Լարիսա Մարոլտ

Լարիսա Մարոլտ
Ծնվել էհուլիսի 10, 1992(1992-07-10)[1][2] (32 տարեկան)
ԾննդավայրԿլագենֆուրտ, Ավստրիա
Քաղաքացիություն Ավստրիա
Մասնագիտությունդերասանուհի և մոդել
Ժանրերհեռուստանովել
Ծնողներհայր՝ Heinz Anton Marolt?
Պարգևներ և մրցանակներ

 

Լարիսա-Անտոնիա Մարոլտ (գերմաներեն՝ Larissa-Antonia Marolt. հուլիսի 10, 1992(1992-07-10)[1][2], Կլագենֆուրտ, Ավստրիա[3] ), ավստրիացի մոդել և դերասանուհի։ Նա Ավստրիայի Next Topmodel- ի առաջին փուլի հաղթողն է[4]։ Այդ հաղթանակից հետո մասնակցել է նաև Գերմանիայի Next Top Model- ի չորրորդ եթերաշրջանին, զբաղեցրել ութերորդ տեղը[5]։

Կյանքի վաղ շրջան

[խմբագրել | խմբագրել կոդը]

Լարիսան մեծացել, հասակ է առել Կարինթիայի Սենթ Կանզյան քաղաքում, որտեղ նրա հայրը՝ Ավստրիական Ազատության կուսակցության նախկին անդամ և թոշակի անցած տեղական քաղաքական գործիչ Հայնց Անտոն Մարոլտը, հյուրանոցի սեփականատեր է։ Լարիսան ունի երկու եղբայր և մեկ ավագ քույր։ Մարոլտը հաճախել է գիմնազիա և անցել իր A-Levels-ը 2010 թվականին։

14 տարեկանից նա ակտիվորեն գործել է Կլագենֆուրտի քաղաքային թատրոնի երիտասարդական թատերական ակումբում, որտեղ էլ նրան բացահայտել են որպես մոդելի[6]։

Կարիերա

[խմբագրել | խմբագրել կոդը]

16 տարեկանում Մարոլտը լսումներ անցավ Ավստրիայի հաջորդ թոփ մոդել մրցույթի համար, որտեղ ինը այլ աղջիկների հետ ընտրվեց որպես հեռուստաշոուի մասնակցության թեկնածու։ Վերջին դրվագում նա հռչակվեց «Austria's Next Topmodel» տիտղոսի հաղթող։ Մրցանակը ներառում էր պայմանագիր Wiener Models մոդելային գործակալության հետ, լուսանկարի տպագրում ավստրիական Miss ամսագրի 2008 թվականի փետրվարյան համարի շապիկին, պայմանագիր՝ որպես Swarovski Crystallized--ի հաջորդ գովազդային արշավի դեմք հանդես գալու համար և մասնակցություն Հայդի Կլումի վարած Germany's Next Topmodel մրցութային շոուին։ Այդպիսով՝ Մարոլտը խորվաթուհի Անդրեա Աքմազդիչից հետո դարձավ երկրորդ աղջիկն ամբողջ աշխարհում, ով հնարավորություն ստացավ մասնակցելու երկու տարբեր Top Model շոուների։

Չնայած նախորդած հաղթանակներին և հանդիսատեսի համակրանքին՝ Մարոլտին չհաջողվեց շահել իր մրցակցուհիների համակրանքը, ինչի արդյունքում էլ խմբից մեկուսացվեց[7]։ Նորաձևության երկու ցուցադրությունների մասնակցելուց հետո նա 2009 թվականին հանդես եկավ Amber Fashion Show-ում[8] և Vienna Life Ball-ում։ Բացի այդ, Նրա լուսանկարները հայտնվեցին մի քանի ավստրիական ամսագրերի, այդ թվում՝ Madonna-ի և Live-ի շապիկներին։

Մարոլտը (աջից երկրորդը) Գերմանիայի Next Topmodel 2009-ի եզրափակիչ փուլի մասնակիցների հետ
Մարոլտըt 2014 թվականին՝ իր Rise Up! And Dance ֆիլմի պրեմիերային Վիեննայում

