Իմրան Բունյակու

Իմրան Բունյակու
Անձնական տվյալներ
Քաղաքացիությունը	Շվեյցարիա և  Ալբանիա
Ծննդյան ամսաթիվ	հոկտեմբերի 18, 1992(1992-10-18)[1][2] (32 տարեկան)
Ծննդավայր	Ցյուրիխ, Շվեյցարիա
Հասակ	179 սանտիմետր
Քաշ	68 կիլոգրամ
Դիրք	Կիսապաշտպան
Ակումբային տեղեկություններ
Ներկա ակումբ	Շաֆհաուզեն
Համար	13
Պատանեկան կարիերա
Գրասհոփեր
Մասնագիտական կարիերա*
Տարի	Ակումբ	Խաղ	(Գոլ)
2010-2014 Գրասհոփեր II 61 (0) 2013-2014 Գրասհոփեր 5 (0) 2014-այժմ Շաֆհաուզեն 19 (0)
Ազգային հավաքական
2011-2014 Ալբանիա (երիտ.) 13 (0) 2014 Կոսովո 2 (1)
* Մասնագիտական կարիերայում ընդգրկված են միայն առաջնության խաղերը և գոլերը:

Իմրան Բունյակու (ալբ․՝ Imran Bunjaku, հոկտեմբերի 18, 1992(1992-10-18)^[1][2], Ցյուրիխ, Շվեյցարիա), շվեյցարացի ֆուտբոլիստ, ով խաղում է կիսապաշտպանի դիրքում։ Ներկայում հանդես է գալիս շվեյցարական Չելենջ լիգայի «Շաֆհաուզեն» ակումբում։

Կենսագրություն

Իմրան Բունյակուն ծնվել է 1992 թվականի հոկտեմբերի 18-ին Ցյուրիխում (Շվեյցարիա), Կոսովոյից եկած ալբանացիների ընտանիքում։

Ակումբային կարիերա

Իր ֆուտբոլային կարիերան Իմրան Բունյակուն սկսել է Ցյուրիխի «Գրասհոփեր» ակումբում։ 2010 թվականից խաղացել է ակումբի երկրորդական կազմում։ «Գրասհոփերն» ընդգրկված էր Շվեյցարիայի Առաջին լիգայում, որն այն ժամանակ երրորդն էր Շվեյցարիայի ֆուտբոլային լիգաների համակարգում։ Ակումբի հիմնական կազմում Իմրան Բունյակուն առաջին անգամ խաղացել է 2013 թվականի սեպտեմբերի 25-ին. նա մասնակցել է «Լյուցերն» ակումբի դեմ խաղին՝ հանդիպման ավելացված ժամանակի երկրորդ րոպեին փոխարինելով կիսապաշտպան Վերոլյուբ Սալատիչին^[3]։ Շվեյցարիայի առաջնության 2013/14 մրցաշրջանում Իմրան Բունյակուն «Գրասհոփեր» ակումբի կազմում խաղադաշտ է դուրս եկել ընդհանուր առմամբ հինգ անգամ։ Մեծ մասամբ նա փոխարինման է դուրս եկել հանդիպումների վերջում, սակայն բացառություն է եղել հինգերորդ խաղը, որի ժամանակ Իմրան Բունյակուն առաջին անգամ խաղադաշտ է դուրս եկել թիմի հիմնական կազմում. դա եղել է 2014 թվականի մայիսի 18-ին, երբ ցյուրիխյան ակումբը խաղում էր «Սիոն» ակումբի դեմ։ Սակայն հանդիպման 60-րդ րոպեին նրան փոխարինել է այլ ֆուտբոլիստ^[4]։

2015 թվականի փետրվարին Իմրան Բունյակուն տեղափոխվել է շվեյցարական «Շաֆհաուզեն» ակումբ, որ հանդես էր գալիս Չելենջ լիգայում։ 2014/15 մրցաշրջանի մնացած մասում նա ընդգրկված է եղել նոր ակումբի հիմնական կազմում։ 2015 թվականի հոկտեմբերի 18-ին կիսապաշտպանն ստացել է ծնկի լուրջ վնասվածք, ինչի պատճառով երկար ժամանակ չի մասնակցել խաղերի^[5]։

Կարիերան հավաքականում

Իմրան Բունյակուն 2011-2014 թվականներին խաղացել է Ալբանիայի երիտասարդական հավաքականում, որի կազմում մասնակցել է 2013 թվականի Եվրոպայի երիտասարդական առաջնության նախընտրական փուլի 5 խաղի։ Երիտասարդական հավաքականի կազմում նա մասնակցել է 2015 թվականի Եվրոպայի երիտասարդական առաջնության նախընտրական փուլի հինգ խաղի։

Կոսովոյի հավաքականի կազմում Իմրան Բունյակուն մասնակցել է երկու խաղի՝ Օմանի և Հասարակածային Գվինեայի հավաքականների դեմ։ Երկու խաղերն էլ եղել են ընկերական հանդիպումներ և անցկացվել են Պրիշտինայում։ Օմանի հավաքականի դեմ խաղի 84-րդ րոպեին Իմրան Բունյակուն տուգանայինից գնդակն ուղարկել է հակառակորդի դարպասը։ Դա եղել է այդ հանդիպման միակ գոլը և հաղթանակ է բերել Կոսովոյի հավաքականին^[6]։

Ելույթների վիճակագրություն

Հավաքականում

Իմրան Բունյակուի խաղերն ու գոլերը Կոսովոյի հավաքականի կազմում
№	Ամսաթիվ	Վայր	Հակառակորդ	Հաշիվ	Գոլեր	Մրցություն
1	7 սեպտեմբերի, 2014	Քաղաքային մարզադաշտ, Պրիշտինա	Օման	1:0	1	Ընկերական խաղ
2	10 հոկտեմբերի, 2015	Քաղաքային մարզադաշտ, Պրիշտինա	Հասարակածային Գվինեա	2:0	—	Ընկերական խաղ

Ընդհանուր՝ 2 խաղ/1 գոլ (national-football-teams.com)

Ծանոթագրություններ

1. Transfermarkt.com(բազմ․) — 2000.
2. FBref.com(բազմ․)
3. «Luzern 0:2 Grasshopper» (անգլերեն) — soccerway.com. Վերցված է 2 ապրիլի, 2016-ին.
4. «Sion 3:1 Grasshopper» (անգլերեն) — soccerway.com. Վերցված է 2 ապրիլի, 2016-ին.
5. «18.10.2015 - Ein Tag zum Vergessen» (գերմաներեն) — fcschaffhausen.ch. Արխիվացված է օրիգինալից 2016 թ․ ապրիլի 14-ին. Վերցված է 2 ապրիլի, 2016-ին.
6. «Kosovo vs. Oman» (անգլերեն) — national-football-teams.com. Վերցված է 2 ապրիլի, 2016-ին.

Արտաքին հղումներ

• Էջը national-football-teams.com կայքում (անգլ.)
• Էջը soccerway.com կայքում (անգլ.)
• Էջը transfermarkt.com կայքում (անգլ.)