Էմանուիլ Կարալիս

Էմանուիլ Կարալիս
Անձնական տեղեկություն
Սեռ՝արական
Բնօրինակ անուն՝հուն․՝ Εμμανουήλ Καραλής
Մասնագիտացում՝ձողացատկող
Երկիր՝ Հունաստան
Ծննդյան ամսաթիվ՝հոկտեմբերի 20, 1999(1999-10-20)[1] (25 տարեկան)
Ծննդավայր՝Խանյա
Հասակ՝186 սանտիմետր
Քաշ՝82 կիլոգրամ

Էմանուիլ Կարալիս (հուն․՝ Εμμανουήλ Καραλής, հոկտեմբերի 20, 1999(1999-10-20)[1], Խանյա), հույն ձողացատկորդ: Պրոֆեսիոնալ մակարդակում սկսել է հանդես գալ 2015 թվականին, դարձել է փակ աշխարհի առաջնության բրոնզե մեդալակիր, 2024 թվականի Եվրոպայի առաջնության արծաթե մեդալակիր, Եվրոպայի փակ առաջնության արծաթե մեդալակիր, Բալկանների կրկնակի չեմպիոն, Հունաստանի բազմակի չեմպիոն[2], Տոկիոյի Ամառային օլիմպիական խաղերի մասնակից։

Կենսագրություն

[խմբագրել | խմբագրել կոդը]

Էմանուել Կարալիսը ծնվել է 1999 թվականի հոկտեմբերի 20-ին Հունաստանի Խանիա քաղաքում։ Նրա հայրը հույն է, իսկ մայրը՝ ուգանդացի։

Միջազգային մակարդակում առաջին լուրջ հաջողությանը հասել է 2015 թվականի մրցաշրջանում, երբ ընդգրկվել է Հունաստանի հավաքականի կազմում և հանդես է եկել Կալիում կայացած աշխարհի պատանեկան առաջնությունում, որտեղ ձողացատկի մրցումներում նվաճել է բրոնզե մեդալ[3][4]։

2016 թվականին նույն մարզաձևում հաղթել Է Թբիլիսիում կայացած Եվրոպայի պատանեկան առաջնությունում, դարձել է չորրորդը Բիդգոշչում կայացած պատանիների աշխարհի առաջնությունում[2][5]։

2017 թվականին Բելգրադում կայացած Եվրոպայի փակ առաջնությունում զբաղեցրել է 11-րդ տեղը, ձախողել է բոլոր փորձերը Գրոսետոյում կայացած Եվրոպայի պատանեկան առաջնությունում, մասնակցել է Լոնդոնում կայացած աշխարհի առաջնությանը:

2018 թվականին Բիրմինգհեմի աշխարհի փակ առաջնությունում դարձել է հինգերորդը:

2019 թվականին Գլազգոյում կայացած Եվրոպայի փակ առաջնությունում դարձել է չորրորդը, նվաճել է արծաթե մեդալ Եվլայում կայացած Եվրոպայի երիտասարդական առաջնությունում[2][6], Պրավեցում կայացած Բալկանների առաջնությունում գերազանցել է բոլոր մրցակիցներին[2][7], հանդես է եկել Դոհայում կայացած աշխարհի առաջնությունում։ 2021 թվականին հաղթել է Սմեդերևոյում կայացած Բալկանների առաջնությունում[2][8], ստացել արծաթ Տալլինում կայացած Եվրոպայի երիտասարդական առաջնությունում[2][9]։ Մի շարք հաջող ելույթների շնորհիվ արժանացել է Տոկիոյի Ամառային օլիմպիական խաղերում երկրի պատիվը պաշտպանելու իրավունքին՝ ձողացատկի եզրափակչում ցույց տալով 5,80 մետր արդյունք և մրցումների ամփոփիչ արձանագրությունում զբաղեցնելով չորրորդ հորիզոնականում:

2022 թվականին մասնակցել է Օրեգոնում կայացած աշխարհի առաջնությանը և Մյունխենում կայացած Եվրոպայի առաջնությանը, բայց երկու դեպքում էլ եզրափակիչ դուրս չի եկել։

2023 թվականին դարձել է արծաթե մեդալակիր Ստամբուլում կայացած Եվրոպայի փակ առաջնությունում[10] և Կրակովի Եվրոպական խաղերում[11]։ Մասնակցել է Բուդապեշտում կայացած աշխարհի առաջնությանը, որտեղ, սակայն, ոչ մի արդյունք ցույց չի տվել։

2024 թվականին Գլազգոյում կայացած աշխարհի առաջնությունում բրոնզե մեդալ է նվաճել[12] և ընտրվել է Փարիզի Օլիմպիական խաղերի համա[13][14]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 World Athletics database
  2. ↑ 2,0 2,1 2,2 2,3 2,4 2,5 «Emmanouil KARALIS | Profile | World Athletics - βλ. Honours». worldathletics.org. Վերցված է 2024-03-04-ին.
  3. ↑ https://www.redbull.com/gr-el/athlete/emmanuel-karalis-epi-konto
  4. ↑ «Ο ταλαντούχος Εμμανουήλ Καραλήςwebsite=www.sport24.gr» (հունարեն). Վերցված է 2024-03-04-ին.
  5. ↑ «Χρυσός ο Καραλής στην Τυφλίδα!». ProtoThema (հունարեն). Վերցված է 2024-03-04-ին.
  6. ↑ «Καραλής: Ασημένιο μετάλλιο στο Ευρωπαϊκό Κ23 | LiFO». www.lifo.gr (հունարեն). Վերցված է 2024-03-04-ին.
  7. ↑ «Χρυσά μετάλλια από Καραλή, Πεσιρίδου, Σκαρβέλη στο Πράβετς | LiFO». www.lifo.gr (հունարեն). Վերցված է 2024-03-04-ին.
  8. ↑ Γιαχανατζής, Δημήτρης. «Ο Καραλής 5.70μ στο Σμεντέρεβο κι έφυγε για Τόκιο». ertnews.gr (հունարեն). Վերցված է 2024-03-04-ին.
  9. ↑ Sportsfeed. «Ταλίν 2021 (Κ23): ΑΡΓΥΡO ΜΕΤΑΛΛΙΟ ο Καραλής!» (հունարեն). Վերցված է 2024-03-04-ին.
  10. ↑ ««Ασημένιος» στην Κωνσταντινούπολη ο Καραλής». in.gr (հունարեն). Վերցված է 2024-03-03-ին.
  11. ↑ «Ευρωπαϊκό πρωτάθλημα ομάδων στίβου: Δεύτερος στην Πολωνία ο Καραλής». ProtoThema (հունարեն). Վերցված է 2024-03-03-ին.
  12. ↑ Sportsfeed. «ΓΛΑΣΚΟΒΗ 2024 – επί κοντώ: ΧΑΛΚΙΝΟ ΜΕΤΑΛΛΙΟ Ο ΚΑΡΑΛΗΣ!» (հունարեն). Վերցված է 2024-03-03-ին.
  13. ↑ Эммануил Каралис - անձնական էջը IAAF-ում(անգլ.)
  14. ↑ Sportsfeed. «ΠΑΡΙΣΙ 2024: Στις 10 οι Ολυμπιακές προκρίσεις της Ελλάδας» (հունարեն). Վերցված է 2024-03-03-ին.
Վիքիպահեստն ունի նյութեր, որոնք վերաբերում են «Էմանուիլ Կարալիս» հոդվածին։
 ⛭ 
  Թեմատիկ կայքեր