Նիկիտա Չանդակ

Նիկիտա Չանդակ
Ծնվել է	սեպտեմբերի 5, 1995(1995-09-05) (29 տարեկան)
Ծննդավայր	Urlabari Municipality, Morang District, Kosi Zone, Արևելյան շրջան (Նեպալ), Նեպալ
Քաղաքացիություն	Նեպալ
Մասնագիտություն	գեղեցկության մրցույթի մասնակից և դերասանուհի
Nikita Chandak Վիքիպահեստում

Նիկիտա Չանդակ (նեպալ.՝ निकिता चाण्डक्,սեպտեմբերի 5, 1995(1995-09-05), Urlabari Municipality, Morang District, Kosi Zone, Արևելյան շրջան (Նեպալ), Նեպալ), նեպալցի մոդել, գեղեցկության մրցույթի տիտղոսակիր։ Նվաճել է «Միս Նեպալ 2017» տիտղոսը^[1][2][3]։ Նիկիտան նվաճել է նաև «Միս հայտնի ընտրություն» և «Միս ինքնավստահ» մրցանակները^[4][5]։ Ներկայացրել է Նեպալը Չինաստանի Սանյա քաղաքում անցկացվող «Միս աշխարհ 2017» մրցույթի ընթացքում։

Վաղ կյանք

Նիկիտա Չանդակը բնիկ Ուրլաբարցի է։ Նա ծնվել է 1995 թվականի սեպտեմբերի 5-ին Անիլ և Սուշմա Չանդակների ընտանիքում։ Պատկանում է Մարվարի ցեղին և կրում է վերջինիս մշակույթը և ավանդույթները։ Վաղ տարիքում եղել է ինտրովերտ։ Դպրոցական տարիներին ցուցաբերել է լավ վարքագիծ, հետևել բոլոր կանոններին, ինչի արդյունքում դարձել է իր ուսուցչի ամենասիրելի աշակերտը։

Կրթություն

Չանդակը ավարտել է Պաշուպատի միջնակարգ դպրոցը, այնուհետև՝ Գոթանի LK Singhania կրթական կենտրոնի ավագ դպրոցը։ Չանդակը սովորում է նաև Հնդկաստանի JD նորարական տեխնոլոգիաների ինստիտուտի նորարակական հաղորդակցության բաժնում^[6]։

Կարիերա

Միս Նեպալ 2016 մրցանակակիր Աշմի Շրեսթան իր ֆեյսբուքյան էջում գրել է, որ Չանդակը գերազանցել է իր երևակայությունը, երբ հանդես է եկել TGIF նորաձևության շաբաթում^[6]։

Տոնահանդես

Չանդակն իր առաջին տիտղոսը նվաճել է 20 տարեկանում, երբ 2017 թվականին հաղթել է «Միսս Նեպալ 2017» մրցույթում։ «Միս աշխարհ 2017»-ում նա առաջին Միս Նեպալն էր, ով տեղ գտավ Top Model մրցույթում՝ ընդգրկվելով լավագույն 30 մոդելների ցանկում։ Եղել է մուլտիմեդիա մրցանակի 2-րդ մրցանակակիր։ Ընդգրկվել է «Ժողովրդի ընտրություն» մրցանակաբաշխության տասնյակում։ Իր նախաձեռնած «Նպատակային գեղեցկություն» նախագծում ընդգրկվել է լավագույն 20-յակի մեջ։

Ծանոթագրություններ

1. «Nikita Chandak Biography». Lumbini Media.
2. «Nikita Chandak Crowned Miss Nepal 2017». The Kathmandu Post. Արխիվացված է օրիգինալից 2017 թ․ հոկտեմբերի 8-ին. Վերցված է 2017 թ․ հունիսի 2-ին.
3. https://thehimalayantimes.com/entertainment/nikita-chandak-crowned-miss-nepal-2017/
4. "निकिता चन्दक भइन मिस नेपाल वर्ल्ड २०१७" Արխիվացված 2019-08-31 Wayback Machine SancharNepal.com. Retrieved 3 June 2017.
5. «Nikita Chandak Biography». BioFamous.
6. «Nikita Chandak Biography- Miss Nepal World 2017». www.inheadline.com. 2017 թ․ հունիսի 4. Արխիվացված է օրիգինալից 2017 թ․ օգոստոսի 14-ին. Վերցված է 2017 թ․ հուլիսի 16-ին.

Պարգևներ և ձեռքբերումներ
Նախորդող՝ Ասմի Շրեցա ()	Միս Նեպալ Միս աշխարհ 2017	Հաջորդող՝ Շրինխալա Խատիվադա