Կլագենֆուրտի քաղաքային թատրոն
 | |
|---|---|
 | |
| Տեսակ | թատրոն և օպերային թատրոն |
| Երկիր |  Ավստրիա[1][2] |
| Գտնվելու վայրը | Կլագենֆուրտ[1][2] |
| Ճարտարապետ | Fellner & Helmer և Հերման Հելմեր |
 Stadttheater Klagenfurt Վիքիպահեստում | |
Կլագենֆուրտի քաղաքային թատրոն (գերմ.՝ Stadttheater Klagenfurt), Ավստրիայի Կարինթիա երկրամասի կենտրոն Կլագենֆուրտի քաղաքային թատրոնը, որի ներկայիս շենքը կառուցվել է 1910 թվականին, Վիեննայի Fellner & Helmer ճարտարապետական գրասենյակի պատրաստած նախագծերի հիման վրա
Պատմություն
[խմբագրել | խմբագրել կոդը]Կլագենֆուրտում առաջին թատրոնը հիմնվել է 1605-ից 1620 թվականների միջև ընկած ժամանակահատվածում՝ որպես Ballhaus, ազնվականների (արիստոկրատների) համար։ Ներկայացումներով այդտեղ հիմնականում հանդես են եկել հյուրախաղերով Վենետիկից Վիեննա շարժվող իտալական թատերախմբեր։ 18-րդ դարի վերջերին թատրոնի դռները բացվել են նաև մտավորականների, զինվորականների, քաղաքացիական պաշտոնյաների, ծառայողների առջև։ 1811 թվականին փայտե շինվածքի փոխարեն կառուցվել է թատրոնի քարե շենք, որին այժմ Altes Theater (Հին թատրոն) են անվանում։ Երբ այն մեծապես վնասվել է, նոր շենքի շինարարության համար նախագծեր են պատվիրել Վիեննայի ճարտարապետական Fellner & Helmer գրասենյակին, որը մինչ այդ արդեն թատրոնի շենքեր էր նախագծել ու կառուցել Գիեսենում և Գաբլոնցում (համապատասխանաբար 1906 թ. և 1907 թ.)[3]: Թատրոնի նոր շենքի շինարարությունն սկսվել է 1908 և ավարտվել 1910 թվականին։ Բացումը համընկել է ավստրիական կայսր Ֆրանց Իոսիֆ Առաջինի ծննդյան 60-ամյակի տոնակատարության հետ, և թատրոնն անվանակոչվել է "Kaiser Franz Joseph I. Jubiläumstheater":
1960-ական թվականների վերջերին, ինչպես նաև 1996-ից 1998 թվականներին (վերջինը՝ ըստ Գյունտեր Դոմենիգի պատրաստած նախագծերի) թատրոնի շենքը վերակառուցվել է, նորացվել։
Կլագենֆուրտի քաղաքային թատրոնը ներկայացումների գեղարվեստական բարձր մակարդակ ապահովելու համար 2003, 2006 և 2011 թվականներին արժանացել է Nestroy-Theaterpreis մրցանակի՝ տարբեր անվանակարգերում։ Թատրոնի մրցանակակիր դերասանների շարքում են Մարտին Կյուշեյը (Martin Kušej), Բեռնդ Լիոպոլդ-Մոսերը (Bernd Liepold-Mosser), Միխաել Մաերտենսը (Michael Maertens), Միխաել Շոտենբերգը 9Michael Schottenberg), Մարտին Ցեհետգրուբերը (Martin Zehetgruber):
Ծանոթագրություններ
[խմբագրել | խմբագրել կոդը]- ↑ 1,0 1,1 Wiki Loves Monuments monuments database — 2017.
- ↑ 2,0 2,1 archINFORM (գերմ.) — 1994.
- ↑ Architekturzentrum Wien: "Ferdinand Fellner II.", (in German), retrieved 30 March 2013
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Կլագենֆուրտի քաղաքային թատրոն» հոդվածին։ |
