Մեդինինկայ ամրոց
| Մեդինինկայ ամրոց | |
|---|---|
 | |
| Տեսակ | դղյակ |
| Երկիր |  Լիտվա |
| Վարչատարածք | Մեդինինկայ |
| Նյութ | աղյուս |
| Առաջին հիշատակում | 1385 |
 | |
 | |
Մեդինինկայ ամրոց (լիտ.՝ Medininkų pilis), միջնադարյան ամրոց Լիտվայում՝ Վիլնյուսի շրջանում։ Կառուցվել է 14-րդ դարի առաջին կեսին։ Պաշտպանական տարածքն զբաղեցնում է 6,5 հեկտար։ Մեդինինկայը պարսպապատված ամենաընդարձակ ամրոցն է Լիտվայում[1][2]։ Կառուցվել է հարթ վայրում և նախատեսվել է շուրջանակի պաշտպանություն կազմակեպելու համար։ Ամրոցի ուղղանկյունաձև բակը զբաղեցնում է մոտավորապես 1.8 հեկտար տարածք և պաշտպանված է 15 մետր բարձրություն, 2 մետր հաստություն ունեցող պարիսպներով։ Ամրոցն ունի չորս դարպաս ու աշտարակ։ Գլխավոր աշտարակը, որի բարձրությունը շուրջ 30 մետր է, ծառայել է որպես կեցավայր։
Մեդինինկայը պատմական փաստաթղթերում առաջին անգամ հիշատակվել է 1392 թվականին[3]։ Ամրոցը 15-րդ դարի վերջերին լրջորեն վնասվել է հրդեհից։ Մարտերում հրազենի լայնորեն կիրառման հետ կապված՝ այս տիպի ամրոցը դարձել էր չափազանց խոցելի և այլևս չէր կարող ծառայել պաշտպանական նպատակների, ուստի օգտագործվել է զուտ որպես կեցավայր։ 17–18-րդ դարերում վերածվել է ագարակի դաստակերտի։ Վերակառուցումից հետո այստեղ բացվել է թանգարան, որտեղ ցուցադրված են Լիտվայի մեծ դքսության ժամանակներում տեղացի արհեստավորների պատրաստած արծաթե իրերը[4] և Լիտվայի Հանրապետության նախագահներից Ալգիրդաս Բրազաուսկասի որսի ավարներն ու որսորդական դանակները[5]։
Գրականություն
[խմբագրել | խմբագրել կոդը]- Даугудис В., Мардоса Й., Жемайтите З. и др. 300 памятников культуры / Сост. З. Жемайтите. — Вильнюс: Минтис, 1984. — С. 150–151. — 270 с.
- Абрамаускас С. К вопросу генеза крепостных сооружений типа кастелъ в Литве (на примере замка Медининкай) // Строительство и архитектура. — 1963. — Т. III. — № 1. — С. 73.
- Jurginis J. Медницкий замок = Medininkų pilis. — Vilnius, 1984.(լիտվ.)
Պատկերասրահ
[խմբագրել | խմբագրել կոդը]-
Ամրոցի ներսը -
Ամրոցի մուտքը -
Տեսարան՝ դիտված ամրոցից -
Գլխավոր աշտարակը -
Վերակառուցված ամրոցը -
Ամրոցի տեսքը 19-րդ դարում (նկարիչ՝ Նապոլեոն Օրդա) -
Ամրոցի հյուսիսարևելյան աշտարակի հատակագիծը -
Հուշադրամ՝ ամրոցի պատկերով
Ծանոթագրություններ
[խմբագրել | խմբագրել կոդը]- ↑ «Medininkai Castle». exploretrakaivilnius.lt (անգլերեն). Արխիվացված է օրիգինալից 2019 թ․ օգոստոսի 14-ին. Վերցված է 2019 թ․ նոյեմբերի 4-ին.
- ↑ «Medininkai Castle». trakaimuziejus.lt. Արխիվացված է օրիգինալից 2016 թ․ հունիսի 9-ին. Վերցված է 2019 թ․ նոյեմբերի 4-ին.
- ↑ «Medininkai Castle». visitlithuania.net. Արխիվացված է օրիգինալից 2019 թ․ հունիսի 4-ին. Վերցված է 2019 թ․ նոյեմբերի 4-ին.
- ↑ «Kultūros savanoriai». Lrt.lt (լիտվերեն). 2014 թ․ հունվարի 23. Վերցված է 2019 թ․ նոյեմբերի 4-ին.
- ↑ «Medininkai Castle». visitcastles.eu. Վերցված է 2019 թ․ նոյեմբերի 4-ին.
Արտաքին հղումներ
[խմբագրել | խմբագրել կոդը]
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Մեդինինկայ ամրոց կատեգորիայում։ |