Հովարդ էլիս
Հովարդ էլիս անգլ.՝ Howard Sylvester Ellis | |
|---|---|
| Ծնվել է | հուլիսի 2, 1898[1] Դենվեր, ԱՄՆ |
| Մահացել է | ապրիլի 15, 1992 (93 տարեկան) Capitola, Սանտա Կրուս շրջան, Կալիֆոռնիա, ԱՄՆ |
| Քաղաքացիություն |  ԱՄՆ |
| Մասնագիտություն | տնտեսագետ |
| Հաստատություն(ներ) | Կալիֆոռնիայի համալսարան, Բերքլի |
| Պաշտոն(ներ) | նախագահ |
| Ալմա մատեր | Այովա նահանգի համալսարան, Միչիգանի համալսարան, Այովայի համալսարան և Հարվարդի համալսարան |
| Տիրապետում է լեզուներին | անգլերեն[2] |
| Գիտական ղեկավար | Ֆրենկ Թաուսիգ[3] |
| Եղել է գիտական ղեկավար | Alvin Marty?, Roger Frederick Miller?[3], Markos Mamalakis?[3], Erskine Williams McKinley?[3] և Richard E. Towey?[3] |
Հովարդ Սիլվեստր Էլիս (անգլ.՝ Howard Sylvester Ellis, հուլիսի 2, 1898[1], Դենվեր, ԱՄՆ - ապրիլի 15, 1992, Capitola, Սանտա Կրուս շրջան, Կալիֆոռնիա, ԱՄՆ), ամերիկացի տնտեսագետ, Կալիֆոռնիայի համալսարանի տնտեսագիտության վաստակավոր պրոֆեսոր, 1949 թվականին Ամերիկյան տնտեսական ասոցիացիայի նախագահ, 1953-1955 թվականներին Միջազգային տնտեսական ասոցիացիայի նախագահ։
Կենսագրություն
[խմբագրել | խմբագրել կոդը]Հովարդը ծնվել է 1898 թվականի հուլիսի 2-ին Կոլորադո նահանգի Դենվեր քաղաքում, Սիլվեստր Էլդոնի և Նելլի Բլանշ (Յանգ) Էլիսի ընտանիքում[4]։
1920 թվականին Էլիսը բակալավրի աստիճան է ստացել Այովա նահանգի համալսարանում, 1922 թվականին՝ Միչիգանի համալսարանում, 1924 թվականին՝ մագիստրոսի աստիճան և 1929 թվականին՝ դոկտորի աստիճան Հարվարդի համալսարանում[5]։ 1924-1925 թվականներին սովորել է Հայդելբերգի համալսարանում, իսկ 1925-1927 թվականներին սովորել է Վիեննայի համալսարանում։
Դասախոսական գործունեությունը սկսել է 1920-1922 թվականներին Անն Արբորի Միչիգանի համալսարանում որպես տնտեսագիտության դասախոս։ 1925-1929 թվականներին դասավանդել է որպես պրոֆեսորի ասիստենտ, 1935-1937 թվականներին՝ ասոցացված պրոֆեսոր, իսկ 1935-1938 թվականներին՝ լրիվ պրոֆեսոր։ 1938-1992 թվականներին Կալիֆոռնիայի համալսարանում եղել է տնտեսագիտության պրոֆեսոր։ 1965 թվականին հրաժարական է տվել՝ դառնալով Կալիֆորնիայի համալսարանի տնտեսագիտության վաստակավոր պրոֆեսոր[5]։
1943-1946 թվականներին եղել է Դաշնային պահուստային համակարգի կառավարիչների խորհրդի հետազոտությունների և վիճակագրության տնօրենի տեղակալ։ 1944-1945 թվականներին և 1949 թվականին Կոլումբիայի համալսարանում տնտեսագիտության պրոֆեսոր էր, իսկ 1951 թվականին՝ Տոկիոյի համալսարանում, 1958-1959 թվականներին՝ Մումբայի համալսարանում։ 1949-1950 թվականներին եղել է Մարշալի պլանի ուսումնասիրման միջազգային հարաբերությունների խորհրդի նախագծի տնօրեն, 1952-1953 թվականներին՝ ԱՄՆ-ի Պետական դեպարտամենտի տնտեսական խորհրդատու։ 1960 թվականին՝ ՄԱԿ-ի Լատինական Ամերիկայի կրթության հարցերով մասնագետ։ 1963 թվականին՝ Աթենքի տնտեսական հետազոտությունների կենտրոնի պրոֆեսոր[5]։
