Ընդդեմ տների քանդման իսրայելական կոմիտե
| Ընդդեմ տների քանդման իսրայելական կոմիտե | |
|---|---|
| Տեսակ | կազմակերպություն, peace organization? և իրավապաշտպան կազմակերպություն |
| Հիմնադրված | 1997 |
| Գլխադասային գրասենյակ | Երուսաղեմ |
| Հիմնադիր | Ջեֆ Հալպեր, Arik Ascherman? և Meir Margalit? |
| Կայք | icahd.org/?langhe(անգլ.) |
Ընդդեմ տների քանդման իսրայելական կոմիտե (անգլ.՝ The Israeli Committee Against House Demolitions, (ICAHD)), համարվում է իսրայելական խաղաղապահ և իրավապաշտպան կազմակերպություն, որը հանդես է գալիս պաղեստինյան տարածքների գրավման դեմ և պայքարում է իսրայելցիների և պաղեստինցիների միջև արդարության ու խաղաղության հաստատման համար։ Մասնավորապես, ICAHD-ն օգտագործում է դիմադրության ոչ բռնի մեթոդներ ուղղակի գործողությունների դեմ, որոնք ուղղված են գրավյալ տարածքներում պաղեստինյան տների ոչնչացման իսրայելական քաղաքականությանը վերջ տալուն[1]։ ICAHD-ը հիմնադրվել է ութ ակտիվիստների կողմից, այդ թվում՝ Ջեֆ Հալպերի, որը երկարամյա իրավապաշտպան է և մարդաբանության պրոֆեսոր։ Հալպերը ներկայումս համարվում է հանձնաժողովի ղեկավարը։
ICAHD-ը դեմ է Իսրայելի կողմից Հորդանան գետի արևմտյան ափի և Արևելյան Երուսաղեմի շարունակվող գրավմանը և այդ տարածքներում միայն Իսրայելի քաղաքացիների համար նախատեսված բնակավայրերի կառուցմանը և ընդլայնմանը։ ICAHD-ն առանձնահատուկ ուշադրություն էր դարձնում նաև «մարդու իրավունքների երկարաժամկետ և շարունակական ոտնահարմանը» և հաստատում էր, որ Իսրայելի գործողությունները նպաստում են գրավյալ տարածքներում ապարտհեյդի համակարգի ստեղծմանը[2][3]։
Գործունեություն
[խմբագրել | խմբագրել կոդը]
ICAHD-ի գործողությունները ներառում էին գրքերի և հոդվածների հրատարակում Արևմտյան ափի և Գազայի իսրայելական օկուպացիայի վերաբերյալ, Իսրայելից դուրս տեղեկատվության տարածում, բողոքի ցույցեր և ոչ բռնի դիմադրության գործողություններ օկուպացման գոտում։ ICAHD-ը նաև կազմակերպում է ոչնչացված պաղեստինյան տների վերակառուցում իսրայելցի, պաղեստինյան և օտարերկրյա կամավորների ցանցի միջոցով[4]։ Բացի քանդված տները վերակառուցելուց, ICAHD-ն հաճախ ձեռնարկում է իրավական գործողություններ՝ ներկայացնելով պաղեստինցիներին, որոնց տները քանդվել են, կամ որոնց տներին քանդման վտանգ է սպառնում։
ICAHD-ի ակտիվիստները բազմիցս ձերբակալվել են Իսրայելի պաշտպանության բանակի և ոստիկանության կողմից՝ պաղեստինյան տների քանդումը կանխելու փորձ կատարելու համար։ Օրինակ, 2008 թվականի ապրիլի 3-ին ICAHD-ի տնօրեն Ջեֆ Հալպերը ձերբակալվեց ութերորդ անգամ այն բանի համար, որ մասնակցել է Երուսաղեմի Պաղեստինյան շրջանում Համադան ընտանիքի տան քանդման դեմ ոչ բռնի բողոքներին։ Այդ տունը նախկինում քանդվել էր իսրայելական իշխանությունների կողմից և վերակառուցվել էր ICAHD-ի կողմից[5]։
