Մարտա Կոկլի

Մարտա Կոկլի
Կուսակցություն՝	Դեմոկրատական կուսակցություն
Կրթություն՝	Ուիլյամս քոլեջ, Բոստոնի համալսարանի իրավունքի դպրոց և Drury High School?
Մասնագիտություն՝	փաստաբան և քաղաքական գործիչ
Ծննդյան օր	հուլիսի 14, 1953(1953-07-14) (71 տարեկան)
Ծննդավայր	Pittsfield, Մասաչուսեթս, ԱՄՆ
Քաղաքացիություն	ԱՄՆ

Մարտա Մերի Կոկլի (անգլ.՝ Martha Mary Coakley, հուլիսի 14, 1953(1953-07-14), Pittsfield, Մասաչուսեթս, ԱՄՆ), ամերիկացի քաղաքական և պետական գործիչ, իրավաբան, Միդլսեքսի շրջանային դատախազ (1999-2007), Մասաչուսեթս նահանգի գլխավոր դատախազ (2007-2015)։ 2010 թվականին, ներկայացնելով ԱՄՆ դեմոկրատական կուսակցությունը, մասնակցել է Մասաչուսեթսի սենատորի ընտրություններին։ Հավաքելով ձայների 47 %՝ պարտվել է Սքոթ Բրաունին։ 2014 թվականին Մասաչուսեթսի նահանգապետի ընտրություններում հավաքել է ձայների 46,5 %՝ զիջելով Չառլի Բեյքերին։

Կենսագրություն

Վաղ տարիներ

Ծնվել է Փիթսֆիլդում, Մասաչուսեթս, Էդվարդ և Ֆիլլիս Կոկլիի ընտանիքում։ Նրա հայրը՝ Երկրորդ համաշխարհային պատերազմի և Կորեական պատերազմի վետերանը, մանր ձեռնարկատեր էր։ Մայրը զբաղվում էր տնային աշխատանքով։ Երբ Մարտան դարձավ մեկ տարեկան, ընտանիքը տեղափոխվեց Նորթ Ադամս, Մասաչուսեթս։ Այնտեղ Մարտան սովորել է Սուրբ Ջոզեֆի դպրոցում և Դրուրիի ավագ դպրոցում, որն ավարտել է 1971 թվականին^[1]։

Կրթություն և կարիերայի սկիզբ

1975 թվականին Կոկլին ավարտել է Ուիլյամսի քոլեջը՝ արվեստի բակալավրի աստիճանով։ 1979 թվականին ավարտել է Բոստոնի համալսարանի իրավունքի դպրոցը՝ իրավաբանական գիտությունների դոկտորի աստիճանով։ 1978 թվականի ամռանը, լինելով իրավագիտության ֆակուլտետի ուսանող, Կոկլին աշխատել է Մասաչուսեթս նահանգի Ադամս քաղաքի «Դոնովան և Օ'Քոնոր» իրավաբանական ընկերությունում։ Իրավունքի դպրոցն ավարտելուց հետո Կոկլին սկսել է աշխատել Բոստոնում՝ որպես իրավաբան։ Նախ աշխատել է «Փարքեր, Ուոլթեր, Դեյլի և Ուայթ» իրավաբանական ընկերությունում (անգլ.՝ Parker, Coulter, Daley & White), իսկ հետո՝ «Գուդվին Պրոքթերում» (անգլ.՝ Goodwin Procter)^[2][3]:

Շրջանային դատախազի օգնական

1986 թվականին Մասաչուսեթս նահանգի Լոուել քաղաքում Կոկլին սկսել է աշխատել շրջանային դատախազի օգնական։ Մեկ տարի անց ԱՄՆ արդարադատության նախարարությունը նրան առաջարկել է Բոստոնյան ուժերի կազմում կազմակերպված հանցավորության դեմ պայքարի համար հատուկ փաստաբանի պաշտոն (անգլ.՝ Boston Organized Crime Strike Force): Կոլին շրջանային դատախազություն է վերադարձել 1989 թվականին և երկու տարի անց նշանակվել երեխաների հետ դաժան վերաբերմունքի համար քրեական հետապնդման բաժնի պետ։

1997 թվականին Կոկլին, շրջանային դատախազ Թոմ Ռայլին և Ժերար Լեոնը գլխավորել են բրիտանացի երիտասարդ դայակի՝ Լուիզա Վուդվորդի դատական հետապնդումը (անգլ.՝ Louise Woodward), որը հետագայում դատապարտվել է Մասաչուսեթս նահանգի Նյուտոն քաղաքից ութ ամսական Մեթյու Իպենի (անգլ.՝ Matthew Eappen) սպանության համար^[4]։

Մասաչուսեթսի նահանգապետի առաջադրում (2010)

Ընտրությունների արդյունքները՝ ըստ նահանգի շրջանների

Մասաչուսեթսի նահանգապետի առաջադրում (2014)

Ընտրությունների արդյունքները՝ ըստ նահանգի շրջանների

Ծանոթագրություններ

1. «Martha Coakley For Governor» (անգլերեն). Արխիվացված է օրիգինալից 2014 թ․ մարտի 30-ին. Վերցված է 2019 թ․ հուլիսի 5-ին.
2. «NAAG | Martha Coakley». web.archive.org. 2014 թ․ հոկտեմբերի 16. Արխիվացված է օրիգինալից 2014 թ․ հոկտեմբերի 16-ին. Վերցված է 2019 թ․ հուլիսի 5-ին.
3. «About Martha Coakley». web.archive.org. 2015 թ․ հունվարի 19. Արխիվացված է օրիգինալից 2015 թ․ հունվարի 19-ին. Վերցված է 2019 թ․ հուլիսի 5-ին.
4. «In High-Profile Prosecutions, Martha Coakley Made Her Name» (անգլերեն). www.wbur.org. Վերցված է 2019 թ․ հուլիսի 5-ին.

Վիքիպահեստն ունի նյութեր, որոնք վերաբերում են «Մարտա Կոկլի» հոդվածին։