Կոկադա

Կոկադա
Latin American cuisine?, իսպանական խոհանոց և Բրազիլիական խոհանոց
ՏեսակՀրուշակեղեն և կոնֆետ
ԵնթատեսակՀրուշակեղեն
Առաջացման երկիրԼատինական Ամերիկա
 Cocada Վիքիպահեստում

Կոկադա, կոկոսի ավանդական կոնֆետներն ու քաղցրավենիքները, որոնք Լատինական Ամերիկայում՝ իսպանախոս երկրներում և Բրազիլիայում, գրեթե ամենուր տարածված են։

Նկարագրություն

[խմբագրել | խմբագրել կոդը]

Կոկադայի հիմնական բաղադրիչը կոկոսի փաթիլներն են, որոնք առավել հաճախ խառնվում են ձվի հետ։ Կոկադաները թխվում են ջեռոցում, բայց մատուցվում են սառը, ինչպես կոնֆետը։ Կոկադաների բազմաթիվ տարբերակներ կան, որոնք խիստ տարբերվում են միմյանցից՝ շատ կոշտից (կոզինախ կամ գրիլյաժ հիշեցնող), մինչև փափուկ և փխրուն։ Տարբերվում են նաև գույնով և համով, ինչը ձեռք է բերվում սննդի գույների, համեմունքների և այլ մրգերի (առավել հաճախ չորացրած) ավելացմամբ։

Չնայած կոկադայի առաջացման ժամանակը և վայրը հստակ հայտնի չեն, սակայն բավականին հին քաղցրավենիք են։ Պերուում, օրինակ, դրանք հիշատակվում են արդեն 1878 թվականին[1], բայց իրականում գոյություն են ունեցել ավելի վաղ։

Տարածաշրջանային սորտեր

[խմբագրել | խմբագրել կոդը]

Կոլումբիայում և Մեքսիկայում կոկադաներ («conserva de coco») վաճառում են ոչ միայն խանութներում, այլև փողոցներում և լողափերում վաճառողները։ Ուրուգվայում տեղական «coquitos»- ը սովորաբար վաճառվում է սրճարաններում և հացաբուլկեղենի խանութներում և ունեն նրբաճաշակ սորտեր, օրինակ՝ կեռասով և բալի ջնարակով։ Բրազիլիայում կոկադաները նույնպես հաճախ վաճառվում են փողոցներում։

Բրազիլիայում կոկադայի տարբերակներից մեկը «այրված կոկադան» է (պորտ.՝ Cocada preta)՝ պատրաստված կարամելացված շագանակագույն շաքարով և մի փոքր այրված կոկոսով։ «Rei da cocada preta» («այրված կոկադայի թագավոր») արտահայտությունը Բրազիլիայում օգտագործվում է անհիմն բարձր ինքնահավանությամբ ամբարտավան մարդուն բնորոշելու համար[2]։

Լատինական Ամերիկայի որոշ երկրներում «կոկադա» բառը կարող է նշանակել նաև կոկոսի զովացուցիչ ըմպելիք։

Պատկերասրահ

[խմբագրել | խմբագրել կոդը]
  • Կոլումբիայում քաղցրավենիքի վաճառասեղանին (ներքևի շարք):
    Կոլումբիայում քաղցրավենիքի վաճառասեղանին (ներքևի շարք):
  • Տարբերակ Կոստա Ռիկայից:
    Տարբերակ Կոստա Ռիկայից:
  • Կոլումբիական կոկադաներ գուավայով և այլ համային հավելումներով:
    Կոլումբիական կոկադաներ գուավայով և այլ համային հավելումներով:
  • Փափուկ շագանակագույն կոկադաներ:
    Փափուկ շագանակագույն կոկադաներ:
  • Բրազիլական կոկադա։
    Բրազիլական կոկադա։
  • Բրազիլական կոկադա․ մեկ այլ տարբերակ։
    Բրազիլական կոկադա․ մեկ այլ տարբերակ։

Ծանոթագրություններ

[խմբագրել | խմբագրել կոդը]
  1. ↑ «Raimondi, A. (1878). Zur physikalischen Geographie von Peru - II. Globus 36: pp. 173-175 стр. 174». Արխիվացված օրիգինալից 2021 թ․ մայիսի 26-ին. Վերցված է 2021 թ․ մայիսի 26-ին.
  2. ↑ ««De onde surgiu a expressão «rei da cocada preta»?»». Արխիվացված օրիգինալից 2018 թ․ հուլիսի 7-ին. Վերցված է 2021 թ․ մայիսի 26-ին.

Գրականություն

[խմբագրել | խմբագրել կոդը]
  • Reichel-Dolmatoff, Gerardo and Reichel-Dolmatoff, Alicia (1961). The people of Aritama: the cultural personality of a Colombian mestizo village. University of Chicago Press, Chicago, стр. 63, OCLC 1488921
  • McCausland-Gallo, Patricia (2004) Раздел «Cocades Costeñas» в книге: Secrets of Colombian Cooking Hippocrene Books, New York, стр. 177, ISBN 0-7818-1025-6