Կա’ Լորեդան

Չշփոթել Պալացցո Լորեդան հոդվածի հետ։
Կա’ Լորեդան
Տեսակշենք և վարչական կենտրոն
Երկիր Իտալիա
ՏեղագրությունՎենետիկ
ՎայրՍան Մարկո
Ճարտարապետական ոճռոմանական ճարտարապետություն
Հարկեր4
Անվանված էԼորեդան
ՍեփականատերՎենետիկ
Հիմնադրված է13-րդ դար
Իրադարձություններվերանորոգում
Քարտեզ
Քարտեզ

Կա’ Լորեդան (իտալ.՝ Ca' Loredan) կամ Պալացցո Լորեդան (իտալ.՝ Palazzo Loredan), պալացցո (պալատ) Վենետիկի Սան Մարկո պատմական շրջանում, Մեծ ջրանցքի վրա։ Գտնվում է Ռիալտո կամրջի մոտ։

Կառուցվել է 1200 թվականին և համարվում է քաղաքի ամենահին շինություններից մեկը[1]։ 1868 թվականից սկսած այստեղ և հարևանությամբ գտնվող Կա’ Ֆարսետտի պալացցոյի շենքում է գտնվում Վենետիկի քաղաքապետի նստավայրը։

Վենետիկում կա այս անունը կրող ևս մեկ կառույց (իտալ.՝ Palazzo Loredan in Campo Santo Stefano), որը գտնվում է Սանտո Ստեֆանո հրապարակի հարավային մասում։

Պատմություն

[խմբագրել | խմբագրել կոդը]

Շենքը կառուցվել է 13-րդ դարում՝ որպես Բոկկասի ընտանիքի ապրանքների պահեստ։ Ըստ որոշ պատմաբանների՝ այն դարձել է Դոժ (դուքս) Յակոպո Կոնտարինիի նստավայրը 1280 թվականին։ Հետագա դարերում պալատն ընդարձակվել և մեծապես փոփոխվել է։ 1646 թվականին այս պալատում է ծնվել Ելենա Լուկրեցիա Կոռնարո Պիսկոպիան, որը պատմության մեջ է մտել որպես դոկտորի աստիճան ստացած առաջին կին (1678 թվականի հունիսի 25)։ Իրադարձությունը, որը միջազգային լայն հնչեղություն է ստացել, նշանավորվել է մարմարե հուշատախտակով։

1703 թվականին պալատը դարձել է Լորեդանի ընտանիքի սեփականությունը՝ Ջիրոլամո Կորների դստեր և Ջովանի Բատտիստա Լորեդանի ամուսնության միջոցով։ 1806 թվականին շենքն անցել է Կամպանյա Պեկկանայի կոմսուհու սեփականության տակ և վերածվել հյուրանոցի։ 1867 թվականից այստեղ և հարևանությամբ գտնվող Կա’ Ֆարսետտի շենքում է գտնվում Վենետիկի քաղաքապետարանը[2]։ Վերակառուցումը փոքր-ինչ փոխել է շենքի ներքին հատակագիծը[3]։

Պալացցո Լորեդանն ի սկզբանե բյուզանդա-վենետիկյան ոճով (bizanto-veneto) կառուցված շինություն էր։ Այն Մեծ ջրանցքի այն շենքերից է, որոնք, չնայած վերակառուցումների, պահպանել են իրենց սկզբնական տեսքն ավելի շատ, քան մյուսները։ Պալատի առաջին հարկում գտնվում է Խորհրդի դահլիճը, որտեղ պահվում են Բենեդետտո Կալիարիի, Գրեգորիո Լազցարինիի, Բոնիֆացիո Վերոնեզեի գեղանկարչական աշխատանքները։

Պատկերասրահ

[խմբագրել | խմբագրել կոդը]
  • Կա’ Լորեդան և Կա’ Ֆարսետտի պալացցոները, որտեղ տեղակայված է Վենետիկի քաղաքապետարանը
    Կա’ Լորեդան և Կա’ Ֆարսետտի պալացցոները, որտեղ տեղակայված է Վենետիկի քաղաքապետարանը
  • Հուշատախտակ այն մասին, որ այս շենքում է ծնվել առաջին կին շրջանավարտ Ելենա Կոռնարո Պիսկոպիան
    Հուշատախտակ այն մասին, որ այս շենքում է ծնվել առաջին կին շրջանավարտ Ելենա Կոռնարո Պիսկոպիան
  • Պատմական լուսանկար, 1901 թվական
    Պատմական լուսանկար, 1901 թվական
  • Կա’ Լորեդանը՝ գիշերը
    Կա’ Լորեդանը՝ գիշերը

Տես նաև

[խմբագրել | խմբագրել կոդը]

Ծանոթագրություններ

[խմբագրել | խմբագրել կոդը]
  1. ↑ Zucconi G. Venezia. Guida all' architettura. — Verona, EBS, 1993. — P. 27
  2. ↑ Brusegan, Marcello (2007). La grande guida dei monumenti di Venezia. Rome: Newton & Compton. էջ 87.
  3. ↑ Brusegan М. La grande guida dei monumenti di Venezia. — Roma: Newton & Compton, 2005. — Р. 87

Գրականություն

[խմբագրել | խմբագրել կոդը]
  • Brusegan М. La grande guida dei monumenti di Venezia. — Roma: Newton & Compton, 2005. — ISBN 88-541-0475-2.
  • Guida d’Italia — Venezia. — Milano: Touring Editore, 2007. — ISBN 978-88-365-4347-2.
Վիքիպահեստն ունի նյութեր, որոնք վերաբերում են «Կա’ Լորեդան» հոդվածին։