Սովորաբար, ICAHD-ն առավոտյան ժամը 5-ին պաղեստինյան ընտանիքից հաղորդագրություն էր ստանում, որ բուլդոզերները ժամանել են տունը քանդելու համար։ Ի պատասխան՝ ICAHD-ն ահազանգեր է ուղարկում տարբեր խմբերի ակտիվիստների, որոնք գալիս են այնտեղ և քաղաքացիական անհնազանդության ակցիա են անցկացնում՝ հայտնվելով բուլդոզերների ճանապարհին[5]։
Ֆինանսավորում
[խմբագրել | խմբագրել կոդը]Ըստ ICAHD կայքի, նրա գործունեությունը «կախված է ինչպես Իսրայելում, այնպես էլ նրա սահմաններից դուրս անհատների և կազմակերպությունների կողմից տրամադրված օգնությունից։ Բացի այդ, ICAHD-ը ֆինանսական աջակցություն է ստանում Եվրամիությունից»[6]։ Օրինակ՝ 2005 թվականին «Գործընկերություն հանուն խաղաղության» ծրագրի շրջանակներում ԵՄ-ն կազմակերպությանը տրամադրեց 472,786 եվրո «Վերաիմաստավորում՝ Իսրայելական հասարակության համար խաղաղության հասկացության ստեղծում» ծրագրի համար[7][8][9]։
Դրական արձագանքներ
[խմբագրել | խմբագրել կոդը]1947 թվականի Խաղաղության Նոբելյան մրցանակի դափնեկիր «American Friends Service Committee», ամերիկյան ոչ պետական կազմակերպությունը 2006 թվականին ICAHD-ի տնօրեն Ջեֆ Հալպերին առաջադրեց որպես Խաղաղության Նոբելյան մրցանակի թեկնածու՝ ICAHD-ում իրականացրած գործունեության համար[10]։
2007 թվականին ICAHD-ը «Jewish Voice for Peace» «Հրեական ձայն հանուն խաղաղության» կազմակերպությունից ստացավ Olive Branch Award մրցանակը։
Քննադատություն
[խմբագրել | խմբագրել կոդը]CAMERA և NGO Monitor իսրայելամետ խմբերը քննադատության ենթարկեցին ICAHD-ին։ NGO Monitor-ը պնդում է, որ ICAHD-ը «հետևողականորեն անտեսել է շարունակվող պաղեստինյան ահաբեկչական հարձակումների համատեքստը»։ Բացի այդ, NGO Monitor-ը կարծում է, որ «ICAHD-ը խթանում է Իսրայել<nը բոյկոտելու Դուրբանի ռազմավարությունը օգտագործելով այնպիսի տերմիններ, ինչպիսիք են՝ ապարտհեյդը, և դրանով իսկ մեծապես խեղաթյուրում է պաղեստինա-իսրայելական հակամարտությունը»։ CAMERA-ն հայտարարում է, որ Հալպերը սխալ է գնահատել Պաղեստինի տնտեսական և գյուղատնտեսական աճը և քննադատում է Հալպերի տեսակետը, որ «տիրապետման բացառիկ իրավունքներ ունեցող հրեական պետությունը ... քաղաքական և բարոյական տեսանկյունից անապահով է»[11][11][12]։
NEWSru.co.il կայքի անցկացրած հարցման արդյունքում պարզվել է, որ հարցվածների 85%-ը կարծում է, որ այնպիսի իրավապաշտպան կազմակերպությունների գործունեությունը, ինչպիսիք են «Բեցելեմը» և «Махсом WATCH»-ը, սպառնում է իսրայելական համանմանման կազմակերպությունների անվտանգությանը, ինչն Իսրայելում շատերը համարում են սպառնալիք պետության անվտանգությանը[13]։ 2011 թվականի հունվարին Կնեսետը որոշեց ստեղծել խորհրդարանական հանձնաժողով, որը պետք է հետազոտեր այնպիսի կազմակերպությունների ֆինանսավորման աղբյուրները, ինչպիսիք են «Բեցելեմը», «Махсом WATCH»-ը, «Շովրիմ Շտիկան» և այլն[14][15]։
Ծանոթագրություններ
[խմբագրել | խմբագրել կոդը]- ↑ «What is ICAHD». Israeli Committee Against House Demolitions. Արխիվացված է օրիգինալից 2006 թ․ հոկտեմբերի 9-ին. Վերցված է 2007 թ․ օգոստոսի 10-ին.
