Էլմիրա Անտոնյան

Էլմիրա Անտոնյան
Անձնական տեղեկություն
Սեռ՝	իգական
Մասնագիտացում՝	սեղանի թենիսիստ
Երկիր՝	Հայաստան և  ԽՍՀՄ
Ծննդյան ամսաթիվ՝	հունիսի 28, 1955(1955-06-28) (69 տարեկան)
Ծննդավայր՝	Երևան, Հայկական ԽՍՀ, ԽՍՀՄ
Պարգևներ Սեղանի թենիս Աշխարհի առաջնություն Արծաթ Կալկաթա 1975 խառը զույգեր Բրոնզ Կալկաթա 1975 կանանց զույգեր Եվրոպայի առաջնություն Ոսկի Նովի Սադ 1974 թիմային Ոսկի Պրահա 1976 թիմային

Էլմիրա Կորյունի Անտոնյան (հունիսի 28, 1955(1955-06-28), Երևան, Հայկական ԽՍՀ, ԽՍՀՄ), խորհրդային հայ մարզիկ, որ սեղանի թենիսի մրցաշարերում ներկայացրել է Խորհրդային Միությունը^[1]։ ԽՍՀՄ ութակի չեմպիոն միայնակ (1976), զույգով (1975, 1976) և խառը զույգերով (1976, 1977, 1978, 1980, 1981) աաջնություններում, Եվրոպայի երկակի չեմպիոն թիմային առաջնություններում (1974, 1976), աշխարհի առաջնության կրկնակի մեդալակիր զույգով (1975) և խառը զույգերով (1975) առաջություններում։ ԽՍՀՄ միջազգային կարգի սպորտի վարպետ (1972)։

Կենսագրություն

Էլմիրա Անտոնյանը ծնվել է 1955 թվականի հունիսի 28-ին Երևանում։ Սեղանի թենիսով զբաղվել սկսել է ինը տարեկան հասակում Ռաֆայել Հարությունյանի ղեկավարությամբ։ Հաջողությամբ հանդես է եկել պատանեկան ու երիտասարդական առաջնություններում։ 1974 թվականին դարձել է Եվրոպայի երիտասարդական առաջնության բացարձակ չեմպիոն։ Նույն թվականին ԽՍՀՄ ազգային հավաքականի կազմում հաղթել է Նովի Սադում անցկացվող Եվրոպայի առաջնության թիմային մրցաշարում։ 1975 թվականին Կալկաթայում անցկացված աշխարհի առաջնությունում Էլմիրա Անտոնյանը նվաճել է բրոնզե մեդալ զույգով մրցաշարում Տատյանա Ֆերդմանի հետ^[2] և արծաթե մեդալ խառը զույգերով մրցաշարում Սարգիս Սարչայանի հետ^[3][4][5]։ 1976 թվականին Էլմիրա Անտոնյանը, հաղթելով ԽՍՀՄ առաջնության միայնակ, զույգով և խառը զույգերով մրցաշարերում, դարձել է երկրորդ մարզուհին խորհրդային սեղանի թենիսի պատմության մեջ (Զոյա Ռուդնովայից հետո), որին հաջողվել է դառնալ ԽՍՀՄ բացարձակ չեմպիոն։ 1976 թվականին Պրահայում անցկացվող Եվրոպայի առաջնությունում Էլմիրա Անտոնյանը ԽՍՀՄ հավաքականի կազմում նորից դարձել է չեմպիոն թիմային առաջնությունում։

1983 թվականին Էլմիրա Անտոնյանն ավարտել է մարզական կարիերան և սկսել մարզչական գործունեություն Երևանում։ 1996-2003 թվականներին եղել է խաղացող մարզիչ «Recoaro/Agostini» ակումբում (Բոլցանո), որը հանդես էր գալիս Իտալիայի առաջնության երկրորդ լիգայում։ 2003 թվականին ամուսնացել է Շվեյցարիայի քաղաքացի Արթուր Բրունների հետ և տեղափոխվել այդ երկիր, որտեղ սկսել է աշխատել Վետցիկոն քաղաքի մարզական ակումբում։

1996 թվականից Էլմիրա Անտոնյանն սկսել է մասնակցել վետերանների մրցաշարերի։ 1996 թվականին նա դարձել է աշխարհի չեմպիոն 40 տարեկանից մեկ մարզիկների առաջնությունում։ 2005 թվականին դարձել է Եվրոպայի չեմպիոն մենակ և զույգով առաջնություններում 50 տարեկանից մեծ մարզիկների շարքում։

Ընտանիք

• Քույրը՝ Նարինե Անտոնյան (ծնվել է 1961 թվականին), սեղանի թենիսի ԽՍՀՄ քառակի չեմպիոն զույգով և խառը զույգերով մրցաշարերում, Եվրոպայի քառակի չեմպիոն զույգով և թիմային առաջնություններում,
• Ամուսինը՝ Գեղամ Վարդանյան (1949-1991), սեղանի թենիսի Եվրոպայի պատանեկան առաջնության յոթակի չեմպիոն մենակ և զույգով, ինչպես նաև թիմային մրցաշարերում, ԽՍՀՄ քառակի չեմպիոն զույգերով առաջնություններում։

Ծանոթագրություններ

1. «Profile». Table Tennis Guide.
2. «Women's doubles results» (PDF). International Table Tennis Federation. Արխիվացված է օրիգինալից (PDF) 2012 թ․ ապրիլի 12-ին. Վերցված է 2019 թ․ փետրվարի 27-ին.
3. «Mixed doubles results» (PDF). International Table Tennis Federation. Արխիվացված է օրիգինալից (PDF) 2012 թ․ հունիսի 9-ին. Վերցված է 2019 թ․ փետրվարի 27-ին.
4. «List of Winners». All About Table Tennis.
5. «Table Tennis World Championship medal winners». Sports123. Արխիվացված է օրիգինալից 2018 թ․ սեպտեմբերի 22-ին. Վերցված է 2019 թ․ փետրվարի 27-ին.

Աղբյուրներ և արտաքին հղումներ

• Фримерман Э. Я. Настольный теннис. — М.: Олимпия-Пресс, 2005. — 80 с. — (Краткая энциклопедия спорта). — ISBN 5-94299-029-8
• Г. Л. Черневич, Е. А. Школьников. Динамо. Энциклопедия. — Olma Media Group, 2003. — С. 34. — 477 с. — ISBN 9785224043996
• Профиль на сайте спортивного клуба города Ветцикон
• Результаты чемпионата Европы среди ветеранов 2005 года

Վիքիպահեստն ունի նյութեր, որոնք վերաբերում են «Էլմիրա Անտոնյան» հոդվածին։