Միքելա Ֆիջինի

Միքելա Ֆիջինի
Անձնական տեղեկություն
Սեռ՝	իգական
Բնօրինակ անուն՝	Michela Figini
Մասնագիտացում՝	լեռնադահուկորդ
Երկիր՝	Շվեյցարիա
Ծննդյան ամսաթիվ՝	ապրիլի 7, 1966(1966-04-07) (58 տարեկան)
Ծննդավայր՝	Prato, Quinto Subdistrict, Լևենտինա, Տիչինո, Շվեյցարիա
Հասակ՝	168 սանտիմետր[1]
Քաշ՝	61 կիլոգրամ[1]
Պարգևներ Լեռնադահուկային սպորտ Օլիմպիական խաղեր Ոսկի Սարաևո 1984 արագընթաց վայրէջք Արծաթ Կալգարի 1988 սուպերհսկա Աշխարհի առաջնություն Ոսկի Բորմիո 1985 արագընթաց վայրէջք Արծաթ Կրանս-Մոնտանա 1987 սուպերհսկա Արծաթ Կրանս-Մոնտանա 1987 արագընթաց վայրէջք

Միքելա Ֆիջինի (իտալ.՝ Michela Figini, ապրիլի 7, 1966(1966-04-07), Prato, Quinto Subdistrict, Լևենտինա, Տիչինո, Շվեյցարիա), շվեյցարացի լեռնադահուկորդուհի, օլիմպիական և աշխարհի չեմպիոն, աշխարհի կրկնակի գավաթակիր։ Լեռնադահուկային սպորտի պատմության մեջ օլիմպիական ամենաերիտասարդ չեմպիոնուհին է^[2] (Սարաևոյի Օլիմպիական խաղերում արագընթաց վայրէջքից հաղթելու պահին Միքելան 17 տարեկան և 315 օրական էր) և աշխարհի ամենաերիտասարդ գավաթակիրը (1984/1985 մրցաշրջանում հաղթանակի պահին 19 տարեկան չկար)։ 1988 թվականին՝ 21 տարեկան հասակում, Կալգարիում արժանացել է Օլիմպիական խաղերի բացման արարողությանը դրոշը կրելու պատվին։

Մարզական կարիերա

Աշխարհի առաջնությանը նորամուտը կատարել է 1983 թվականի հունվարի 21-ին (Շրուսում համակցված ձևում գրավել է տասներորդ տեղը), իսկ 1983 թվականի մարտի 5-ին՝ 16 տարեկանում, առաջին անգամ բարձրացել է պատվո հարթակին (երրորդ տեղն արագընթաց վայրէջքում)։ Առաջին հաղթանակը տոնել է Մեժևում (Ֆրանսիա) 1984 թվականի հունվարի 28-ին արագընթաց վայրէջքից։ 8 մրցաշրջանում աշխարհի առաջնության փուլերում ունեցել է 26 հաղթանակ՝ մասնակցելով ընդամենը 117 մրցավազքի (հաղթանակները կազմում են 22 %-ը)։ Երկու անգամ անընդմեջ (1984 և 1985 թվականներին) ճանաչվել է Շվեյցարիայի լավագույն սպորտսմենուհի։

Վերջին անգամ աշխարհի գավաթի խաղարկությանը մասնակցել է 1990 թվականի փետրվարի 11-ին Մարիբելում (Ֆրանսիա) (գերհսկա ձևում 11-րդ տեղը)։ Կարիերան ավարտել է 1990 թվականի գարնանը՝ 24 տարեկանում, մարզիչ Յան Տիշհաուզերի հետ ունեցած կոնֆլիկտի պատճառով. վերջինս Միքելային մեղադրել էր մարզումների սխալ մեթոդների ու հավաքականի մթնոլորտի վատթարացման համար^[3]։ Այդ նույն մրցաշրջանում տարբեր պատճառներով կարիերան ավարտել են շվեյցարացի հայտնի 2 լեռնադահուկորդներ՝ աշխարհի եռակի չեմպիոն, աշխարհի կրկնակի գավաթակիր 26-ամյա Մարիա Վալլիզերը և օլիմպիական չեմպիոն, աշխարհի քառակի գավաթակիր, աշխարհի քառակի չեմպիոն Պիրմին Ցուրբրիգենը։

Անձնական կյանք

Միքելա Ֆիջինին ամուսնացել է իտալացի լեռնադահուկորդ Իվանո Կոմոցիի հետ (ծնված 1962 թվականին), որը մասնակցել է 1988 թվականի Օլիմպիական խաղերին և հսկա սլալոմում գրավել 4-րդ տեղը։ Նրանք ունեն երկու երեխա^[4]։

Հաղթանակներ աշխարհի գավաթի խաղարկությունում

• Ընդհանուր հաշիվ (2) – 1984/85, 1987/88
• Արագընթաց վայրէջք (4) – 1984/85, 1986/87, 1987/88, 1988/89
• Հսկա սլալոմ – 1984/85
• Սուպերհսկա – 1987/88

Ծանոթագրություններ

1. Olympedia — 2006.
2. Из истории горнолыжного спорта(չաշխատող հղում)
3. Switzerland's Figini Retires After Feud — The New York Times, May 5, 1990 (անգլ.)
4. Michela Figini Արխիվացված 2020-04-17 Wayback Machine. sports-reference.com

Արտաքին հղումներ

• Միքելա Ֆիջինի – օլիմպիական վիճակագրությունը Sports-Reference.com կայքում (անգլ.)
• Միքելա Ֆիջինի – վիճակագրությունը FIS կայքում
• Ski-db.com – Միքելա Ֆիջինի։ Արդյունքներ

Վիքիպահեստն ունի նյութեր, որոնք վերաբերում են «Միքելա Ֆիջինի» հոդվածին։