Իվան Իվանի Աղայանց (օգոստոսի 28, 1911(1911-08-28)[1][2], Գանձակ, Կովկասի փոխարքայություն, Ռուսական կայսրություն[1] - մայիսի 12, 1968(1968-05-12)[1][2], Մոսկվա, ԽՍՀՄ[1]), խորհրդային հետախույզ, գեներալ-մայոր (1965)։
Ծնվել է օգոստոսի 28-ին, Ելիզավետպոլ (այժմ՝ Կիրովաբադ) քաղաքում, քահանայի ընտանիքում։ 1955 թվականին ավարտել է ԽՄԿԿ Կենտկոմին կից Բարձրագույն կուսակցական դպրոցը։ 1930 թվականիից աշխատել է ԽՍՀՄ անվտանգության մարմիններում, ղեկավար պաշտոններ է վարել ԽՍՀՄ Մինիստրների խորհրդին առընթեր Պետական անվտանգության կոմիտեում։ Աղայանցը 1930-ական թվականներին զգալի աշխատանք է կատարել գերմանական ֆաշիզմի հակասովետական պլանների բացահայտման գործում։ Երկրորդ համաշխարհային պատերազմի ժամանակ գլխավորել է գերմանական հետախուզության դեմ ուղղված մի շարք գործողություններ։ Ետպատերազմյան տարիներին կազմակերպել ու ղեկավարել է Խորհրդային Միության ու սոցիալիստական մյուս երկրների դեմ արևմտյան պետությունների հետախուզությունների գործունեությունը մերկացնող միջոցառումներ։ Գործնական աշխատանքին զուգընթաց մշակել է հակահետախուզության հատուկ տեսական պրոբլեմներ։ ԽՄԿԿ անդամ՝ 1936 թվականից։
- Լենինի ու սովետական հինգ այլ շքանշաններով, մեդալներով
- Բուլղարական «1944 թ. սեպտեմբերի 9» I աստիճանի շքանշանով։
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
- ↑ 2,0 2,1 2,2 2,3 2,4 2,5 Петров Н. В. Кто руководил органами госбезопасности: 1941—1954 (ռուս.) — Мемориал, 2010. — ISBN 966-95519-0-0
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 244)։
|