Մահվաշ

Մահվաշ;
Ծնվել է	1921
Ծննդավայր	Բորուջերդ, Իրան
Մահացել է	հունվարի 15, 1961
Մահվան վայր	Թեհրան, Իրան
Գերեզման	Ibn Babawayh Cemetery
Քաղաքացիություն	Իրան
Մասնագիտություն	երգչուհի, պարուհի, կաբարե արտիստ, դերասանուհի և կինոդերասանուհի
	Mahvash Վիքիպահեստում

Մահվաշ (պարսկերեն՝ مهوش), ծնյալ Մասումե Ազիզի Բորուջերդի (պարսկերեն՝معصومه عزيزى بروجردى),1921, Բորուջերդ, Իրան - հունվարի 15, 1961(1961-01-15), Թեհրան, Իրան), 20-րդ դարի իրանցի երգչուհի, պարուհի, դերասանուհի^[1]։ Աղքատ ընտանիքի զավակ լինելով՝ 1950-ական թվականներին հասել է ժողովրդական լայն ճանաչման, համբավվել որպես ժողովրդի սիրելի երգիչ ու դերասան^[2]։

Կենսագրություն

Մահվաշը ծնվել է Իրանի Բորուջերդ ավանում, չքավոր ընտանիքում։ Պարմանուհի է եղել, երբ նրանց ընտանիքը տեղափոխվել է Թեհրան։ Մայրը երիտասարդ հասակում մահացել է, և, ինչպես գրում են որոշ հեղինակներ, աղջիկն ստիպված է եղել մարմնավաճառությամբ զբաղվել Թեհրանի Շահր-է-Նով շրջանի հասարակաց տներում^[3], հետո սկսել է ելույթներ ունենալ կաբարեներում, ռեստորաններում, սրճարաններում, աշխատավոր մարդկանց համակրանքին ու աջակցությանն է արժանացել։ Նրա կենսագրության այս շրջանի մասին տեղեկություններն անորոշ են, հստակ չէ, թե ինչ կատարումներով է հանդես եկել և որտեղ^[3]։ Առավել տարածված է այն տեսակետը, որ համարձակ երգեր է կատարել, ընդ որում՝ նաև ռադիոյով ու կինոնկարներում^[4], երգել է հասարակ մարդկանց հոգսերի ու ցավերի, դժվարությունների ու դժբախտությունների մասին, որոնք իրեն էլ էին քաջ ծանոթ^[1]։ Եվ հաճախ է պատահել, երբ արտիստուհու կատարումների ժամանակ հանդիսականները ձայնակցել են նրան^[4], ոգևորել։

1957 թվականին Մահվաշը լույս է ընծայել, իր խոսքերով ասած՝ ինքնակենսագրական մի գիրք, որ վերնագրել է «Սեռական կատարումների գաղտնիքներ» (Persian: Raz-e Kamyabi-ye Jensi); Դա ավելին է, քան սեքսի ձեռնարկ, պարունակում է նաև հեղինակի՝ լողազգեստով նկարներ և պատահական չէ, որ լայնորեն տարածվել է երկրով մեկ, չնայած 1960 թվականի հունիսին Մահվաշը հալածանքների է ենթարկվել այդ գրքի պատճառով^[4]։

1961 թվականին արտիստուհին ավտովթարի զոհ է դարձել; Նրա հուղարկավորությանը, որ ամենաբազմամարդն է եղել այն ժամանակներում, հազարավոր իրանցիներ են մասնակցել^[2]։ Ու թեև կրոնավոր ղեկավարությունն սկզբնապես դեմ է եղել մուսուլմանների գերեզմանոցում նրան թաղելուն (հայտարարում էին, որ նա «անմաքուր», «անողջամիտ» է եղել^[4]), բայց հուղարկավորների բազմությունը տեսնելով՝ ստիպված է եղել նահանջել ու զիջել^[4]։ Մահվուշը թաղվել է Թեհրանի Իբն Բաբավեյ գերեզմանատանը։

