավելի գրավիչ դարձնել՝ դրան գեղագիտական ​​արժեք ավելացնելով: Գովազդը, որն ունի բարձր էսթետիկական արժեք, կկարողանա գրավել ավելի մեծ ուշադրություն: Այս տեսանկյունից, «երաժշտությունը պարտադիր չէ, որ որևէ հատուկ կապ դրսևորի որոշակի ապրանքի կամ ծառայության հետ, որպեսզի կատարի արդյունավետ և օգտակար գործառույթ»[5]:

Կենդանիների նկատմամբ դաժանության կանխարգելման ամերիկյան միությունը (անգլ.՝ American Society for the Prevention of Cruelty to Animals) հայտնի է գովազդներում տխուր երաժշտության օգտագործմամբ:

Զգացմունք և երաժշտություն

[խմբագրել | խմբագրել կոդը]

Երաժշտությունը կարող է օգտագործվել որպես ազդանշան՝ դիտողներին հաղորդագրություն փոխանցելու համար: Գովազդի երաժշտությունը կարող է անուղղակի ազդեցություն ունենալ ցուցադրվող ապրանքի նկատմամբ հեռուստադիտողի վերաբերմունքի վրա: Փորձը ցույց է տրվել, որ հուզիչ երաժշտությունը մեծացնում է մաշկի գրգռականությունը և սրտի զարկերի հաճախականությունը, ինչը կարող է դիտվել որպես երաժշտության միջոցով զգացմունքների մեծացման ֆիզիկական ձև: Տխուր երաժշտությունն ավելի շատ է ազդում մտադրությունների գնման վրա, քան ուրախ կամ ընդհանրապես երաժշտության բացակայությունը[6]:

Կենդանիների նկատմամբ դաժանությունների կանխարգելման ամերիկյան միություն և երաժշտության օգտագործումը գովազդներում
[խմբագրել | խմբագրել կոդը]

Տխուր երաժշտության օգտագործման օրինակ է Կենդանիների նկատմամբ դաժանությունների կանխարգելման ամերիկյան միության (անգլ.՝ American Society for the Prevention of Cruelty to Animals) գովազդը: Միությունն օգտագործել է տխուր երաժշտություն՝ տխուր էմոցիաներ ավելացնելով ցուցադրվող պատկերներին և տեսանյութերին, որպեսզի օգնի հեռուստադիտողին գումար նվիրաբերել տառապող կենդանիներին օգնելու համար:[1] Գովազդում հնչող երաժշտությունն օգտագործվում է որպես գործիք, որպեսզի հեռուստադիտողը կարեկցի կենդանիներին[7]։

Կառուցվածք և շարունակականություն

[խմբագրել | խմբագրել կոդը]

Երաժշտությունն աջակցում է գովազդի կառուցվածքին և շարունակականությանը` հանդիսանալով որպես միջնորդ տարբեր պատկերների միջև: Հեռուստատեսային գովազդին ուղեկցող երաժշտությունը կա՛մ կառուցում է պատմությունը, կա՛մ ինքն է պատմում: Ավելին, երաժշտությունը կարող է ընդգծել դրամատիկ պահերը գովազդի ներսում, հետևաբար ստեղծում է և՛ կառուցվածք, և՛ շարունակականություն[8]։

Հիշարժանություն

[խմբագրել | խմբագրել կոդը]

Գովազդում երաժշտությունը «ամենատարածված ​​տեխնիկան է, որն օգնում է արտադրանքը հիշելուն»: Տեսությունը ենթադրում է, որ սկզբնական ձայնն ակտիվացնում է հիշողության մեջ հնարավոր համընկնումների մի խումբ, որի շրջանակը նեղանում է ձայնի (կամ մեղեդու) առաջ գնալու հետ մեկտեղ[9]։

Երաժշտությունը ծառայում է արտադրանքը դիտողների հիշողության մեջ ավելի հիշվող դարձնելուն, քանի որ հայտնի է, որ այն «մնում է լսողի մտքում»[5]: Երաժշտությունը ընկերությունների համար սպառողին կամ գնորդին գայթակղելու թիվ մեկ միջոցն է, որի ստեղծման համար սովորաբար ծախսվում է մինչև կես միլիոն դոլար: Սա ներառում է հանրաճանաչ երաժշտության օգտագործումը, որը գրավում է երիտասարդ հանդիսատեսին, հայտնի մարդկանց և երաժշտական ​​արտիստների և մարզիկների մասնակցությունը, որոնց շատերը կարող են ճանաչել[10][11][12]։

