Էռնեստաս Շետկուս

Էռնեստաս Շետկուս լիտ.՝ Ernestas Šetkus
Քաղաքացիությունը	Լիտվա
Ծննդյան ամսաթիվ	մայիսի 25, 1985(1985-05-25)[1] (39 տարեկան)
Ծննդավայր	Tauragė, Լիտվական ԽՍՀ, ԽՍՀՄ
Հասակ	188 սանտիմետր
Քաշ	82 կիլոգրամ
Դիրք	դարպասապահ
Մասնագիտական կարիերա*
Տարի	Ակումբ	Խաղ	(Գոլ)
2005—2008 Ժալգիրիս 78 (0) 2009 Տաուրաս 24 (0) 2010 Ժալգիրիս 16 (0) 2010—2012 Օլիմպիակոս (Նիկոսիա) 41 (0) 2012—2013 Բոտև (Պլովդիվ) 11 (-9) 2013 Գոմել 2 (-1) 2013—2014 Նեա Սալամինա 31 (-38) 2014—2015 Կերկիրա 22 (-27) 2015—2016 Սիվասպոր 32 (-45) 2016—2017 ԱԴՕ Դեն Հաագ 22 (-40) 2017—2019 Հապոել (Հայֆա) 62 (-76) 2019— Հապոել (Բեեր Շևա) 3 (-1)
Ազգային հավաքական^‡
2011— Լիտվա 28 (-61)
* Մասնագիտական կարիերայում ընդգրկված են միայն առաջնության խաղերը և գոլերը  ըստ 24.9.2019: ‡ Ազգային հավաքականի խաղերն ու գոլերը ըստ 24.9.2019

Էռնեստաս Շետկուս (լիտ.՝ Ernestas Šetkus, մայիսի 25, 1985(1985-05-25)^[1], Tauragė, Լիտվական ԽՍՀ, ԽՍՀՄ), լիտվացի ֆուտբոլիստ, իսրայելական «Հապոել Բեեր Շևա» ակումբի և Լիտվայի ազգային հավաքականի դարպասապահ։

Ակումբային կարիերա

Պրոֆեսիոնալ կարիերան սկսել է 2005 թվականին «Ժալգիրիս» ակումբում։ 2009 թվականին տեղափոխվել է «Տաուրաս»։

2010 թվականին վերադարձել է «Ժալգիրիս»։ Վերադարձից հետո թիմում իր առաջին հանդիպումն անցկացրել է նույն տարվա մարտի 21-ին «Տաուրասի» դեմ»^[2]։ Այդ մրցաշրջանում Շետկուսը մասնակցել է Ա-լիգայի 16 խաղերի

2010 թվականի օգոստոսին Շետկուսը տեղափոխվել է Կիպրոսի «Օլիմպիակոս» (Նիկոսիա) ակումբ։ Հոկտեմբերի 2-ին կատարել է նորամուտը «Պաֆոսի» դեմ խաղում^[3]։ Թիմում անցկացրած 18 հանդիպումներից երկուսում Շետկուսն անառիկ է պահել իր դարպասը։ Հաջորդ մրցաշրջանում նա արդեն եղել է մեկ այլ դարպասապահ՝ Անդրեյ Պավլովի փոխարինողը։ Շետկուսն առաջին հանդիպումն անցկացրել է 2011 թվականի նոյեմբերի 21-ին ընդդեմ «Արիսի»։ Ավելի ուշ նա կրկին դարձել է թիմի հիմնական դարպասապահ, իսկ հունվարի 7-ին մասնակցել է ԱԷԿ-ի դեմ խաղին։ 2012 թվականի ապրիլին մասնակցել է դիտումների «Հիբեռնիանում» և «Հարթում»^[4]։

2012 թվականի ամռանը Շետկուսը պայմանագիր է կնքել բուլղարական «Բոտև» (Պլովդիվ) ակումբի հետ։ Օգոստոսի 11-ին կատարել է նորամուտը Սոֆիայի «Սլավիա» ակումբի դեմ խաղում։ 2013 թվականի սկզբին հեռացել է ակումբից։ Նույն տարվա մարտին շատ մոտ էր շոտլանդական «Կիլմարնոկ» ակումբի հետ պայմանագիր կնքելուն^[5]։

Մարտի 28-ին կարճաժամկետ պայմանագիր է կնքել բելառուսական «Գոմելի» հետ։ Մի քանի օր անց Շետկուսը ստացել է ենթածնկային ջլի վնասվածք։ Ապաքինվելուց հետո՝ հունիսի 23-ին, կատարել է նորամուտը Բելառուսի առաջնությունում՝ մասնակցելով Սոլիգորսկի «Շախտյորի» դեմ խաղին։ Մեկ շաբաթ անց նա օգնել է իր թիմին 2։0 հաշվով հաղթել «Դինամո Բրեստի» դեմ խաղում։

2013 թվականի հուլիսին Շետկուսը վերադարձել է Կիպրոս՝ մեկ տարվա պայմանագիր կնքելով «Նեա Սալամինայի» հետ։ Կիպրոսում հաջող մրցաշրջանից հետո՝ 2014 թվականի հուլիսին, Շետկուսը մեկ տարվա պայմանագիր է կնքել հունական «Կերկիրա» ակումբի հետ։ 2017 թվականի հուլիսին նա տեղափոխվել է Իսրայելի «Հապոել» (Հայֆա)^[6]։ Երկու տարի անց տեղափոխվել է Բեեր Շևայի «Հապոել»։

Միջազգային կարիերա

Լիտվայի հավաքականում նորամուտը նշել է 2011 թվականի մարտի 25-ին՝ Լեհաստանի հավաքականի դեմ ընկերական խաղում, որի ընթացքում փոխարինել է Ռայմոնդաս Ժուտաուտասին։

Ծանոթագրություններ

1. Transfermarkt.com(բազմ․) — 2000.
2. «Tauras vs. Žalgiris 1-1». soccerway.com. Վերցված է 2010 թ․ մարտի 21-ին.
3. «Olympiakos vs. Paphos 2-2». soccerway.com. Վերցված է 2010 թ․ հոկտեմբերի 2-ին.
4. «Thursday's Scottish gossip». bbc.co.uk. Վերցված է 2012 թ․ ապրիլի 12-ին.
5. «Friday's Scottish gossip». bbc.co.uk. Վերցված է 2013 թ․ մարտի 15-ին.
6. «Ernestas Setkus maakt toch transfer naar Hapoel Haifa» (գերմաներեն). adodenhaag.nl. Վերցված է 12.7.2016-ին.

Վիքիպահեստն ունի նյութեր, որոնք վերաբերում են «Էռնեստաս Շետկուս» հոդվածին։