Մարիա Տոլկաչյովա

Մարիա Տոլկաչյովա
Անձնական տեղեկություն
Սեռ՝	իգական
Մասնագիտացում՝	գեղարվեստական մարմնամարզություն
Երկիր՝	Ռուսաստան
Ծննդյան ամսաթիվ՝	օգոստոսի 8, 1997(1997-08-08) (27 տարեկան)
Ծննդավայր՝	Ժուկովսկի, Մոսկվայի մարզ, Ռուսաստան
Մարզիչ(ներ)՝	Իրինա Վիներ
Հասակ՝	175 սմ
Քաշ՝	50 կգ
Պարգևներ Օլիմպիական խաղեր Ոսկի Ռիո դե Ժանեյրո 2016 բազմ․ (խմբեր) Աշխարհի առաջնություն Ոսկի Իզմիր 2014 3 գնդակ + 2 ժապավեն Ոսկի Շտուտգարտ 2015 բազմ․ (խմբեր) Արծաթ Շտուտգարտ 2015 5 ժապավեն Ոսկի Շտուտգարտ 2015 6 գուրզ + 2 օղակ Ոսկի Պեզարո 2017 բազմ․ (խմբեր) Արծաթ Պեզարո 2017 5 օղակ Ոսկի Պեզարո 2017 3 գնդակ + 2 պարան Ոսկի Սոֆիա 2018 բազմ․ (խմբեր) Արծաթ Սոֆիա 2018 3 գնդակ + 2 պարան Ոսկի Բաքու 2019 բազմ․ (խմբեր) Արծաթ Բաքու 2019 5 գնդակ Ոսկի Բաքու 2019 3 օղակ + 4 գուրզ Եվրոպայի առաջնություն Ոսկի Բաքու 2014 բազմ․ (խմբեր) Արծաթ Բաքու 2014 10 գուրզ Ոսկի Բաքու 2014 3 գնդակ + 2 ժապավեն Ոսկի Հոլոն 2016 բազմ․ (խմբեր) Ոսկի Գվադալախարա 2018 թիմ Ոսկի Գվադալախարա 2018 բազմ․ (խմբեր) Բրոնզ Գվադալախարա 2018 5 օղակ Եվրոպական խաղեր Ոսկի Բաքու 2015 բազմ․ (խմբեր) Ոսկի Բաքու 2015 5 ժապավեն Ոսկի Մինսկ 2019 5 գնդակ (խմբեր) Բրոնզ Մինսկ 2019 բազմ․ (խմբեր)

Մարիա Յուրևնա Տոլկաչյովա (ռուս.՝ Мария Юрьевна Толкачёва, օգոստոսի 8, 1997(1997-08-08), Ժուկովսկի, Մոսկվայի մարզ, Ռուսաստան), ռուս մարմնամարզուհի, օլիմպիական չեմպիոն խմբային վարժություններում (2016), աշխարհի յոթակի, Եվրոպայի հնգակի և Եվրոպական խաղերի եռակի չեմպիոն։ Ռուսաստանի Դաշնության սպորտի վաստակավոր վարպետ^[1]։

Կարիերա

Մարիա Տոլկաչյովան ծնվել է 1997 թվականի օգոստոսի 8-ին Մոսկվայի մարզի Ժուկովսկի քաղաքում։ Գեղարվեստական մարմնամարզությամբ զբաղվել սկսել է Օրեխովո-Զուևոյի մարզադպրոցում՝ Վալենտինա Կռիլովայի մոտ։ 2007 թվականին տեղափոխվել է Ժուկովսկի քաղաքի «Մետեոր» օլիմպիական ռեզերվի մանկապատանեկան մարզադպրոց՝ մարզիչ Տատյանա Գոլովինայի մոտ։ 2012 թվականին սկսել է մարզվել Աննա Դյաչենկոյի մոտ Օլիմպիական նախապատրաստման կենտրոնում։

2014 թվականին Մարիա Տոլկաչյովան դարձել է Եվրոպայի և աշխարհի չեմպիոն խմբային վարժություններում։

2015 թվականին դարձել է Եվրոպական I խաղերի երկակի չեմպիոն (խմբային և 5 ժապավեններով վարժություններ), ապա նվաճել երկու ոսկե (բազմամարտ և գորզերով/օղակներով վարժություններ) և մեկ արծաթե (ժապավեններով վարժություններ) մեդալներ Շտուտգարտում անցկացվող աշխարհի առաջնությունուն՝ ստանալով արտոնագիր 2016 թվականին Ռիո դե Ժանեյրոյում անցկացվելիք Ամառային օլիմպիական խաղերին մասնակցելու համար։

2016 թվականին Մարիա Տոլկաչյովան հաղթել է Հոլոնում անցկացվող Եվրոպայի առաջնությունում, ինչպես նաև դարձել օլիմպիական չեմպիոն՝ Ռիո դե Ժանեյրոյում ելույթ ունենալով խմբային բազմամարտում (նրանից բացի, Ռուսաստանի թիմի կազմում ընդգրկված էին Վերա Բիրյուկովան, Անաստասիա Բլիզնյուկը, Անաստասիա Մաքսիմովան և Անաստասիա Տատարևան)։

2017 թվականին Պեզարոյում անցկացվող աշխարհի առաջնությունում Ռուսաստանի թիմը նորացված կազմով (Անաստասիա Բլիզնյուկ, Եվգենյա Լևանովա, Քսենյա Պոլյակովա, Անաստասիա Տատարևա, Մարիա Տոլկաչյովա) նվաճել է երկու ոսկե (բազմամարտ և վարժություններ երեք գնդակով/երկու պարանով) և մեկ արծաթե մեդալ (վարժություններ հինգ օղակներով)։

Պարգևներ

• Բարեկամության շքանշան (25 օգոստոսի, 2016 թվական) – 2016 թվականին Ռիո դե Ժանեյրոյում (Բրազիլիա) 31-րդ Օլիմպիական խաղերում մարզական բարձր ձեռքբերումների, հաղթանակի նկատմամբ կամք և նպատակասլացություն ցուցաբերելու համար^[2]

Ծանոթագրություններ

1. Приказ № 02-нг от 15.01.2015 г. «О присвоении почетного спортивного звания „Заслуженный мастер спорта России“»(չաշխատող հղում)
2. Указ Президента Российской Федерации от 25.08.2016 № 429 «О награждении государственными наградами Российской Федерации»

Վիքիպահեստն ունի նյութեր, որոնք վերաբերում են «Մարիա Տոլկաչյովա» հոդվածին։