Իսաբել Սելա

Իսաբել Սելա
 
Կուսակցություն՝ Իսպանական սոցիալիստական բանվորական կուսակցություն[1]
Կրթություն՝ University of Deusto? և Վալյադոլիդի համալսարան
Մասնագիտություն՝ քաղաքական գործիչ, դիվանագետ և դպրոցի դասատու
Դավանանք կաթոլիկություն
Ծննդյան օր մայիսի 23, 1949(1949-05-23)[1] (75 տարեկան)
Ծննդավայր Բիլբաո, Բասկերի երկիր, Իսպանիա
Քաղաքացիություն  Իսպանիա
Ի ծնե անուն իսպ.՝ María Isabel Celaá Diéguez
 
Պարգևներ
Կառլոս III-ի շքանշանի Մեծ խաչի ասպետ և Ալֆոնս X Իմաստունի շքանշանի մեծ խաչ

Մարիա Իսաբել Սելա Դիեգես (իսպ.՝ María Isabel Celaá Diéguez, մայիսի 23, 1949(1949-05-23)[1], Բիլբաո, Բասկերի երկիր, Իսպանիա), իսպանացի պետական և քաղաքական գործիչ, Իսպանական սոցիալիստական բանվորական կուսակցության անդամ։ 2018 թվականի հունիսի 7-ից Սանչեսի առաջին և երկրորդ կաբինետում աշխատանքի և սոցիալիական տնտեսության նախարար[2]։ 2018 թվականի հունիսի 7-ից մինչև 2020 թվականի հունվարի 13-ը Սանչեսի առաջին կաբինետում Իսպանիայի կառավարության պաշտոնական ներկայացուցիչ։ 2009 թվականի մայիսի 9-ից մինչև 2012 թվականի դեկտեմբերի 14-ը Բասկերի Երկրի կառավարության կրթության, համալսարանների և հետազոտությունների խորհրդական։ 2008 թվականի մարտի 25-ից մինչև 2009 թվականի ապրիլի 3-ը Բասկերի Երկրի խորհրդարանի փոխխոսնակ։ 2019 թվականի մայիսի 21-ից մինչև 2020 թվականի փետրվարի 21-ը Ալավայից Իսպանիայի գլխավոր կորտեսների պատգամավոր։ 1998 թվականի նոյեմբերի 25-ից մինչև 2009 թվականի մայիսի 12-ը և 2012 թվականի նոյեմբերի 20-ից մինչև 2016 թվականի օգոստոսի 2-ը Բիսկայից եղել է Բասկյան խորհրդարանի պատգամավոր։

Կենսագրություն

[խմբագրել | խմբագրել կոդը]

Ստացել է փիլիսոփայության և գրականության, անգլիական բանասիրության և իրավունքի բակալավրի աստիճան և բակալավրիատի պրոֆեսորի գիտական կոչում։

1987 թվականին դարձել է Բասկերի երկրի Խոսե Ռամոն Ռեկալդեի կառավարության կրթության, համալսարանների և հետազոտությունների հարցերով խորհրդականի աշխատակազմի առաջնորդ։ 1991 թվականից եղել է Բասկերի երկրի Ֆերնանդո Բուեսայի կառավարության կրթության, համալսարանների և հետազոտությունների հարցերով խորհրդականի տեղակալ։ 1995 թվականից եղել է Բասկերի երկրի Ռամոն Հաուրեգիի կառավարության արդարադատության, տնտեսության, աշխատանքի և սոցիալական ապահովության խորհրդական։ 1998 թվականից մինչև 2009 թվականը և 2012 թվականից մինչև 2016 թվականը Բիսկայի նահանգից եղել է բասկյան խորհրդարանի պատգամավոր։ 2008-2009 թվականներին եղել է բասկյան խորհրդարանի առաջին փոխխոսնակը։ 2009-2012 թվականներին Բասկերի երկրի Պաչի Լոպեսի կառավարությունում զբաղեցրել է կրթության, համալսարանների և հետազոտությունների հարցերով խորհրդականի պաշտոնը[3]։

2018 թվականի հունիսի 7-ին նշանակվել է կրթության և մասնագիտական պատրաստության նախարար և միաժամանակ Սանչեսի առաջին կաբինետում Իսպանիայի կառավարության պաշտոնական ներկայացուցիչ։ 2020 թվականի հունվարի 13-ին Սանչեսի երկրորդ կաբինետում նշանակվել է կրթության և մասնագիտական պատրաստության նախարար։

2019 թվականի ապրիլի 28-ի խորհրդարանական ընտրություններում Ալավայի ընտրատարածքից ընտրվել է պատգամավորների կոնգրեսի պատգամավոր։ Վերընտրվել է 2019 թվականի նոյեմբերի 10-ի արտահերթ ընտրություններում[4]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 1,3 http://www.congreso.es/portal/page/portal/Congreso/Congreso/Diputados/BusqForm?_piref73_1333155_73_1333154_1333154.next_page=/wc/fichaDiputado?idDiputado=272&idLegislatura=13
  2. ↑ «В новом правительстве Испании будет 22 министерских портфеля». ТАСС. 2020 թ․ հունվարի 12. Վերցված է 2020 թ․ մարտի 5-ին.
  3. ↑ «Isabel Celaá. Consejera de Educación, Universidades e investigación del Gobierno Vasco» (իսպաներեն). Eusko News. 2009 թ․ դեկտեմբերի 18. Վերցված է 2020 թ․ մարտի 28-ին.
  4. ↑ «Celaá Diéguez, Isabel» (իսպաներեն). Congreso de los Diputados. 2019 թ․ սեպտեմբերի 24. Վերցված է 2020 թ․ մարտի 28-ին.
Վիքիպահեստն ունի նյութեր, որոնք վերաբերում են «Իսաբել Սելա» հոդվածին։