Թոմբիլի

Թոմբիլիի արձանը

Թոմբիլի (թուրքերեն՝ Tombili, թարգմանաբար՝ թմբլիկ, ծննդյան օրն ու վայրը անհայտ է, - օգոստոսի 1, 2016(2016-08-01)), Ստամբուլի փողոցային կատու։ Միջազգայնորեն հայտնի է դարձել մի լուսանկարի շնորհիվ, որտեղ պատկերված է եղել մայթին պառկած[1]։ Մահից հետո Ստամբուլում նրա արձանմ է տեղադրվել։

Կյանք

[խմբագրել | խմբագրել կոդը]

Թոմբիլին (ընդհանուր թուրքական մականունը թմբլիկ ընտանի կենդանու համար) [2] փողոցային կատու է եղել, որ ապրել է Ստամբուլի Քադըքյոյ թաղամասի Զիվերբեյ վիլլայում։ Լրատվամիջոցների հաղորդագրություններում նշվում է, որ Թոմբիլիի սեռը արական է. սակայն դա վիճելի է[3]։ Թոմբիլին հայտնի է դարձել թաղամասի բնակիչների շրջանում իր ընկերասիրության և աստիճաններին հենվելու իր ձևի համար: Այս կեցվածքի լուսանկարի արդյունքում կատուն ամբողջ աշխարհում դարձել է համացանցային ֆենոմեն և հայտնի սոցիալական ցանցերում[4]։։ Քադըքյոյ թաղամասում նա պաշտամունքային կարգավիճակ է ստացել։ 2016 թվականին Թոմբիլին ծանր հիվանդացել է և մահացել օգոստոսի սկզբին[5]։

Հուշարձան

[խմբագրել | խմբագրել կոդը]
Tombili statue
Թոմբիլի

Նրա մահից հետո նրա հիշատակը հարգելու խնդրագիր են ստորագրել և հավաքվել է 17․000 ստորագրություն։ Քադըքյոյի քաղաքապետ Այքուրթ Նուհօղլուն համաձայնել է արձան տեղադրելուն։ Տեղացի քանդակագործ Սևալ Շահինը քանդակել է Թոմբիլիին, իրեն հռչակ բերած հայտնի կեցվածքով։ Հուշարձանը բացվել է Վայրի բնության համաշխարհային օրը՝ 2016 թվականի հոկտեմբերի 4-ին[6]։ Հարյուրավոր մարդիկ են եկել հարգանքի տուրք մատուցելու, իսկ Քադըքյոյի փոխքաղաքապետ Բաշար Նեջիփօղլուն միջոցառման առիթով ելույթ է ունեցել թուրքական հեռուստատեսությամբ[7]։

Գողություն և վերադարձ

[խմբագրել | խմբագրել կոդը]

Մեկ ամիս անց քանդակն անհետացել է։ Սոցցանցերում տարածված լուսանկարում երևում է, որ արձանը կորել է տեղում միայն քանդակի արույրե հուշատախտակն է մնացել[8]: Քադըքյոյի քաղաքապետարանը 2016 թվականի նոյեմբերի 8-ին հայտարարել է, որ արձանը գողացել են[9]։ «Նրանք գողացել են Թոմբիլիի արձանը: Նրանք ամեն գեղեցիկի թշնամիներն են: Նրանք միայն ատելություն, արցունքներ և պատերազմ գիտեն», - ասել է թուրք պատգամավոր Թունջայ Օզքանը : Սակայն 2016 թվականի նոյեմբերի 10-ին արձանը վերադարձվել է[10]։

Ծանոթագրություններ

[խմբագրել | խմբագրել կոդը]
  1. ↑ «Istanbul's phenomenal cat Tombili dies». Hürriyet Daily News. 10 August 2016. Արխիվացված օրիգինալից 4 December 2022-ին.
  2. ↑ McKernan, Bethan (1 October 2016). «Tombili: Istanbul cat and internet meme honoured with statue». The Independent (բրիտանական անգլերեն). Վերցված է 1 May 2017-ին.
  3. ↑ Hanson, Hillary (4 October 2016). «Famously Chill Cat Memorialized With Her Own Statue». Huffington Post. Վերցված է 9 August 2023-ին.
  4. ↑ «Istanbul's Most Famous Cat Honored With Its Own Statue At Its Favorite Spot». Bored Panda. 6 October 2017. Վերցված է 10 June 2020-ին.
  5. ↑ Gutierrez, Lisa (October 6, 2016). «Lazy in life, lazing in death: Tombili the fat cat gets a statue» (ամերիկյան անգլերեն). The Miami Herald. Վերցված է 1 May 2017-ին.
  6. ↑ Paiella, Gabriella (October 10, 2016). «Gaze Upon the Visage of This Beautiful and Haunting Cat Statue». New York Magazine (ամերիկյան անգլերեն). New York Media, LLC. Վերցված է 2 May 2017-ին.
  7. ↑ «Sculpture of cat phenomenon 'Tombili' inaugurated in Istanbul». Hurriyet Daily News (ամերիկյան անգլերեն). Anadolu Agency. 4 October 2016. Վերցված է 1 May 2017-ին.
  8. ↑ «Sculpture of Istanbul's social media phenomenon cat Tombili stolen». Daily Sabah (անգլերեն). 8 November 2016. Վերցված է 10 June 2020-ին.
  9. ↑ «Sculpture of iconic Istanbul cat 'Tombili' stolen». Hurriyet Daily News (ամերիկյան անգլերեն). November 8, 2016. Վերցված է 1 May 2017-ին.
  10. ↑ «Stolen statue of beloved Istanbul cat returned». The BBC (բրիտանական անգլերեն). November 10, 2016. Վերցված է 1 May 2017-ին.

Արտաքին հղումներ

[խմբագրել | խմբագրել կոդը]