1951 թվականին Միչիգանի համալսարանը և Բերքլիի Կալիֆորնիայի համալսարանը Հովարդ Էլիսին շնորհել են իրավունքի դոկտորի պատվավոր կոչում[6]։ 1949 թվականին եղել է Ամերիկյան տնտեսական ասոցիացիայի անդամ և նախագահ, 1953-1956 թվականներին՝ նախագահ և 1956-1962 թվականներին՝ գործադիր կոմիտեի անդամ, Միջազգային տնտեսական ասոցիացիայի պատվավոր նախագահ, Թագավորական տնտեսական ընկերության անդամ, Պֆի Բետա Կապա ընկերության անդամ[4]։
Ընտանիք
[խմբագրել | խմբագրել կոդը]Հովարդ Էլիսն ամուսնացել է 1935 թվականի հուլիսին Հերմինա Ջոան Հոերլեսբերգերի հետ, ունեցել են երկու դուստ՝ Դորոտի Մարգարեթը և Մարթա Ժոզեֆինան[4]։
Մրցանակներ
[խմբագրել | խմբագրել կոդը]Էլլիսն իր նվաճումների համար պարգևատրվել է[5]՝
- 1923 թվական - Ռիկարդո կրթաթոշակ Հարվարդի համալսարանից իր էսսեների համար,
- 1924 թվական - Ֆեդերիկ Շելդոն կրթաթոշակ Հարվարդի համալսարանից 1924-1925 թվականների ընթացքում,
- 1930 թվական - Դեյվիդ Ուելսի մրցանակ Հարվարդի համալսարանի հրատարակչությունում դոկտորական ատենախոսության հրապարակման համար,
- 1933 թվական - Խորհրդի սոցիոլոգիական հետազոտությունների կրթաթոշակ 1933-1935 թվականների ընթացքում։
Մատենագրություն
[խմբագրել | խմբագրել կոդը]- Ellis H.S. Exchange control in Germany — Cambridge, Mass.: Harvard university press, 1910
- Ellis H.S. French and German investments in China — Honolulu, The Institute of Pacific relations, 1929
- Ellis H.S. Selected references on the current economic situation — Ann Arbor: University of Michigan, 1932
- Ellis H.S., Fellner W. External economies and diseconomies// The American Economic Review, vol.30, No 3, September 1943, pp. 493–511
- Ellis H.S. The Economics of Freedom: the Progress and Future of Aid to Europe, 1950
- Ellis H.S. Survey of contemporary economics — Homewood, Ill.: R.D. Irwin, 1952
- Ellis H.S. Industrial capital in Greek development, Center of Economic Research,1964
Ծանոթագրություններ
[խմբագրել | խմբագրել կոդը]- ↑ 1,0 1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ CONOR.Sl
- ↑ 3,0 3,1 3,2 3,3 3,4 Mathematics Genealogy Project — 1997.
- ↑ 4,0 4,1 4,2 Prabook.com Howard Sylvester Ellis.
- ↑ 5,0 5,1 5,2 5,3 Break G.F., Letiche J.M. Howard Sylvester Ellis, Economics: Berkeley // The Regents of The University of California.
- ↑ University of Michigan Honorary Degree. Архивировано из первоисточника 17 Սեպտեմբերի 2016.
| ||||||||||||
