Կենտրոնական գործադիր կոմիտե (ԽՍՀՄ)

Անվան այլ կիրառումների համար տե՛ս՝ Կենտրոնական գործադիր կոմիտե (այլ կիրառումներ)

Կենտրոնական գործադիր կոմիտե Центральный исполнительный комитет
Տեսակ
Տեսակ	երկպալատ խորհրդարան
Պատմություն
Հիմնադրված	1922
Լուծարված	1938
Հաջորդ	ԽՍՀՄ Գերագույն խորհրդի նախագահություն

Համամիութենական կենտրոնական գործադիր կոմիտե, Կենտգործկոմ (ռուս.՝ Всесоюзный Центральный исполнительный комитет), նախկին Խորհրդային Միության, միութենական և ինքնավար հանրապետությունների պետական իշխանության բարձրագույն մարմին (1917-1936)։ Ունեցել է օրենսդիր, կարգադրիչ, գործադիր և վերահսկիչ ֆունկցիաներ։ Գործել է Խորհուրդների համագումարների միջանկյալ շրջանում և իր գործունեությամբ պատասխանատու եղել համագումարին։

Միութենական և ինքնավար հանրապետությունների Կենտգործկոմներն ընտրվել են համապատասխան խուրհուրդների համագումարներում։

Կազմված է եղել երկու իրավահավասար պալատներից՝ Միութենական սովետ (կազմավորվում էր Խուրհուրդների համամիութենական համագումարում՝ հանրապետությունների ներկայացուցիչներից, ըստ բնակչության թվի, համագումարի սահմանած քանակությամբ) և Ազգությունների խորհուրդ (կազմավորվում էր միութենական և ինքնավար հանրապետությունների (5-ական) և ինքնավար մարզերի (1-ական) ներկայացուցիչներից)։

Բացի Միխայիլ Կալինինից և Գրիգորի Պետրովսկուց, 1938 թվականին (խորհրդային բռնաճնշումների ժամանակ) կենտգործկոմի բոլոր անդամները ձերբակալվեցին և մահապատժի ենթարկվեցին։ Ռեպրեսիաներից խուսափելու համար Ալեքսանդր Չերվյակովը նույնիսկ դիմեց ինքնասպանության։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 378)։