Լեռնանիստ
| Գյուղ | |||
|---|---|---|---|
| Լեռնանիստ | |||
 Լեռնանիստ գյուղը. տեսքը Մենակսար լեռան լանջից | |||
| Երկիր |  Հայաստան | ||
| Մարզ | Կոտայքի | ||
| Գյուղ | Կոտայքի մարզ, Նոր Բայազետի գավառ և Հրազդանի շրջան | ||
| Այլ անվանումներ | Կոթգորան, Վերին Ախտա | ||
| ԲԾՄ | 1900 մ | ||
| Պաշտոնական լեզու | հայերեն | ||
| Բնակչություն | 2877 մարդ (2018[1]) | ||
| Ազգային կազմ | Հայեր | ||
| Կրոնական կազմ | Հայ Առաքելական եկեղեցի | ||
| Ժամային գոտի | UTC+4 | ||
| |||
Լեռնանիստ, գյուղ Հայաստանի Հանրապետության Կոտայքի մարզի Հրազդան համայնքում։
Աշխարհագրություն
[խմբագրել | խմբագրել կոդը]Գտնվում է Մենակսար լեռան հյուսիսային կանաչապատ ու ծաղկաշատ լանջին։ Մարզկենտրոն Հրազդան քաղաքից հեռու է 5 կմ հարավ-արևելք։
Պատմություն
[խմբագրել | խմբագրել կոդը]Լեռնանիստ գյուղը հիմնադրվել է 1828 թվականին։ Նախկինում կոչվել է Վերին Ախտա, 1978 թվականի հունվարի 25-ին վերանվանվել է Լեռնանիստ։
Բնակչություն
[խմբագրել | խմբագրել կոդը]Բնակչության նախնիների մի մասը 1828-1829 թթ. գաղթել է Խոյի, Մակուի ու Սալմաստի գյուղերից։
Ստորև ներկայացված է Լեռնանիստ գյուղի բնակչության վիճակագրական տվյալներն ըստ տարիների[2]
| Տարի | 1831 | 1897 | 1926 | 1939 | 1959 | 1970 | 1989 | 2000 | 2004 | 2011 | 2018 |
|---|---|---|---|---|---|---|---|---|---|---|---|
| Բնակիչ | 349 | 1624 | 2442 | 3028 | 748 | 2300 | 2447 | 2920 | 3168 | 3090[3] | 2877 |
Տնտեսություն
[խմբագրել | խմբագրել կոդը]Բնակչությունը զբաղվում է անասնապահությամբ և բանջարաբուծությամբ։
Տուրիզմ
[խմբագրել | խմբագրել կոդը]Վերջին տարիներին գյուղում արագ զարգանում է տուրիզմի ոլորտը։ 2017 թվականին մասնավոր ներդրումներով Լեռնանիստում կառուցվել է դահուկավազքի սահուղի և 350 մետր երկարությամբ ճոպանուղի[4]։
Ըստ Հայաստանի կառավարության պաշտոնական հրապարակման, Լեռնանիստը հավակնում է դառնալ ձմեռային տուրիզմի կենտրոն։ Միայն 2019 թվականի հունվարին գյուղն ընդունել է մոտ 1000 զբոսաշրջիկ[5]։
Մշակույթ
[խմբագրել | խմբագրել կոդը]2015 թվականին գյուղում բացվել է ազգագրության թանգարան, որը գործում է համայնքի մշակույթի տանը։
Գյուղում է գտնվում 1892 թվականին կառուցված «Սուրբ Մարիամ Աստվածածին» եկեղեցին և 1861 թվականին կառուցված «Սուրբ Հակոբ» մատուռը[4]։
Պատկերասրահ
[խմբագրել | խմբագրել կոդը]-
Սահուղի Լեռնանիստ գյուղում, 2019 -
Ապրեի լիճ, Լեռնանիստ
.jpg)
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ Կոտայքի մարզի մարդահաշիվը (հայ.)
- ↑ «Հայաստանի հանրապետության բնակավայրերի բառարան, էջ 87» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2014 Ապրիլի 14-ին.
- ↑ 2011 թ Հայաստանի մարդահամարի արդյունքները
- ↑ 4,0 4,1 «ԼԵՌՆԱՆԻՍՏ. ՁՄԵՌԱՅԻՆ ՏՈՒՐԻԶՄԻ ՆՈՐ ԿԵՆՏՐՈՆ ՀԱՅԱՍՏԱՆՈՒՄ». 16.01.2019.
- ↑ «Կոտայքի մարզի Լեռնանիստ համայնքը հավակնում է դառնալ ձմեռային տուրիզմի կենտրոն».
| |||||||||||||||||||||||||