{{cite web}}: Invalid|url-status=404(օգնություն) - ↑ Jeff Halper. «The key to Peace: Dismantling the Matrix of Control». Israeli Committee Against House Demolitions. Արխիվացված է օրիգինալից 2012 թ․ հունիսի 19-ին. Վերցված է 2007 թ․ օգոստոսի 10-ին.
- ↑ «A Call for an anti-apartheid campaign as Israel prepares to make its occupation permanent». Israeli Committee Against House Demolitions. Արխիվացված է օրիգինալից 2006 թ․ հունիսի 17-ին. Վերցված է 2008 թ․ մայիսի 10-ին.
{{cite web}}: Invalid|url-status=404(օգնություն) - ↑ «Announcing - 2007 ICAHD Summer Rebuilding Experience July 14 – July 29, 2007». Israeli Committee Against House Demolitions. 2006 թ․ դեկտեմբերի 11. Արխիվացված է օրիգինալից 2012 թ․ հունիսի 19-ին. Վերցված է 2007 թ․ օգոստոսի 10-ին.
- ↑ 5,0 5,1 «American Israeli Jeff Halper arrested for the 8th time in Jerusalem». Online Journal. 2008 թ․ ապրիլի 8. Արխիվացված է օրիգինալից 2008 թ․ օգոստոսի 21-ին. Վերցված է 2008 թ․ մայիսի 19-ին.
- ↑ 'How you can help' (icahd.org) Արխիվացված 2008-09-24 Wayback Machine
- ↑ «Re-framing: Providing a Coherent Paradigm of Peace to the Israeli Public»
- ↑ 'Middle East Peace Projects' (euromedinfo.eu)
- ↑ 'EU Partnership for Peace Programme' by European commission’s delegation to Israel Արխիվացված 2008-03-14 Wayback Machine
- ↑ «AFSC's nomination for the 2006 Nobel Peace Prize: Ghassan Andoni and Jeff Halper» (Press release). American Friends Service Committee. 2006 թ․ փետրվարի 14. Արխիվացված է օրիգինալից 2008 թ․ ապրիլի 29-ին. Վերցված է 2008 թ․ մայիսի 16-ին.
- ↑ 11,0 11,1 «EU Funding Promotes ICAHD's Ideological Agenda». NGO Monitor. 2007 թ․ մարտի 26. Արխիվացված է օրիգինալից 2012 թ․ հունիսի 19-ին. Վերցված է 2007 թ․ օգոստոսի 10-ին.
- ↑ Alex Safian, PhD (2005 թ․ մայիսի 12). «The Professor's Truth Demolition». Committee for Accuracy in Middle East Reporting in America. Արխիվացված է օրիգինալից 2012 թ․ հունիսի 19-ին. Վերցված է 2007 թ․ օգոստոսի 10-ին.
- ↑ Мнение «русских израильтян»: левые правозащитники — угроза безопасности. Итоги опроса, 6 января 2011 г. Արխիվացված 2019-12-13 Wayback Machine newsru.co.il
- ↑ Кнессет постановил расследовать подрывную деятельность «левых», 05.01.11(չաշխատող հղում) cursorinfo
- ↑ Кнессет утвердил предложение НДИ: левые организации попали под следствие, 5 января 2011 г. Արխիվացված 2019-12-13 Wayback Machine newsru.co.il
| ||||||||||
