Միլան Միլանովիչ

Միլան Միլանովիչ
Քաղաքացիությունը  Սերբիա
Ծննդյան ամսաթիվ մարտի 31, 1991(1991-03-31)[1] (33 տարեկան)
Ծննդավայր Կոսովսկա Միտրովիցա, ՀՍՖՀ
Հասակ 194 սանտիմետր
Քաշ 88 կիլոգրամ
Դիրք պաշտպան

Միլան Միլանովիչ (սերբ.՝ Милан Милановић / Milan Milanović, մարտի 31, 1991(1991-03-31)[1], Կոսովսկա Միտրովիցա, ՀՍՖՀ), սերբ ֆուտբոլիստ, «Ասկոլի» ակումբի պաշտպան։

Կենսագրություն

[խմբագրել | խմբագրել կոդը]

Ակումբային կարիերա

[խմբագրել | խմբագրել կոդը]

Միլանովիչը Կոսովոյի «Իբար» ակումբի ֆուտբոլային դպրոցի սան է, խաղացել է նրա մանկական և երիտասարդական կազմերում[2]։ 15 տարեկանում մեկնել է Բելգրադի «Զեմուն», որտեղ մարզիչ Դրագան Շիպկայի գլխավորությամբ զգալի առաջընթաց է գրանցել՝ առաջին անգամ հանդես գալով պատանեկան հավաքականում[2]։ Ավելի ուշ մարզվել է «Ցրվենա Զվեզդայում»՝ իր սիրելի ակումբում. մարզումների ժամանակ բասկետբոլ խաղալու լավ հմտություններ է դրսևորել[2]։

2008 թվին Միլանը տեղափոխվել է Ռուսաստան, որտեղ սկսել է հանդես գալ «Լոկոմոտիվի» երկրորդ կազմում։ Ակումբում հանդես է եկել 6 համարի ներքո, որի տակ խաղացել էր Բրանիսլավ Իվանովիչը․ թիմի մարզիչ Ռաշիդ Ռահիմովն ինքը երիտասարդ Միլանին համեմատել է նույն Իվանովիչի հետ[2]։ 2009 թվին երկրպագուների վարկածով ճանաչվել է թիմի լավագույն երիտասարդ-ֆուտբոլիստ[3]։ Չնայած երիտասարդական առաջնությունում ունեցած ջանքերին և հաջողություններին՝ Միլանին այդպես էլ չի հաջողվել խաղալ Ռուսաստանի առաջնությունում, և 2011-ին ակումբը սերբին բաց է թողել թիմից։

Միլանովիչը շուտով տեղափոխվել է «Պալերմո»[4]՝ ստանալով խաղային 15 համարը։ Պաշտոնական տեղափոխությունը տեղի է ունեցել 2011 թվականի հուլիսին։ 2011 թվականի օգոստոսին Միլանը վարձավճարով տեղափոխվել է «Սիենա»[5], որը ֆուտբոլիստի համար «Լոկոմոտիվին» վճարել է 270 հազար եվրո փոխհատուցում։ 2012 թվի հունվարին Միլանովիչը վերադարձել է «Պալերմո»՝ նորամուտը նշելով 2012 թվի մարտի 24-ին Ա խմբի «Ուդինեզեի» դեմ խաղում։ 2012 թվականի ապրիլի 10-ին «Յուվենտուսի» դեմ խաղում վնասվածք է ստացել՝ կոտրելով քիթը[3]։

2013 թվի հունվարին Միլանը վարձավճարով տեղափոխվել է «Վիչենցա»[4]։

2019 թվականի փետրվարին նա մինչև մրցաշրջանի ավարտը միացել է Սերբական Հանրապետության առաջին լիգայի «Ժելեզնիչար Բանյա Լուկա» ակումբին[6]։

Կարիերան հավաքականում

[խմբագրել | խմբագրել կոդը]

Բազմիցս ընդգրկվել է պատանեկան և երիտասարդական հավաքականներում, խաղացել է 2009 թվականի Եվրոպայի՝ մինչև 19 տարեկան պատանիների առաջնությունում, որտեղ նվաճել է բրոնզե պարգևներ։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Transfermarkt.com(բազմ․) — 2000.
  2. ↑ 2,0 2,1 2,2 2,3 Защитник «Локомотива» Милан Миланович: «Ушел из команды своей мечты» Արխիվացված 2017-07-31 Wayback Machine (ռուս.)
  3. ↑ 3,0 3,1 Миланович перенёс операцию Արխիվացված 2012-10-19 Wayback Machine (ռուս.)
  4. ↑ 4,0 4,1 Milanovic in prestito al Vicenza Արխիվացված 2013-02-22 Wayback Machine (իտալ.)
  5. ↑ Миланович отдан в аренду "Сиене" Արխիվացված 2013-03-26 Wayback Machine (ռուս.)
  6. ↑ Milan Milanović, nekadašnji fudbaler Palerma, za “Glas Srpske”: Na Predgrađu ću da se vratim u život, glassrpske.com, 9 February 2019

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Միլան Միլանովիչ» հոդվածին։
 ⛭ 
  Թեմատիկ կայքեր