Կրոնը Բելգիայում





Բելգիայի կրոնը      Կաթոլիկներ (58%)     Այլ քրիստոնյաներ (7%)     Մուսուլմաններ (5%)     Այլ կրոններ (2%)     Աթեիստներ (27%)     Չեն պատասխանել (1%)     Other (0%)

Eurobarometer-ի հարցման համաձայն 2005 թվականի տվյալներով Բելգիայի թագավորության բնակչության 43 %-ը հավատում է Աստծուն[1]։

Բելգիայի թագավորության սահմանադրությունը երաշխավորում է կրոնի դավանանքի ազատությունը։

Բելգիայում գերակշռող դավանանքը Հռոմեական կաթոլիկ եկեղեցին է։ Այլ կրոնների և դավանանքների շարքում խոշորներն են Անգլիկան եկեղեցին, բողոքականությունը, իսլամը և հուդայականությունը։

Գոյություն ունի կրոնների (դավանանքների) պետական ֆինանսավորման ծրագիր։ Ամեն տարի Բելգիայի կառավարությունը հիմնական կրոններին տրամադրում է 140 մլն եվրո։ Այդ գումարի 85.5 %-ը գնում են կաթոլիկության դավանանքի աջակցությանը, 8 %-ը՝ կազմակերպված աշխարհիկության վրա, 2,5 %-ը՝ բողոքական և ավետարանչական դավանանքին, իսկ 2,1 %-ը՝ իսլամական։ Գումարի մնացյալ հատվածը հավասարապես կիսվում է ուղղափառների, հուդայականների և անգլիկանների միջև։

Կրոնական կազմակերպություններ

[խմբագրել | խմբագրել կոդը]

Բելգիայում գործում են ճանաչված և ոչ ճանաչված կրոնական միավորումներ։ Պետական սուբսիդավորում ունեցող ճանաչված կրոնական կազմակերպություններն են.

  1. բողոքականներ՝
    1. Բելգիայի Միացյալ բողոքական եկեղեցին,
    2. Բելգիայի միսիոներական քրիստոնեական եկեղեցին,
    3. մեթոդիստները,
    4. անգլիկանները,
    5. Յոթերորդ օրվա ադվենտիստները,
  2. ուղղափառները
    1. (Ռուս Ուղղափառ եկեղեցու Մոսկվայի պատրիարքարան,
    2. Կոստանդնուպոլսի պատրիարքարան,
    3. սերբական և ռումինական ուղղափառ եկեղեցիներ,
  3. իսլամական կազմակերպություններ,
  4. հրեական համայնքները[2]։

Քրիստոնեություն

[խմբագրել | խմբագրել կոդը]

Կաթոլիկ եկեղեցի

[խմբագրել | խմբագրել կոդը]
Սովորական կաթոլիկ եկեղեցի ֆլամանդական գյուղում
Ս. Մարթինի և Ադելեի եկեղեցին Բելգիայի Վալոնիայի Օր-Ժոշում

Բելգիայի բնակչության մոտ 76 %-ը համարում է իրեն կաթոլիկ, սակայն ակտիվ ծխականները բնակչության միայն 8 %-ն են։ Բելգիայում հաշվվում է կաթոլիկ եկեղեցու 3 946 ծխական համայնք։

Բողաքական եկեղեցի

[խմբագրել | խմբագրել կոդը]

Բելգիայում խոշորագույն բողոքական կազմակերպությունը «Բողոքական և ավետարանչական դավանանքի վարչական խորհուրդն» է։ Այդ կազմակերպությունը ստեղծվել է 2002 թվականին Բելգիայի երկու խոշորագույն բողոքական եկեղեցիների՝ Բելգիայի բողոքական միացյալ եկեղեցու և Բողոքական և ավետարանչական եկեղեցիների դաշնային սինոդի միավորումից։

«Բողոքական և ավետարանչական դավանանքի վարչական խորհուրդն» իրենից ներկայացնում է վարչական համագործակցության կառուցվածքը Բելգիայի բողոքական միացյալ եկեղեցու և Բողոքական և ավետարանչաական եկեղեցիների դաշնային սինոդի միջև։

Վարչական խորհուրդի գլխավոր առաքելությունը քաղաքացիական իշխանությունների հետ միացյալ ներկայացուցչությունն է։

Իսլամ

[խմբագրել | խմբագրել կոդը]

Իսլամը Բելգիայում երկրորդ ամենատարածված կրոնն է։ Տարբեր տվյալներով երկրում ապրում է 450-ից մինչև 600 հազար մուսուլման բնակիչ, որոնք կազմում են թագավորության ընդհանուր բնակչության 5-ից 6 %-ը։ Մուսուլմանների մեծ կենտրոնացումը նկատվում է Բրյուսելում (մոտ 22 %).

Հուդայականություն

[խմբագրել | խմբագրել կոդը]

Բելգիայում ապրում է մոտ 40 հազար հրեա, գործում են 45 ժողովարան։

Ծանոթագրություններ

[խմբագրել | խմբագրել կոդը]
  1. ↑ http://ec.europa.eu/public_opinion/archives/ebs/ebs_225_report_en.pdf
  2. ↑ «Արխիվացված պատճենը». Արխիվացված է օրիգինալից 2019 թ․ օգոստոսի 4-ին. Վերցված է 2018 թ․ հուլիսի 8-ին.

Արտաքին հղումներ

[խմբագրել | խմբագրել կոդը]