Նավաբ Նասիրշալալ

Նավաբ Նասիրշալալ
Անձնական տեղեկություն
Սեռ՝	արական
Բնօրինակ անուն՝	պարս.՝ نواب نصیرشلال
Մասնագիտացում՝	ծանրամարտիկ
Երկիր՝	Իրան
Ծննդյան ամսաթիվ՝	ապրիլի 1, 1989(1989-04-01) (35 տարեկան)
Ծննդավայր՝	Ահվազ, Իրան
Հասակ՝	175 ± 1 սանտիմետր
Քաշ՝	104 կիլոգրամ

Նավաբ Նասիրշալալ (պարս.՝ نواب نصیرشلال, ապրիլի 1, 1989(1989-04-01), Ահվազ, Իրան), իրանցի ծանրորդ, որը 2012 թվականի ամառային օլիմպիական խաղերում ոսկե մեդալ է նվաճել տղամարդկանց 105 կգ քաշային կարգում։ Սկսել է ծանրամարտով զբաղվել 15 տարեկանից, նվաճել է բրոնզե մեդալ մինչև 94 կգ պոկում վարժությունում 2007 թվականի Ասիայի ծանրամարտի առաջնությունում, արծաթ մինչև 94 կգ հրում և ընդհանուր բրոնզ 2009 թվականի առաջնությունում, ոսկի մինչև 105 կգ 2012 թվականին (այն բանից հետո, երբ Ալեքսեյ Տորոխտին հետագայում որակազրկվեց 2019 թվականին)։

Վաղ կյանք

Նասիրշալալը ծնվել է 1989 թվականի ապրիլի 1-ին Ահվազում և մեծացել է Իրանի Խուզեստան նահանգի Մասջեդ Սոլեյման քաղաքում։ Ծանրամարտով սկսել է զբաղվել հոր պատճառով^[1] 15 տարեկանում դուրս՝ նավթով հարուստ Մասջեդ Սոլեյման քաղաքի Իրանի նավթային ընկերության ազգային ակումբից^[2]։ 2012 թվականին ֆիզկուլտուրայի դասընթացների է հաճախել Իսլամական Ազատ համալսարանի Մասջեդ Սոլեյմանի մասնաճյուղում։

Կարիերա

Նասիրշալալն իր միջազգային նորամուտը նշել է 2006 թվականի ծանրամարտի պատանիների աշխարհի առաջնությունում 94 կգ քաշային կարգում, որտեղ զբաղեցրել է հինգերորդ հորիզոնականը: Վաստակել է երկու բրոնզե մեդալ 2007 թվականի առաջնությունում, ինչպես նաև 2007 թվականի ծանրամարտի Ասիայի պատանիների առաջնությունում արծաթե մեդալ։ Այդ տարի մասնակցել է նաև Ասիայի առաջնության մեծահասակների առաջնությանը՝ բրոնզե մեդալ նվաճելով 94 կգ քաշային կարգում^[3]։ Նվաճել է ևս մեկ բրոնզե մեդալ 2008 թվականի պատանիների աշխարհի առաջնությունում նախքան 2009 թվականին մշտապես մեծահասակների առաջնությունում մասնակցելը, որտեղ նվաճել է արծաթ 94 կգ քաշային կարգում^[4]։ Բաց թողնելով 2010 թվականի մրցաշրջանը և տեղափոխվելով մինչև 105 կգ քաշային կարգ ՝ հաջորդ անգամ հանդես է եկել 2011 թվականի ծանրամարտի աշխարհի առաջնությունում՝ ընդհանուր հաշվարկում գրավելով վեցերորդ հորիզոնականը: Իր առաջին միջազգային ոսկե մեդալը նվաճել է 2012 թվականի ծանրամարտի Ասիայի առաջնությունում 105 կգ քաշային կարգում^[5]։ Հրումում կատարած տեխնիկական սխալը, սակայն, նրան դուրս է թողել այս մրցաշարում այլ մեդալների համար պայքարից: Այնուհետև ընտրվել է 2012 թվականի ամառային Օլիմպիական խաղերի մասնակից, որտեղ, չնայած ծնկի ցավով մրցելուն^[6] նվաճել է արծաթե մեդալ 105 կգ քաշային կարգում՝ ետ մնալով ուկրաինացի Օլեքսեյ Տորոխտիից, սակայն հետագայում Տորոխտիի դոպինգի համար որակազրկումից հետո ստացավ ոսկե մեդալ^[7]։ Մասնակցել է 2014 թվականի ասիական խաղերում և 2015 թվականի աշխարհի առաջնությունում, սակայն երկու դեպքում էլ չի կարողացել դրական արդյունք ցույց տալ հրում վարժությունում^[8][9]։

