Միխայիլ Բաբիչև

Միխայիլ Բաբիչև
բելառուս․՝ Міхаіл Бабічаў
Անձնական տվյալներ
Ազգությունը բելառուս
Քաղաքացիությունը Բելառուս Բելառուս
Ծննդյան ամսաթիվ փետրվարի 2, 1995(1995-02-02)[1] (30 տարեկան)
Ծննդավայր Պոստավի, Վիտեբսկի մարզ, Բելառուս[2]
Հասակ 187 սմ
Քաշ 76 կգ
Դիրք պաշտպան/կիսապաշտպան
Ակումբային տեղեկություններ
Ներկա ակումբ Վիտեբսկ
Համար 6
Պատանեկան կարիերա
2009-2012 ՊՄՑ
Մասնագիտական կարիերա*
Տարի Ակումբ Խաղ (Գոլ)
2012-2014 Ռուսաստան Ռուբին 0 (0)
2014-2015 Իտալիա Կրաս ? (?)
2015 Բելառուս Օրշա 8 (0)
2016— Բելառուս Վիտեբսկ 9 (1)
Ազգային հավաքական
2016— Բելառուս Բելառուս (մինչև 21) 1 (0)
* Մասնագիտական կարիերայում ընդգրկված են միայն առաջնության խաղերը և գոլերը:

Միխայիլ Անատոլևիչ Բաբիչև (բելառուս․՝ Міхаіл Анатолевіч Бабічаў, փետրվարի 2, 1995(1995-02-02)[1], Պոստավի, Վիտեբսկի մարզ, Բելառուս[2]), բելառուս ֆուտբոլիստ, «Վիտեբսկ» ակումբի պաշտպան։

Ակումբային կարիերա

[խմբագրել | խմբագրել կոդը]

Միխայիլ Բաբիչևը Պոստավիի «ՊՄՑ» ակադեմիայի սան է, որի հիմնադիրը եղել է իր հայրը՝ Անատոլի Բաբիչևը։ 2012 թվականին Միխայիլ Բաբիչևը տեղափոխվել է Կազանի «Ռուբին», որտեղ խաղացել է երկրորդ կազմում։ 2014 թվականի օգոստոսին հեռացել է «Ռուբինից» ու համալրել իտալական Սերիա D-ի «Կրաս» ակումբի կազմը[3], սակայն փաստաթղթերի հետ կապված խնդիրների պատճառով ակումբը միայն 2014 թվականի վերջին է կարողացել ֆուտբոլիստին ներկայացնել առաջնությանը մասնակցելու համար[4]։

2015 թվականի ամռանը Միխայիլ Բաբիչևը վերադարձել է Բելառուս և սկսել է մարզվել «Վիտեբսկ» ակումբի հետ, որը գլխավորում էր ՊՄՑ-ի ակադեմիայում Միխայիլ Բաբիչևի նախկին մարզիչ Սերգեյ Յասինսկին, սակայն ակումբը չի հասցրել ֆուտբոլիստին ներառել առաջնության հայտացուցակում[5]։ Արդյունքում Միխայիլ Բաբիչևը հոկտեմբերին համալրել է Բելառուսի առաջին լիգայի «Օրշա» ակումբի կազմը[6]։

Մրցաշրջանի ավարտին՝ 2015 թվականի դեկտեմբերին, Միխայիլ Բաբիչևը պայմանագիր է կնքել «Վիտեբսկ» ակումբի հետ[7]։ 2016 թվականի ապրիլի 2-ին նա կատարել է իր նորամուտը Բելառուսի Բարձրագույն լիգայում՝ որպես հենակետային կիսապաշտպան մասնակցելով «Մինսկ» ակումբի դեմ ողջ խաղին (0:1)։

Միջազգային կարիերա

[խմբագրել | խմբագրել կոդը]

Միխայիլ Բաբիչևը հրավիրվել է Բելառուսի պատանեկան հավաքականի կազմում մասնակցելու ընկերական խաղերի ու հավաքների։ 2013 թվականի սեպտեմբերին, լինելով ռուսական «Ռուբին» ակումբի խաղացող, մերժել է հերթական հրավերը[8]։ Հետագայում նա իր մերժումը բացատրել է հավաքների ժամանակ խաղային պրակտիկայի բացակայությամբ[9]։

2016 թվականի մարտի 26-ին Միխայիլ Բաբիչևը նշել է իր նորամուտը Բելառուսի երիտասարդական հավաքականում՝ մասնակցելով Լեհաստանի երիտասարդական հավաքականի դեմ ընկերական խաղին (0:3)։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Transfermarkt.com(բազմ․) — 2000.
  2. ↑ 2,0 2,1 2,2 https://int.soccerway.com/players/-/423072/
  3. ↑ Белорусский защитник Бабичев перешел из «Рубина» в итальянский «Крас»
  4. ↑ Италия, Серия D. Михаил Бабичев в матче за "Крас" отметился голевым пасом
  5. ↑ Сергей Ясинский: "Михаил Бабичев? Не успели дозаявить его в трансферное окно"
  6. ↑ Бабичев перешел в «Оршу»
  7. ↑ Бабичев и Сидоренко подписали контракты с «Витебском»
  8. ↑ Футбол. Защитник "Рубина" Михаил Бабичев отказался выступать за сборную Беларуси
  9. ↑ Михаил Бабичев: «Россия – это не мое, не родное. Если сейчас позовут в сборную Беларуси – поеду»

Արտաքին հղումներ

[խմբագրել | խմբագրել կոդը]
 ⛭ 
  Թեմատիկ կայքեր