Կոնստանտի Գուրսկի
Կոնստանտի Գուրսկի լեհ.՝ Konstanty Górski | |
|---|---|
 | |
| Ծնվել է | փետրվարի 19, 1868[1][2] |
| Ծննդավայր | Šalčininkai District Municipality, Լիտվա |
| Վախճանվել է | փետրվարի 15, 1934[1][2] (65 տարեկան) |
| Մահվան վայր | Վարշավա, Լեհաստանի Երկրորդ Հանրապետություն[1] |
| Քաղաքացիություն | .svg){kind=small} Լեհաստանի Երկրորդ Հանրապետություն |
| Կրթություն | Մոսկվայի նկարչության, քանդակագործության և ճարտարապետության ուսումնարան |
| Մասնագիտություն | նկարիչ |
| Ժանր | դիմապատկեր |
| Պարգևներ |  և  |
 Konstanty Górski Վիքիպահեստում | |
Կոնստանտի (Կոնստանտին) Գուրսկի (լեհ.՝ Konstanty Górski, փետրվարի 19, 1868[1][2], Šalčininkai District Municipality, Լիտվա - փետրվարի 15, 1934[1][2], Վարշավա, Լեհաստանի Երկրորդ Հանրապետություն[1]), լեհ նկարիչ։
Կենսագրություն
[խմբագրել | խմբագրել կոդը]
Սովորել է Վիլնոյում՝ Նկարչական դպրոցում, Իվան Տրուտնևի մոտ։ 1887 թվականին ավարտել է Մոսկվայի գեղանկարչության, քանդակագործության և ճարտարապետության ուսումնարանը և ընդունվել Սանկտ Պետերբուրգի կայսերական գեղարվեստի ակադեմիա։ Եղել է Բոգդան Վիլևալդեի աշակերտը։
1890 թվականին «Մերկ տղամարդը» նկարի համար արժանացել է ակադեմիայի Մեծ ոսկե մեդալի։ Ռուսաստանում ուսումն ավարտելուց հետո Գուրսկին ուսումը շարունակել է Մյունխենում, Փարիզում և Իտալիայում։ 1895 թվականին բնակություն է հաստատել Վարշավայում և մասնակցել գործող գեղարվեստական միությունների գործունեությանը։ 1900 թվականին դարձել է Վարշավայի գեղարվեստական միության խորհրդի անդամ։ Առաջին համաշխարհային պատերազմի տարիներին բնակվել է Մոսկվայում, որտեղ ակտիվորեն մասնակցել է լեհական սփյուռքի մշակութային կյանքին։ 1919 թվականին վերադարձել է Վարշավա։ Դասավանդել է, եղել է Վարշավայի գեղարվեստի միության կազմակերպիչներից մեկը, իսկ ավելի ուշ՝ փոխնախագահը։
1897 թվականին առաջին անգամ ցուցադրել է իր աշխատանքները Արվեստների խրախուսման միությունում, իսկ հետագա տարիներին մասնակցել է հասարակության կողմից կազմակերպված ցուցահանդեսների մեծամասնությանը։ Նրա աշխատանքները ներկայացվել են 1900 թվականին։ Գուրսկու կտավները ցուցադրվել են Պոզնանում, Վարշավայում, 1900 թվականին՝ Փարիզի համաշխարհային ցուցահանդեսում, 1914 թվականին՝ Վիլնոյում։ Նրա ստեղծագործություններից շատերն արժանացել են մեդալների։ Ինքը՝ Գուրսկին, պարգևատրվել է Պատվո լեգեոնի շքանշանով (Ֆրանսիա) և «Վաստակի համար» խաչով (Ավստրիա)՝ արտերկրում ցուցահանդեսներ կազմակերպելու գործում իր բարեգործական գործունեության համար։ 1922, 1930, 1933 թվականներին կազմակերպել է անհատական ցուցահանդեսներ։ 1937 թվականին տեղի է ունեցել Կոնստանտին Գուրսկու ստեղծագործությունների հետմահու ցուցահանդեսը[4]։
Ստեղծագործական ուղի
[խմբագրել | խմբագրել կոդը]Գուրսկին եղել է դիմանկարիչ, ռեալիզմի ներկայացուցիչ լեհական արվեստում։ Նկարել է քաղաքական գործիչների, գիտնականների, արիստոկրատների դիմանկարներ։ Դիմանկարը նկարելիս օգտագործել է հոգեբանական վերլուծություն։ Ներկայացուցչական դիմանկարներում հաճախ սահմանափակվել է բնատիպարի հետ արտաքին նմանությամբ։
Բացի այդ, ստեղծել է մի շարք պատմական նկարներ, հայրենասիրական թեմաներով նկարներ, բնանկարներ։ Եղել է նաև ծաղրանկարիչ (Ադամ Միցկևիչ, Յուլիուշ Սլովացկի, Հենրիկ Սենկևիչ, Վացլավ Սերոշևսկի, Մարիա Ռոձևիչ և այլն) և գրքերի ու ամսագրերի նշանավոր նկարազարդող։ Նկարազարդել է Գեբետների և Վոլֆի կողմից հրատարակված երեխաների և երիտասարդների համար նախատեսված գրքեր։
Նկարչի աշխատանքները հրապարակվել են «Tygodnik Ilustrowany», «Tygodnik Polski», «Biesiada Literacka» և «Wedrowiec» ամսագրերի էջերում։
Պարգևներ
[խմբագրել | խմբագրել կոդը]- Պատվո լեգեոնի շքանշան
- «Վաստակի համար» խաչ (Ավստրիա)
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 1,5 1,6 1,7 RKDartists (նիդերլ.)
- ↑ 2,0 2,1 2,2 2,3 2,4 Sejm-Wielki.pl (польск.) — 2002.
- ↑ Konstanty GORSKI, "Rugi pruskie", 1915
- ↑ Konstanty Gorski - malarz z Kazimierzowa
 | Վիքիպահեստն ունի նյութեր, որոնք վերաբերում են «Կոնստանտի Գուրսկի» հոդվածին։ |
| ||||||||||||