2010 թվականին Լարիսան մեկնեց Նյու Յորք, սովորեց Լի Ստրասբերգի ինստիտուտում։ Ավարտելուց հետո եկավ Բեռլին, որտեղ խաղաց Մաքսի Քենիգի դերը գերմանական Anna und die Liebe սերիալում։ Նա դերակատարումով հանդես եկավ նաև Դանի Լովինսկի հեռուստասերիալում։

Կինոյում Մարոլտի նորամուտը տեղի է ունեցել ավստրիական « Rise Up» ֆիլմում։ Նա այնուհետև հանդես է եկել Բարբարա Գրաֆթների նկարահանած And Dance-ում, որի պրեմիերան կայացել է 2014 թվականի մարտի 11-ին Վիեննայի Հազարամյակի քաղաքի UCI կինոթատրոնում[9]։ Մարոլտը, որպես գլխավոր դերակատարուհի, խաղում է նաև 2013 թվականի ավստրիական «Hoppped Up - Friedliche Droge» սարսափ ֆիլմում, որի ռեժիսորն է Մայքլ Ֆիշան[10]։ Ֆիլմը Ավստրիայի և Գերմանիայի կինոթատրոններում էկրան է բարձրացել 2014 թվականի սկզբին[11]։

2014 թվականին Լարիսան մասնակցել է I'm a Celebrity...Get Me Out of Here! շոուի գերմանական տարբերակին և զբաղեցրել 2-րդ տեղը։ Ընդ որում՝ նա ընտրվեց Գերմանիայի, Ավստրիայի և Շվեյցարիայի հեռուստադիտողների կողմից ութ փորձարկումների համար անընդմեջ՝ սահմանելով նոր համաշխարհային ռեկորդ, քանի որ ոչ մի այլ հայտնի մարդ միջազգային շոուներից որևէ մեկում այդքան հաճախ անընդմեջ չէր ընտրվել[12][13]։

2014 թվականի փետրվարի 8-ին Մարոլտը իր ծննդավայրում՝ Կլագենֆուրտում, արժանացավ ընդունելության և քաղաքապետ Քրիստիան Շայդերից ստացավ «Հատուկ Լինդվուրմ» մրցանակը[14][15], որը նախկինում միայն մեկ անգամ էր շնորհվել. 2004 թվականին հանձնվել էր գերմանացի արտիստ Թոմաս Գոտշալկին[16]։

2014 թվականի մարտի 28-ից մայիսի 16-ը Մարոլտը մասնակցեց «Let's Dance» գերմանական հեռուստաշոուի յոթերորդ եթերաշրջանին և իր պարընկեր Մասիմո Սինատոյի հետ զբաղեցրեց չորրորդ հորիզոնականը[17]։

2014 թվականի ապրիլի 26-ին Վիեննայի Հոֆբուրգում կայացած Romy TV մրցանակաբաշխության 25-րդ արարողության ժամանակ Մարոլտին հանձնվեց Romy մրցանակը[18][19]։

2014 թվականի հունիսի 17-ին Վիեննայում Առաջատար կանայք մրցանակաբաշխության ժամանակ Մարոլտն ստացավ «New-Face-Award» մրցանակը։ Մրցանակները ութ անվանակարգերում սահմանել է ավստրիական Madonna ամենշաբաթյա հանդեսը[20]։ Մարոլտից բացի՝ մրցանակների արժանացան Քրիստինա Շտյուրմերը, Աննա Ֆենինգերը, Ուրսուլա Կարվենը և Սառա Նուրուն[21]։

2014 թվականի օգոստոսին Լարիսան օգնեց մեծացնելու իրազեկվածությունը ALS հիվանդության մասին՝ մասնակցելով Ice Bucket Challenge-ին[22]։

