Յորինդա և Յորինգել
Յորինդա և Յորինգել (գերմ.՝ Jorinde und Joringel), Գրիմ եղբայրների գրած գերմանական հեքիաթ[1]։ Աառնե-Թոմփսոնի համակարգում ունի 405 ինդեքսը[2]։ Այս հեքիաթը հանդիպում է հիմնականում Գերմանիայում[3], բացառությամբ պատմության շվեդական տարբերակի[4], թեև Մերի Քեմփբելը Կենտուկիում հայտնաբերել է դրա մեկ այլ տարբերակ՝ «Ցողի ծաղիկը»[5]։
Սյուժե
[խմբագրել | խմբագրել կոդը]Չար կախարդը (կամ Փերին, կախված է թարգմանությունից) ապրում է անտառի մութ ամրոցում։ Նա ունի կենդանիներին և թռչուններին գայթակղելու ունակություն, որոնց սպանում է և ուտում։ Կախարդուհին իր բնակարանին մոտեցող ցանկացած մարդու քար է դարձնում, իսկ երիտասարդ աղջիկներին վերածում է թռչունների և փակում վանդակներում։ Յորինդան և Յորինգելը՝ նշանված աղջիկն ու երիտասարդը, զբոսանքի են գնում անտառ։ Նրանք շատ են մոտենում կախարդի որջին։ Կախարդը Յորինդային դարձնում է սոխակ, իսկ Յորինգելին՝ քար։ Թռչունին բռնելուց հետո նա ազատում է Յորինգելին՝ ծիծաղելով այն փաստի վրա, որ նա այլևս երբեք չի տեսնի Յորինդային։
Մի գիշեր Յորինգելը երազում տեսնում է մի ծաղիկ, որը կարող է ոչնչացնել կախարդուհու կախարդանքը։ Ինը օր երիտասարդը փնտրում է այդ ծաղիկը, գտնում այն և տանում կախարդուհու ամրոցը։ Նույնիսկ մոտենալով ամրոցին՝ Յորինգելը չի քարանում և կարողանում է մտնել կախարդի որջը։ Նա տեսնում է, թե ինչպես է կախարդը կերակրում թռչուններին։ Կախարդը չի կարողանում կախարդել Յորինգելին։ Երբ նա փորձում է տանել վանդակներից մեկը, երիտասարդը կռահում է, որ դրա մեջ է գտնվում Յորինդան՝ սոխակը։ Յորինգելը ծաղիկը կպցնում է կախարդին, և նրա ամբողջ կախարդական ուժը ընդմիշտ անհետանում է։ Երիտասարդը դիպչում է Յորինդային, և նա նորից վերածվում է աղջկա։ Յորինգելը կախարդանքը հանում է նաև թռչուն դարձած մյուս աղջիկներից։
Ծանոթագրություններ
[խմբագրել | խմբագրել կոդը]- ↑ Jacob and Wilheim Grimm, Household Tales, *"Jorinde and Joringel" Արխիվացված 2016-11-27 Wayback Machine
- ↑ D.L. Ashliman, "The Grimm Brothers' Children's and Household Tales (Grimms' Fairy Tales)" Արխիվացված 2011-05-14 Wayback Machine
- ↑ Stith Thompson, The Folktale, p 96, University of California Press, Berkeley Los Angeles London, 1977
- ↑ Bolte, Johannes; Polívka, Jiri. Anmerkungen zu den Kinder- u. hausmärchen der brüder Grimm. Zweiter Band (NR. 61-120). Germany, Leipzig: Dieterich'sche Verlagsbuchhandlung. 1913. p. 69.
- ↑ Marie Campbell, Tales from the Cloud-Walking Country, p 254 Indiana University Press, Bloomington 1958