Լը Նեն

Լը Նեն (LeNain), ֆրանսիացի գեղանկարիչ եղբայրներ։

• Անտուան (մոտ 1588, Լան, Պիկարդիա – 25.5.1648, Փարիզ)
• Լուի (մոտ 1593, Լան – 23.5.1648, Փարիզ)
• Մատիո (մոտ 1607, Լան – 2.4. 1677, Փարիզ)

1620-ական թթ. վերջերին Փարիզում ունեցել են ընդհանուր արվեստանոց և հաճախ աշխատել միասին։ Անտուան Լը Նենին վերագրվող պղնձե թիթեղի վրա արված խմբադիմանկարները կոմպոզիցիայով և կերպարների բնութագրմամբ միօրինակ են («Ընտանեկան դիմանկար», 1642, Լուվր, Փարիզ)։

Անտուանի աշակերտ Լուի Լը Նեն 1630-ական թթ. կրել է կարավաջիզմի ազդեցությունը։ Հիմնականում նկարել է գեղջկական կյանքի տեսարաններ («Վերադարձ խոտհնձից», 1641, «Դարբնոց», երկուսն էլ Լուվրում, «Կաթնավաճառուհու ընտանիքը», 1640-ական թթ., Էրմիտաժ, Լենինգրադ)։

Մատիո Լը Նեն գեղջկական պատկերների և պալատական կենցաղից վերցրած մոտիվների հեղինակ է («Տրիկ–տրակ խաղացողները», Լուվր)։

Լուի Լը Նենի «Թռչունների բներ քանդողները» աշխատանքը գտնվում է Հայաստանի պետական պատկերասրահում։

• Լը Նեն եղբայրների նկարներից
• 
  Անտուան Լը Նեն
  Réunion musicale
• 
  Լուի Լը Նեն
  Երջանիկ ընտանիք, (Լուվր)
• 
  Մատիո Լը Նեն
  Musicians

Արտաքին հղումներ

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Լը Նեն կատեգորիայում։

• LE NAIN brothers(անգլ.)

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 595)։