Ծեր կիթառահարը

Ծեր կիթառահարը
տեսակ	գեղանկար
նկարիչ	Պաբլո Պիկասո
տարի	1903
բարձրություն	121 սանտիմետր
լայնություն	92 սանտիմետր
ժանր	դիմապատկեր
նյութ	յուղաներկ
գտնվում է	Չիկագոյի արվեստի ինստիտուտ[1]
հավաքածու	Չիկագոյի արվեստի ինստիտուտ
պատկերված են կիթառ, կիթառահար և տղամարդ
կայք
Ծանոթագրություններ

«Ծեր կիթառահարը» (իսպ.՝ El viejo guitarrista; անգլ.՝ The Old Guitarist), իսպանացի և ֆրանսիացի նկարիչ Պաբլո Պիկասոյի նկարներից՝ ստեղծված 1903 թվականի վերջին և 1904 թվականի սկզբին։ Չափը 122,9 x 82,6 սմ է։ Գտնվում է Չիկագոյի արվեստի ինստիտուտում^[2]։

Պատմություն և նկարագրություն

«Ծեր կիթառահարը» կտավը նկարչի երկնագույն շրջանի ամենավառ գործերից է, և նկարվել է Բարսելոնայում։ Դա մի ժամանակաշրջանն էր, երբ նկարիչը հրաժարվում է ակադեմիական գեղանկարչությունից և սկսում որոնել իր սեփական ոճը։ Նա չէր համակերպվում մտերիմ ընկերոջ՝ Կարլոս Կասագեմասի ինքնասպանության հետ, որի մահով էլ սկսվեց երկնագույն շրջանը իր ստեղծագործության մեջ։ Այդ ժամանակ Պիկասոյի աշխատանքները ցուցադրում էին աղքատ, հիվանդ, թշվառ մարդկանց տառապանքները և փոխանցում նկարչի հոգեվիճակը^[3]։

Նկարում պատկերված է ծեր, կույր երաժիշտը, որ կիթառ է նվագում։ Նա նստած է գետնին անհարմար կեցվածքով, ծալած և խաչված ոտքերով։ Ծերունին ցնցոտիներ է հագել, դեպի իրեն է սեղմում է կիթառը։ Միայն կիթառն է նրա մխիթարությունը։ Երաժշտի չափազանցված երկար մարմինը հիշեցնում է 16-րդ դարի իսպանացի նկարիչ Էլ Գրեկոյի նկարները, որոնցով միշտ հիանում էր Պիկասոն։ Ներկապնակի խլացված կապույտը ստեղծում է մելանխոլիայի եւ անելանելիության տրամադրություն։

1926 թվականին Չիկագոյի արվեստի ինստիտուտը ձեռք է բերում «Ծեր կիթառահարը» կտավը, ինչը շրաջադարձային է դառնում նկարչի կյանքում։ Պիկասոյի առաջին աշխատանքն էր, որը ձեռք էր բերվել աշխարհի որևէ թանգարանի կողմից՝ մշտական հավաքածուի համար^[4].

Կնոջ դեմքի ուրվագիծը

Վերջերս Չիկագոյի գիտնականները նկարի վրա ռենտգենյան և ինֆրակարմիր լուսանկարներ են արել և ներկի շերտի տակ հայտնաբերել են չթույլատրված պատկեր՝ մերկ երիտասարդ կին, որը կրծքով կերակրում է երեխային, ինչպես նաև կով և հորթ^[5]։ Կնոջ դեմքի ուրվագիծը կարելի է տեսնել անզեն աչքով։ Այն անցնում է կիթառահարի գլխի և պարանոցի վրայով։ Պիկասոն հաճախ է իր հին աշխատանքները խնայել, քանի որ այդ ժամանակ նրա նկարները հազվադեպ են վաճառվել, և նա ապրել է աղքատության մեջ։

Ծանոթագրություններ

1. http://www.artic.edu/aic/collections/artwork/28067
2. «The Old Guitarist». Art Institute Chicago. Վերցված է 2019 թ․ նոյեմբերի 30-ին.
3. «Pablo Picasso's Blue Period - 1901 to 1904». Pablo Picasso.org. Վերցված է 2019 թ․ նոյեմբերի 30-ին.
4. «10 Things You Might Not Know About Picasso's The Old Guitarist». Mental Floss. Վերցված է 2019 թ․ նոյեմբերի 30-ին.
5. «10 малоизвестных фактов о картине Пикассо «Старый гитарист»». Культурология.ру. Վերցված է 2019 թ․ նոյեմբերի 30-ին.