RTL հեռուստատեսության ղեկավար Ֆրենկ Հոֆմանը 2014 թվականի հուլիսի 17-ին հայտարարեց, որ սկսվել են վավերագրական դրամայի նկարահանումները, որոնք նվիրված են Մարոլտի կյանքին[23]։ «Լարիսան գնում է Հոլիվուդ» վավերագրական ֆիլմը 2015 թվականի ապրիլի 25-ից սկսել է ցուցադրվել Գերմանիայում[24]։

2016 թվականի հունվարին Մարոլտը դերասան Թոմաս Հելդի հետ կիսեց առաջին տեղը գերմանական VOX հեռուստաալիքի Promi Shopping Queen ոճային մրցույթում։ Նա իր քրոջ՝ Լիզա-Մարիի հետ[25] գնումներ էր կատարում Կլագենֆուրտում և մրցանակային գումարը նվիրաբերեց Kärntner Kinderkrebshilfe-ին[26][27]։

Անձնական կյանք

[խմբագրել | խմբագրել կոդը]
Կլոպայն լիճը

Մարոլտը 2011-ից 2016 թվականներին հանդիպում էր կինոռեժիսոր Ուիթնի Սադլեր-Սմիթի հետ[28][29][30]։

2015 թվականին Մարոլտը հոր հետ միասին գնել է Seehotel Klopein հյուրանոցը Կլոպայն լճի ափին, որը գտնվում է ավստրիական Կարինթիա երկրամասի Սանկտ Կանզյան համայնքում[31][32]։ Ինը շենքից բաղկացած երեք աստղանի հյուրանոցը, որ UniCredit Bank Austria AG-ն վաճառել է Marolt Hotel GmbH-ին, գտնվում է նրա ծնողներին պատկանող հյուրանոցից ընդամենը մեկ կիլոմետր հեռավորության վրա[33]։

Հեռուստատեսային ելույթներ

[խմբագրել | խմբագրել կոդը]
  • 2009. Ավստրիայի հաջորդ թոփ-մոդելը
  • 2009. Գերմանիայի հաջորդ թոփ-մոդելը
  • 2009. Granaten wie wir
  • 2010. Wir sind Kaiser
  • 2010. Die Model-WG
  • 2012. Das perfekte Promi-Dinner
  • 2013. taff ( Project Paradies: Promi-Heilfasten )
  • 2014. Ich bin ein Star – Holt mich hier raus!
  • 2014. Wir sind Kaiser
  • 2014. 5 gegen Jauch
  • 2014. Das perfekte Promi-Dinner
  • 2014՝ Մարկուս Լանց
  • 2014. Եկեք պարենք
  • 2014. Schlag den Star
  • 2014. Die große Chance (ժյուրի)
  • 2015. Die große Chance der Chöre (ժյուրի)
  • 2015. Լարիսան գնում է Հոլիվուդ
  • 2016. Promi Shopping Queen
  • 2016. Jungen gegen Mädchen
  • 2017. Գլոբալ գլադիատորներ

Ֆիլմագրություն

[խմբագրել | խմբագրել կոդը]
  • 2009. Eine wie keine (հեռուստասերիալ)
  • 2011. Anna und die Liebe (հեռուստասերիալ, 1 դրվագ)
  • 2013. Դանի Լովինսկի (հեռուստասերիալ, 1 դրվագ)
  • 2013. Ոստիկանական պատմություններ (հեռուստասերիալ, 1 դրվագ)
  • 2014. Վեր կաց. Եվ պարիր
  • 2015. SOKO 5113 (հեռուստասերիալ, 1 դրվագ)
  • 2015. Alarm für Cobra 11 (հեռուստասերիալ, 1 դրվագ)
  • 2015. Միլա (հեռուստասերիալ, 1 դրվագ)
  • 2016 թ.՝ «Hopped Up» – Ֆրիդլիշ Դրոգե
  • 2017—2019. Սիրո փոթորիկ (բնօրինակ անվանումը՝ «Sturm der Liebe», Հեռուստասերիալ, 274 դրվագ)
  • 2020—2021 թթ. Բլյութիջ Անֆենգեր (հեռուստասերիալ, 11 դրվագ)
  • 2022. Unter Uns (հեռուստասերիալ, անհայտ դրվագներ)
  • 2023. Hotel Mondial (հեռուստասերիալ, 1 դրվագ)

