Զբոսաշրջությունը Մեծ Բրիտանիայում
Զբոսաշրջությունը Մեծ Բրիտանիայում (անգլ.՝ Tourism in the United Kingdom), Մեծ Բրիտանիայի տնտեսության գերակա ճյուղերից մեկը։ Ըստ տարեկան ընդունած զբոսաշրջիկների թվի՝ Մեծ Բրիտանիան աշխարհում 8-րդն է՝ Ֆրանսիայից, Ամերիկայի Միացյալ Նահանգներից, Իսպանիայից, Չինաստանից, Իտալիայից, Թուրքիայից և Գերմանիայից հետո։ 2014 թվականից 2015 թվականին Մեծ Բրիտանիա ժամանած զբոսաշրջիկների թիվն աճել է 5.6 %-ով՝ կազմելով 34.4 միլիոն մարդ։
Ըստ նույն թվականի տվյալների՝ զբոսաշրջիկները Մեծ Բրիտանիայում ներդրել են 22,072 միլիարդ ամերիկյան դոլար։ Մեծ Բրիտանիան չորս պատմաշխարհագրական մարզերից (Անգլիա, Շոտլանդիա, Հյուսիսային Իռլանդիա, Ուելս) բաղկացած ունիտար պետություն է Հյուսիսային Եվրոպայում։
Մեծ Բրիտանիայի սիրտը Լոնդոնն է՝ Անգլիայի մայրաքաղաքը։ Լոնդոնն առաջատար քաղաք է իր արվեստով, առևտրով, կրթությամբ, ժամանցային վայրերով, նորաձևությամբ, ֆինանսներով, առողջապահությամբ, ԶԼՄ-ներով, մասնագիտական ծառայություններով, գիտությամբ և տրանսպորտով, որոնք քաղաքը դարձնում են առավել հայտնի։ Մինչ Եվրամիությունից Մեծ Բրիտանիայի դուրս գալը՝ Լոնդոնն ամենամեծն է ԵՄ-ի անդամ երկրների մայրաքաղաքների շարքում։ Ներկայումս՝ Լոնդոնը երկրորդն է Եվրոպայում՝ ըստ տարածքի մեծության (Թուրքիայի Ստամբուլ քաղաքից հետո)։
Ըստ 2014 թվականի տվյալների` Մեծ Բրիտանիա այցելող զբոսաշրջիկների ամենամեծ զանգվածը (ավելի քան 36.115 միլիոն մարդ) այցելում է Ֆրանսիայից։ Այս ցուցանիշով երկրորդ տեղում է Գերմանիան (3.22 միլիոն) և երրորդ տեղում Ամերիկայի Միացյալ Նահանգները (2.98 միլիոն)։ Մեծ թվով զբոսաշրջիկներ են Թագավորություն մեկնում նաև Իռլանդիայից, Իսպանիայից, Նիդերլանդներից, Իտալիայից, Բելգիայից, Լեհաստանից, Ավստրալիայից և այլ պետություններից։
Մեծ Բրիտանիան Շենգենյան համաձայնության անդամ պետություն է, հետևաբար՝ համաձայնության անդամ յուրաքանչյուր երկրի քաղաքացի իրավունք ունի ազատ մուտք գործել այս երկրի տարածք։
Վիճակագրություն
[խմբագրել | խմբագրել կոդը]Ստորև ներկայացված է ըստ 2014 թվականի տվյալների Մեծ Բրիտանիա ամենաշատ այցելող զբոսաշրջիկների թիվը՝ ըստ երկրի։
| N | Երկիր | Զբոսաշրջիկների քանակ |
|---|---|---|
| 1 |  Ֆրանսիա
|
4.11 միլիոն |
| 2 |  Գերմանիա
|
3.22 միլիոն |
| 3 |  ԱՄՆ
|
2.98 միլիոն |
| 4 |  Իռլանդիա
|
2.49 միլիոն |
| 5 |  Իսպանիա
|
2.01 միլիոն |
| 6 |  Նիդերլանդներ
|
1.97 միլիոն |
| 7 |  Իտալիա
|
1.76 միլիոն |
| 8 |  Լեհաստան
|
1.49 միլիոն |
| 9 | .svg){kind=small} Բելգիա
|
1.12 միլիոն |
| 10 |  Ավստրալիա
|
1.06 միլիոն |
| Ընդհանուր | 36.115 միլիոն[1] |
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ «Ովքե՞ր են այցելում Միացյալ Թագավորություն. 2004-2014». Մեծ Բրիտանիայի ազգային վիճակագրական ծառայություն. 2015. Վերցված է 2016 թ․ հունվարի 7-ին.
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Զբոսաշրջությունը Մեծ Բրիտանիայում կատեգորիայում։ |