Հարավային ափ (Քուինսլենդ)

Հարավային ափ (անգլ.՝ South Bank, Queensland), մշակութային, կրթական, հանգստի տարածք Ավստրալիայի Քվինսլենդ նահանգի Բրիսբեն քաղաքում։ Տարածքը գտնվում է Բրիսբենի հարավային մասում՝ Բրիսբեն գետի հարավային ափին։

Տեսարժան վայրեր

Հարավային ափի զբոսավայր

Հարավային ափի զբոսավայրը ստեղծվել է Համաշխարհային Expo 88-ի տեղում և համարվում է Բրիսբոնի տուրիստական գրավչության վայրերից մեկը^[1]։

Գրեյ և Սթենլի փողոցներ

Գրեյ և Սթենլի փողոցներում են գտնվում ամենահայտնի ռեստորաններն ու նորաձևության խանութները^[2]^[3]։ Գրեյ փողոցում են գտնվում Հարավային ափի կինոթատրոնները և երկու 5-աստղանի հյուրանոցները^[4]։

Բրիսբենի համաժողվների և ցուցահանդեսների կենտրոն

Բրիսբենի համաժողվների և ցուցահանդեսների կենտրոնը բաղկացած է 44 տարածքներից, որոնցից 4-ը ցուցահանդեսային տարածքներ են և զբաղեցնում են 20,000 մ² մակերես^[5]։ Այս տարածքը ստացել է 126 արդյունաբերական մրցանակներ և համարվում է Ավստրալիայում ամենաշատ մրցանակներ ստացած կենտրոնը^[6]։ Այն համարվել է նոր աշխարհի առաջատար 3 համաժողովների կենտրոններից մեկը^[7]։ 2014 թվականի նոյեմբերին այստեղ է տեղի ունեցել G20 առաջնորդների գագաթնաժողովը։

Քուինսլենդի ծովային թանգարան

Քուինսլենդի ծովային թանգարանը գտնվում է Գուդվիլ կամրջի հարևանությամբ։ Այն ունի ցուցահանդեսային շենք, գրադարան, չոր տախտակամած, փարոս։

Քուինսլենդի մշակութային կենտրոն

Քուինսլենդի մշակութային կենտրոնը բաղկացած է՝

Քուինսլենդի կատարողական արվեստի կենտրոնից
Քուինսլենդի թանգարան և գիտական կենտրոնից
Քուինսլենդի պատկերասրահից
Քուինսլենդի ժամանակակից արվեստի սրահից
Քուինսլենդի պետական գրադարանից

Գրիֆիթ համալսարան

Գրիֆիթ համալսարանը Հարավային ափում ունի երեք կամպուս՝

Գրիֆիթ համալսարանի կոնսերվատորիա, որն ներառում է Քուինսլենդի օպերան
Գրիֆիթ համալսարանի կինոդպրոց
Գրիֆիթ համալսարանի արվեստի քոլեջ

Տրանսպորտ

Լաստանավեր- CityCat և Cityferry Բրիսբեն գետի հարավային ափին
Ավտոբուսներ - Հարավային ափի կայարանից Մշակութային կենտրոնի կայարան
Գնացքներ - Հարավային ափի երկաթուղային կայարանից Բրիսբենի երկաթուղային կայարան