Ֆիլմագրություն

Դերերի կատարում

1956, Արևը շողում է, ռեժիսոր՝ Սարդար Սաքեր^[4]
1956, Լեյլա և Մեջնուն (պարսկերեն՝ Leyli va Majnun), ռեժիսոր՝ Ալի-Մոհամադ Նուրբախշ^[5]
1959, Սպահանի դուստրը
1959, Երեք եղբայրների համար՝ երկու հարսնացու (պարսկերեն՝ Do arus baraye se baradar), ռեժիսոր՝ Ռզա Աբդի^[5]
1961, Որն է տարբերությունը (պարսկերեն՝ Ki Be Kiyeh), with director Reza Karimi^[5]

Երգերի կատարում

1962, Կորած ծաղիկը, (Մահվաշն այդտեղ նաև պարեր է կատարում), ռեժիսոր՝ Աբաս Շաբավիզ^[5]

Ծանոթագրություններ

↑ ^1,0 ^1,1 Matthee, Rudolph (Rudi); Baron, Beth (2000). «Iran and Beyond: Essays in Middle Eastern History in Honor of Nikki R. Keddie». “Voices Unveiled: Women Singers in Modern Iran,” Chehabi, Houchang E. Costa Mesa, Calif.: Mazda Publishing. ISBN 1-56859-099-7. Վերցված է 2014 թ․ հոկտեմբերի 17-ին. {{cite journal}}: Cite journal requires |journal= (օգնություն)
↑ ^2,0 ^2,1 «Big Girl, Iran's Mahvash». Six Pillars. 2013 թ․ ապրիլի 24. Վերցված է 2014 թ․ հոկտեմբերի 17-ին.
↑ ^3,0 ^3,1 Breyley, GJ; Fatemi, Sasan (2015). Iranian Music and Popular Entertainment: From Motrebi to Losanjelesi and Beyond. Routledge. ISBN 1317336798.
↑ ^4,0 ^4,1 ^4,2 ^4,3 ^4,4 ^4,5 Naficy, Hamid (Sep 16, 2011). A Social History of Iranian Cinema, Volume 2: The Industrializing Years, 1941–1978. United States: Duke University Press. ISBN 0822347741.
↑ ^5,0 ^5,1 ^5,2 ^5,3 «Mahvash». Soureh Cinema. SourehCinema.com. 2013. Արխիվացված է օրիգինալից 2020-08-05-ին. Վերցված է 2014 թ․ հոկտեմբերի 17-ին.

Արտաքին հղումներ

Վիքիպահեստն ունի նյութեր, որոնք վերաբերում են «Մահվաշ» հոդվածին։

[:02-1] 1,0 ^1,1 Matthee, Rudolph (Rudi); Baron, Beth (2000). «Iran and Beyond: Essays in Middle Eastern History in Honor of Nikki R. Keddie». “Voices Unveiled: Women Singers in Modern Iran,” Chehabi, Houchang E. Costa Mesa, Calif.: Mazda Publishing. ISBN 1-56859-099-7. Վերցված է 2014 թ․ հոկտեմբերի 17-ին. {{cite journal}}: Cite journal requires |journal= (օգնություն)

[:222-2] 2,0 ^2,1 «Big Girl, Iran's Mahvash». Six Pillars. 2013 թ․ ապրիլի 24. Վերցված է 2014 թ․ հոկտեմբերի 17-ին.

[:0-3] 3,0 ^3,1 Breyley, GJ; Fatemi, Sasan (2015). Iranian Music and Popular Entertainment: From Motrebi to Losanjelesi and Beyond. Routledge. ISBN 1317336798.

[:1-4] 4,0 ^4,1 ^4,2 ^4,3 ^4,4 ^4,5 Naficy, Hamid (Sep 16, 2011). A Social History of Iranian Cinema, Volume 2: The Industrializing Years, 1941–1978. United States: Duke University Press. ISBN 0822347741.

[:3-5] 5,0 ^5,1 ^5,2 ^5,3 «Mahvash». Soureh Cinema. SourehCinema.com. 2013. Արխիվացված է օրիգինալից 2020-08-05-ին. Վերցված է 2014 թ․ հոկտեմբերի 17-ին.

[1]

[2]

[3]

[4]

[5]