Էնն Հենդերսոն-Սելերս

Էնն Հենդերսոն-Սելերս
Ծնվել էմարտի 7, 1952(1952-03-07)[1] (72 տարեկան)
Շեֆիլդ, Յորքշիրի արևմտյան ռայդինգ, Յորքշիր, Անգլիա, Միացյալ Թագավորություն[1]
Քաղաքացիություն Ավստրալիա և  Միացյալ Թագավորություն
Մասնագիտությունկլիմայաբան, համալսարանի դասախոս և գրող
Հաստատություն(ներ)Մակքուորի համալսարան[1]
Գործունեության ոլորտաշխարհագրություն[2] և Կլիմայագիտություն[2]
ԱնդամակցությունAmerican Meteorological Society?[3] և American Geophysical Union?[3]
Գիտական աստիճանգիտությունների դոկտոր
Տիրապետում է լեզուներինանգլերեն[4][2]
Պարգևներ
Ամուսին(ներ)Brian Henderson-Sellers?[6]

Էնն Հենդերսոն-Սելերս (անգլ.՝ Ann Henderson-Sellers, մարտի 7, 1952(1952-03-07)[1], Շեֆիլդ, Յորքշիրի արևմտյան ռայդինգ, Յորքշիր, Անգլիա, Միացյալ Թագավորություն[1]), Սիդնեյի Մաքուորի համալսարանի շրջակա միջավայրի և աշխարհագրության ամբիոնի պատվավոր պրոֆեսոր[7]։ 2006 և 2007 թվականներին եղել է կլիմայի համաշխարհային հետազոտական ծրագրի համատեղ պլանավորման աշխատակազմի (JPS) տնօրենը, ինչպես նաև 1998-2005 թվականներին Ավստրալիայի միջուկային գիտության և տեխնոլոգիայի կազմակերպության (ANSTO) շրջակա միջավայրի բաժնի տնօրենը։ 1996-1998 թվականներին Մելբուռնի թագավորական տեխնոլոգիական ինստիտուտի փոխռեկտորի (հետազոտություն և մշակում) տեղակալն էր, որից առաջ հանդիսացել է Մաքուորի համալսարանի Կլիմայական ազդեցությունների կենտրոնի հիմնադիր տնօրենը․ նույն համալսարանում շարունակում է զբաղեցնել ֆիզիկական աշխարհագրության պրոֆեսորի կոչում։

Նախկինում ղեկավարել է Համաշխարհային օդերևութաբանական կազմակերպության Հողային մակերևույթի պարամետրացման սխեմաների համադրման նախագիծը, որը գործում է որպես միջազգային ինտերնետային «համագործակցություն»։ Վերջերս ղեկավարել է Կլիմայի գնահատման (MECCA) վերլուծության թիմի Մոդելային գնահատման կոնսորցիումը, նաև հանդես է գալիս որպես ՄԱԿ-ի համալսարանի խորհրդատու` կլիմայի ազդեցության տարբեր ասպեկտների վերաբերյալ։ 1995 թվականին Կլիմայի փոփոխության միջկառավարական հանձնաժողովի երկրորդ գնահատման հաշվետվության գլխավոր հեղինակն է եղել։

Իր ամբողջ կյանքի ընթացքում պրոֆեսոր Հենդերսոն-Սելերսը եղել է Երկրային համակարգերի գիտնական, առաջ է տարել հողածածկույթի և հողօգտագործման փոփոխության ազդեցության նկարագրությունը և կանխատեսումը կլիմայի և մարդկային համակարգերի վրա։ Ունի մագիստրոսի կոչում մաթեմատիկայից, համագործակցելով Միացյալ Թագավորության օդերևութաբանական գրասենյակի հետ՝ զբաղվել է իր թեկնածուական ատենախոսությամբ ու 1999 թվականին ստացել կլիմայի վերաբերյալ գիտության դոկտորի գիտական կոչում։ Ավստրալիայի տեխնոլոգիական և ճարտարագիտական ակադեմիայի ընտրված անդամ է, 2003 թվականին օդերևութաբանության բնագավառում ավստրալիական հասարակությանը մատուցած ծառայության համար արժանացել է Ավստրալիայի հարյուրամյակի մեդալին[8]։

Ավելի քան 500 հրատարակությունների հեղինակ է, այդ թվում՝ 14 գիրք, ինչպես նաև Ամերիկայի երկրաֆիզիկական միության ու Ամերիկյան օդերևութաբանական միության ընտրված անդամ[9]։

«Կլիմայի փոփոխության միջկառավարական հանձնաժողովի զեկույց. Ի՞նչ են իրականում մտածում առաջատար հեղինակները»[10] վերնագրով նրա էսսեն քննարկում է առաջատար հեղինակների տեսակետները։

Աշխատություններ

[խմբագրել | խմբագրել կոդը]
  • "A Climate Modelling Primer" (first author Kendal McGuffie, 4th Edition, John Wiley and Sons, 2014).

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 1,3 1,4 1,5 1,6 Encyclopedia of Australian Science
  2. ↑ 2,0 2,1 2,2 Չեխիայի ազգային գրադարանի կատալոգ
  3. ↑ 3,0 3,1 https://www.mq.edu.au/about_us/faculties_and_departments/faculty_of_arts/department_of_geography_and_planning/staff/ann_henderson-sellers/?id=annhs
  4. ↑ Bibliothèque nationale de France data.bnf.fr (ֆր.): տվյալների բաց շտեմարան — 2011.
  5. ↑ https://cdn-rgs-media-prod.azureedge.net/owbblqfw/medal-recipients-1970-2024.pdf
  6. ↑ https://en.wikipedia.org/wiki/Ann_Henderson-Sellers
  7. ↑ «Ann Henderson-Sellers». Արխիվացված է օրիգինալից 2018 թ․ օգոստոսի 21-ին. Վերցված է 2018 թ․ օգոստոսի 21-ին.
  8. ↑ «Science Direct: Professor Ann Henderson-Sellers». Australian Museum. Վերցված է 2014 թ․ դեկտեմբերի 4-ին.
  9. ↑ «Ann Henderson-Sellers - Macquarie University». www.mq.edu.au. Արխիվացված է օրիգինալից 2021 թ․ մայիսի 14-ին. Վերցված է 2020 թ․ դեկտեմբերի 2-ին.
  10. ↑ What The Lead Authors Really Think. By Ann Henderson-Sellers, 17 October 2008, filed under environmentalresearchweb Արխիվացված 2009-01-06 Wayback Machine, retrieved Feb 05, 2009
 ⛭