Թիրախավորում

[խմբագրել | խմբագրել կոդը]

Գովազդային աշխարհում տարբեր տեսակի երաժշտական ​​ժանրերի օգտագործումն օգնում է գովազդատուներին ներգրավել նախընտրելի թիրախային լսարանին[13]։

Երաժշտությունը կարող է ստեղծել տարբեր տրամադրություններ և ստիպել տարբեր խմբերի մարդկանց մտածել կամ զգալ տարբեր բաներ: Երաժշտության տարբեր տեմպերը, ժամանակի փոփոխությունները, հնչերանգները և բովանդակությունը կարող են թիրախավորել որևէ մեկին կամ մարդկանց բազմաթիվ խմբերին, որոնց գովազդատուն փորձում է հասնել[5][1]:

Հաճախ գովազդի երաժշտությունը դիտողին ցույց է տալիս, թե ինչ է ապրանքը՝ նախքան գովազդը: Ըստ Լինդա Մ. Սքոթի՝ «Գովազդային երաժշտության տեսության համաձայն երաժշտությունը արդյունավետ ֆոնային բաղադրիչ է, որն առաջացնում է կապվածություն արտադրանքի հետ՝ առանց դիտողի ճանաչողական մասնակցության»[14]:

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Bruner, Gordon C. (1990). «Music, Mood, and Marketing». Journal of Marketing. 54 (4): 94–104. doi:10.2307/1251762. JSTOR 1251762.
  2. ↑ «David Huron». Ohio State University. Արխիվացված է օրիգինալից September 29, 2018-ին.
  3. ↑ «Advertisement». Psychology of Music. 39 (3): 396–397. 2011-06-20. doi:10.1177/03057356110390030801. ISSN 0305-7356. S2CID 220261736.
  4. ↑ Ciccarelli, David (2019-01-10). «The Best Length For TV Commercials». Voices.com (ամերիկյան անգլերեն). Վերցված է 2019-03-29-ին.
  5. ↑ 5,0 5,1 5,2 Huron, David (1989). «Music in Advertising: An Analytic Paradigm». The Musical Quarterly. 73 (4): 560–569. doi:10.1093/mq/73.4.557.
  6. ↑ Morris, Jon D.; Boone, Mary Anne (1998). «The Effects of Music on Emotional Response, Brand Attitude, and Purchase Intent in an Emotional Advertising Condition». ACR North American Advances (անգլերեն). NA-25.
  7. ↑ «Sad Dogs and Sad Songs: How Emotions Impact Consumer Behavior». Lieberman Research Worldwide (ամերիկյան անգլերեն). Վերցված է 2020-02-24-ին.
  8. ↑ Torras I. Segura, Daniel (November 2013). «Musical Commercials. Differences with Musical Cinematographic Genre». Zer: Revista de Estudios de Comunicacion. 18 (35): 300.
  9. ↑ Gillard, Jessica; Schutz, Michael (December 2016). «Composing Alarms: Considering the Musical Aspects of Auditory Alarm Design». Neurocase. 22 (6): 566–576. doi:10.1080/13554794.2016.1253751. PMID 27869530. S2CID 46850781.
  10. ↑ Allan, David. "Effects Of Popular Music In Advertising On Attention And Memory."
  11. ↑ Kellaris, James (1993). «The Effect of Background Music on Ad Processing: A Contingency Explanation, vol. 57». Journal of Marketing. 57 (4): 114–125. doi:10.1177/002224299305700409. hdl:1805/5624. JSTOR 1252223. S2CID 17831167.
  12. ↑ Kellaris, James J.; Cox, Anthony D.; Cox, Dena (1993). «The Effect of Background Music on Ad Processing: A Contingency Explanation». Journal of Marketing. 57 (4): 114–125. doi:10.1177/002224299305700409. hdl:1805/5624. JSTOR 1252223. S2CID 17831167.
  13. ↑ Lalwani, Ashok K (June 2009). «Does Audiovisual Congruency in Advertisements Increase Persuasion? The Role of Cultural Music and Products». Journal of Global Marketing. 22 (2): 139–153. doi:10.1080/08911760902765973. S2CID 145718621.
  14. ↑ Scott, Linda M. (1990). «Understanding Jingles and Needledrop: A Rhetorical Approach to Music in Advertising». Journal of Consumer Research. 17 (2): 223–236. doi:10.1086/208552. JSTOR 2626814.

Արտաքին հղումներ

[խմբագրել | խմբագրել կոդը]