Մրցանակներ

[խմբագրել | խմբագրել կոդը]
  • 2014 Հատուկ Լինդվուրմի մրցանակ / Special Lindwurm Award
  • 2014 Ռոմի
  • 2014 Առաջատար տիկնայք մրցանակաբաշխության մրցանակ Նոր դեմք անվանակարգում)

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Internet Movie Database — 1990.
  2. ↑ 2,0 2,1 ČSFD (չեխերեն) — 2001.
  3. ↑ «Larissas Vater: Offener Brief an Petzner». oe24.at (գերմաներեն). 2014 թ․ հունվարի 22. Վերցված է 2014 թ․ հունվարի 22-ին.
  4. ↑ «Austria's Next Topmodel: "Mediale Zeitbombe" gewinnt» (գերմաներեն). 2009 թ․ հունվարի 16.
  5. ↑ «GNTM: Aus für Larissa!» (գերմաներեն).
  6. ↑ «Jungle camp 2014: candidate Larissa Marolt». 2014 թ․ փետրվարի 2.
  7. ↑ «Mobbing bei Germany's Next Topmodel: Wie lange hält Kandidatin Larissa Marolt das durch?» (գերմաներեն). 2009 թ․ ապրիլի 3. Արխիվացված է օրիգինալից 2009 թ․ մայիսի 25-ին. Վերցված է 2024 թ․ ապրիլի 25-ին.
  8. ↑ «Larissa Marolt & Birgit Königstorfer for AMBER Fashion Show in Monaco».
  9. ↑ "Rise Up! And Dance"- Stars heute in Wien
  10. ↑ «Hopped Up official website». Արխիվացված է օրիգինալից 2014-02-20-ին. Վերցված է 2024-04-25-ին.
  11. ↑ «'Sie ist sehr professionell.'». Badener Zeitung. 2014 թ․ փետրվարի 13. Վերցված է 2014 թ․ փետրվարի 14-ին.
  12. ↑ «Dschungelprüfungs-Weltrekord für Larissa Marolt» (գերմաներեն). Wochenblatt - die Zeitung für alle. 2014 թ․ հունվարի 23. Արխիվացված է օրիգինալից 2014 թ․ ապրիլի 9-ին. Վերցված է 2014 թ․ փետրվարի 3-ին.
  13. ↑ «Weltrekord statt Zepter: Marolt Zweite bei RTL-"Dschungelcamp"» (գերմաներեն). Tiroler Tageszeitung. 2014 թ․ փետրվարի 2. Արխիվացված է օրիգինալից 2016 թ․ մարտի 4-ին. Վերցված է 2014 թ․ փետրվարի 3-ին.
  14. ↑ «Ein Lindwurm für Larissa». Kurier. 2014 թ․ փետրվարի 9. Արխիվացված է օրիգինալից 2014 թ․ ապրիլի 15-ին. Վերցված է 2014 թ․ փետրվարի 10-ին.
  15. ↑ «Larissa Marolt erhielt "Special Lindwurm Award"». Kleine Zeitung. 2014 թ․ փետրվարի 8. Վերցված է 2014 թ․ փետրվարի 10-ին.
  16. ↑ «Die Landeshauptstadt Klagenfurt ehrte Thomas Gottschalk und "Wetten dass..."» (PDF). Stadtzeitung. 2004 թ․ մարտի 11. Արխիվացված է օրիգինալից (PDF) 2014 թ․ փետրվարի 21-ին. Վերցված է 2014 թ․ փետրվարի 10-ին.
  17. ↑ «Larissa verboten sexy im hautengen Latex-Anzug» (գերմաներեն). Deutsche Telekom. 2014 թ․ մայիսի 17. Վերցված է 2014 թ․ մայիսի 17-ին.
