![]() անգլ.՝ Marc Maron | |
---|---|
![]() | |
Ծնվել է | սեպտեմբերի 27, 1963[1] (60 տարեկան) |
Ծննդավայր | Ջերսի Սիթի, Նյու Ջերսի, ԱՄՆ[2] |
Կրթություն | Բոստոնի համալսարան, Բոստոնի համալսարանի արվեստի և գիտությունների քոլեջ, Highland High School? և Curry College? |
Քաղաքացիություն | ![]() |
Կրոն | աթեիզմ |
Մասնագիտություն | ռադիոհաղորդավար, պոդքաստեր, ստենդ ափ երգիծաբան, կատակերգու, դերասան, սցենարիստ, հեռուստատեսային պրոդյուսեր, երաժիշտ և հնչյունավորող |
Ժանրեր | կատակերգություն |
wtfpod.com | |
Մարկ Դեվիդ[3] Մերոն, (անգլ.՝ Marc David Maron, սեպտեմբերի 27, 1963[1], Ջերսի Սիթի, Նյու Ջերսի, ԱՄՆ[2]) ամերիկացի կատակերգու, փոդքասթեր և դերասան։
1990-ականներին և 2000-ականներին Մերոնը հաճախակի հյուր էր «Ուշ շոու»-ում Դեվիդ Լետերմանի հետ և հայտնվել է ավելի քան 40 անգամ (ավելի շատ, քան ցանկացած այլ կոմիկ) «Ուշ գիշեր» հաղորդմանը՝ Կոնան Օ'Բրայենի հետ[4][5]։ 1993-1994-ական թվականներին եղել է Comedy Central-ի «Short Attention Span Theater» ծրագրի վարողը՝ փոխարինելով Ջոն Ստյուարտին[6]։ Եղել է նաև մշտական հյուր «Tough Crowd» ծրագրում Քոլին Քուինի հետ և 2002 թվականին «VH1» ալիքով վարել է բրիտանական «Հարվածել պանկ-ռոք» խաղային շոուի ամերիկյան տարբերակը, որը եթերում է եղել կարճ ժամանակ[7]։ 2004 - 2009 թվականներին վարել է հեղինակային շոու Air America ձախակողմյան ռադիոկայանում և եղել է «Morning Sedition» և «Breakroom Live» հաղորդումների համահիմնադիր[8]։
2009 թվականի սսեպտեմբերին, «Breakroom Live»-ի փակումից անմիջապես հետո, Մերոնը շաբաթական երկու անգամ սկսել է ձայնագրել «WTF Մարկ Մարոնի հետ» փոդքասթը, որում Հայլենդ պարկում (Լոս Անջելես, Կալիֆոռնիա) իր ավտոտնակում հարցազրույց է վերցրել կատակերգուներից, հեղինակներից, երաժիշտներից և այլ հայտնիներից։ Առավել հիշարժան թողարկումներ՝ 2010 թվականի թողարկումը Լուի Սի Քեյի հետ «Slate» ամսագիրը անվանել է բոլոր ժամանակների լավագույն փոդքասթը[9], կոմիկ Թոդ Գլասի հետ հարցազրույցը 2012 թվականին, որում Գլասը կատարել է քամինգ աութը[10], և 2015 թվականին նախագահ Բարաք Օբամայի հետ հարցազրույցը[4]։
2013-2016-ական թվականներին նկարահանվել է IFC կաբելային հեռուստաալիքում «Մերոն» հեղինակային հեռուստասերիալում, որում նաև գործադիր պրոդյուսեր և սցենարիստ էր։ 2017-2020 թվականներին նկարահանվել է Netflix-ի «Փայլ» կատակերգական սերիալում։ 2019 թվականին հայտնվել է «Ջոկեր» ֆիլմում՝ էպիզոդիկ դերում։
Երկու անգամ ամուսնացած է եղել, երեխաներ չունի։
![]() | Վիքիպահեստն ունի նյութեր, որոնք վերաբերում են «Մարկ Մերոն» հոդվածին։ |
|