Ղավամ տուն
Ղավամ տուն | |
|---|---|
 | |
| Տեսակ | Պարսկական այգիներ և մշակութային արժեք |
| Երկիր |  Իրան[1] |
| Տեղագրություն | Շիրազ |
| Վայր | Շիրազ |
| Կազմված է | Office Building (Qavam Garden)? և Քավամ տաղավար |
 | |
 | |
Ղավամ տուն (պարս.՝ باغ نارنجستان قوام, լայնորեն հայտնի է նաև "Նարենջեստան-է Ղավամ" անունով), ավանդական և պատմական տուն Շիրազում, Իրանում։ Գտնվում է Խան Մեդրեսեի մոտակայքում, կարելի է հասնել ոտքով։
Կառուցվել է 1879-1886 թվականների ընթացքում[2], Միրզա Իբրահիմ Խանի կողմից։ Ղավամ ընտանիքն առևտրականների ընտանիք էր Ղազվինից, սակայն շուտով նրանք սկսել են ակտիվորեն ներգրավվել քաղաղաքակության մեջ Ղաջարիների դինաստիային հաջորդած Զանդ դինաստիայի, ինչպես նաև` Փահլավիների ժամանակ։
Ղավամ տունը պահպանում է այն նրբագեղությունն ու մաքրությունը, որը վայելում էին բարձր դասի ընտանիքները 19-րդ դարում։ Տան ցածր առաստաղների նկարները ոգեշնչված են եվրոպական Վիկտորյական դարաշրջանից։
Հայելապատ մուտքը տան գլխավոր կետն էր, որը նայում էր շատրվաններով, արմավենիներով և ծաղիկներով զարդարված փոքրիկ այգուն։
Փահլավինների երկրորդ դարաշրջանի ընթացքում Տունը դարձել է Շիրազի համալսարանի Ասիայի ինստիտուտի գլխամասը, որը ղեկավարվում էր Արթուր Ուֆամ Փոուփի և Ռիչարդ Նելսոն Ֆրայի կողմից։ Ֆրայն ու իր ընտանիքը ևս որոշ ժամանակ ապրել են այս տանը։
Տունն այսօր թանգարան է և բաց է հանրության համար։
Ճարտարապետություն
[խմբագրել | խմբագրել կոդը]Նանենջեստանի այգին Պարսկական շքեղ այգիների օրինակ է։ Պարսկական այգիները սովորաբար ուղղանկյուն ձև ունեն և կազմված են ծառերով ու ծաղիկներով, ծառուղիներով, շատրվաններով, կենտրոնական տաղավարով հագեցած չորս մասերից, որոնք բոլորը շրջապատված են պատերով։ Համալիրը բաղկացած է երկու մասից` հյուսիսային և հարավային թևերից։ Այն կառուցվել է Շիրազի արհեստավորների կողմից 3500 քմ տարածքի վրա, շինության զբաղեցրած ընդհանուր տարածքը 940 քմ է։
Շենքը բակից երկու մետր բարձրության վրա է և հիմնականում կառուցված է աղյուսով։ Այն ընտիր ճարտարապետություն ունի` զարդարված պարսկական տարբեր արվեստներով, ինչպիսիք են նկարները, ստուկկոն, փայտագրությունը, քարագրությունը, հայելային աշխատանքը։ Մուտքը քարից է, պատերին և առաստաղին ճոխ ձևավորմամբ։ Մուտքի երկու կողմերում համաչափ զարդարված սենյակներ են։ Շինության դիմաց բացի լողավազանից կան նաև պարսկական այգիներին հատուկ ոճով խնամված նարնջենիներ և ամրավենիներ։ Հուշարձանի հիմքում գունավոր ապակիներ են ցուցադրված։
Պատկերասրահ
[խմբագրել | խմբագրել կոդը]-
Բակի և շինության տեսքը գարնանը -
Տան ներքին հարդարանքը -
Տան ներքին հարդարանքը -
Այգու տեսարանը տնից -
Որմնանկար շենքի ճակատային մասում -
Տան լողավազանը և ֆասադը