  18. ↑ «Mittendrin statt nur dabei: Tratsch von der ROMY-Gala». Kurier (գերմաներեն). 2014 թ․ ապրիլի 25. Արխիվացված է օրիգինալից 2014 թ․ ապրիլի 27-ին. Վերցված է 2014 թ․ ապրիլի 26-ին.
  19. ↑ «Larissa Marolt gewinnt ROMY!» (գերմաներեն). MISS. Վերցված է 2014 թ․ ապրիլի 27-ին.
  20. ↑ «Österreichischer Frauen-Preis: Christina Stürmer ist eine Leading Lady». N24. 2014 թ․ հունիսի 18. Վերցված է 2014 թ․ հունիսի 18-ին.
  21. ↑ «Leading Ladies 2014: Die Siegerinnen der Gala-Nacht». Österreich. 2014 թ․ հունիսի 17. Վերցված է 2014 թ․ հունիսի 18-ին.(չաշխատող հղում)
  22. ↑ «- YouTube». YouTube.
  23. ↑ «Larissa Marolt macht Karriere – jetzt die RTL Doku-Soap». WirtschaftsBlatt. 2014 թ․ հուլիսի 17. Վերցված է 2014 թ․ հուլիսի 18-ին.
  24. ↑ Kylla, Denise (2015 թ․ ապրիլի 26). «"Larissa goes to Hollywood": Larissa zieht zu ihrem Regisseur nach Hollywood». Express. Վերցված է 2015 թ․ ապրիլի 26-ին.(չաշխատող հղում)
  25. ↑ «Sister-Power bei Shopping Queen: Larissa Marolt zückt Joker!». Promiflash. 2016 թ․ հունվարի 7. Վերցված է 2016 թ․ հունվարի 12-ին.
  26. ↑ «Larissa Marolt holt sich Shopping-Krone». Kleine Zeitung. 2016 թ․ հունվարի 11. Վերցված է 2016 թ․ հունվարի 12-ին.
  27. ↑ «Zauberhaft: Larissa Marolt gewinnt Promi Shopping Queen!». Promiflash. 2016 թ․ հունվարի 10. Վերցված է 2016 թ․ հունվարի 12-ին.
  28. ↑ «Larissa Marolt + Whitney Sudler-Smith. So glücklich sind sie!». Gala. 2014 թ․ դեկտեմբերի 31. Վերցված է 2016 թ․ հունվարի 12-ին.
  29. ↑ «Sie sieht ihren Whitney nur einmal im Monat!». Bunte. 2015 թ․ ապրիլի 19. Վերցված է 2016 թ․ հունվարի 12-ին.
  30. ↑ Hawkins, Kayla (2015 թ․ մայիսի 11). «Whitney Sudler-Smith's Girlfriend Larissa Marlot Is Way Cooler Than The 'Southern Charm' Star — Just Sayin'». Bustle. Վերցված է 2016 թ․ հունվարի 12-ին.
  31. ↑ «Seehotel Klopein wird an Larissa Marolt und ihren Vater verkauft». WirtschaftsBlatt. 2015 թ․ հունիսի 19. Վերցված է 2016 թ․ հունվարի 12-ին.
  32. ↑ «Larissa Marolt und ihr Vater kaufen Seehotel Klopein». Kleine Zeitung. 2015 թ․ հունիսի 19. Վերցված է 2016 թ․ հունվարի 12-ին.
  33. ↑ «Larissa Marolt wird Hotelbesitzerin». Stern. 2015 թ․ հունիսի 22. Վերցված է 2016 թ․ հունվարի 12-ին.

Արտաքին հղումներ

[խմբագրել | խմբագրել կոդը]
  • Media related to Larissa Marolt at Wikimedia Commons
  • Larissa Marolt at Fashion Model Directory
  • Larissa Marolt at IMDb
Վիքիպահեստն ունի նյութեր, որոնք վերաբերում են «Լարիսա Մարոլտ» հոդվածին։
 ⛭ 
  Թեմատիկ կայքեր