Գլխավոր արդյունքեր

Տարի	Վայր	Քաշային կարգ	Պոկում				Հրում				Երկամարտ	Հորիզոնական
			1	2	3	Հորիզոնկանա	1	2	3	Հորիզոնական
Օլիմպիական խաղեր
2012	Լոնդոն, Մեծ Բրիտանիա	105 կգ	183	183	184	5	222	227	229	1	411	01
Աշխարհի առաջնություններ
2011	Փարիզ, Ֆրանսիա	105 կգ	175	180	185	7	211	211	223	5	403	6
2015	Հյուսթոն, ԱՄՆ	105 կգ	181	181	186	6	220	223	226	--	--	--
Ասիական Խաղեր
2014	Ինչոն, Հարավային Կորեա	105 կգ	176	181	184	3	217	219	219	--	--	--
Ասիայի Առաջնություն
2007	Թայան, Չինաստան	94 կգ	154			03	191			6	345	4
2009	Տալդի Կուրգան, Ղազախստան	94 կգ	164	169	171	4	197	197	207	01	376	02
2012	Պիոնթեք, Հարավային Կորեա	105 կգ	183	183	187	01	225	225	225	--	--	--
Պատանիների աշխարհի առաջնություն
2006	Հանչժոու, Չինաստան	94 կգ	151	156	158	7	183	189	194	5	350	5
2007	Պրահա, Չեխիա	94 կգ	156	161	164	03	193	198	203	4	354	03
2008	Կալի, Կոլումբիա	94 կգ	164	171	174	03	194	199	211	03	363	03

Ծանոթագրություններ

1. نواب نصیرشلال: یک تفکر حرفه‌ای می‌گوید به مدال فکر نکنی به دستش می‌آوری/ دیدم نقره دارم، راضی شدم (պարսկերեն). Khabar Online. 2012-08-08. Վերցված է 2012-08-11-ին.
2. آشنایی با مدال‌آوران ایران؛ نواب نصیرشلال (պարսկերեն). tarafdari.com. Արխիվացված է օրիգինալից 2012-08-15-ին. Վերցված է 2012-08-12-ին.
3. «2007 Tai'an». Asian Weightlifting Federation. 2007-04-28. Արխիվացված է օրիգինալից 2007-04-28-ին. Վերցված է 2012-08-06-ին.
4. «21 st Asian Senior Women's 40 th Asian Senior Men's Weightlifting Championships». Results. Asian Weightlifting Federation. 2009-05-16. Արխիվացված է օրիգինալից (DOC) 2012-05-23-ին. Վերցված է 2012-08-06-ին.
5. «2012 Asian Championships». Results by Events. International Weightlifting Federation. 2012-04-30. Վերցված է 2012-08-06-ին.
6. نواب نصیرشلال: خوشحالم دل ملت ایران را شاد كردم (պարսկերեն). Islamic Republic News Agency (IRNA). 2012-08-07. Վերցված է 2012-08-12-ին.
7. «Nasir Shalal to Receive 2012 Olympic Gold after Torokhtiy Stripped». Tasnim News Agency. 21 December 2019. Վերցված է 12 March 2020-ին.
8. «Weightlifting - Men's 105kg Group A». Results. 2014 Asian Games. 2014-09-26. Արխիվացված է օրիգինալից 2014-12-27-ին. Վերցված է 2015-09-14-ին.
9. «Results by Event: 2015 World Weightlifting Championships». International Weightlifting Federation. November 2015. Վերցված է 2015-12-01-ին.

Արտաքին հղումներ

Վիքիպահեստն ունի նյութեր, որոնք վերաբերում են «Նավաբ Նասիրշալալ» հոդվածին։