Նիկոս Գատսոս

Նիկոս Գատսոս հուն․՝ Νίκος Γκάτσος
Ծնվել է	դեկտեմբերի 8, 1911(1911-12-08)[1]
Ծննդավայր	Ասեա[2]
Վախճանվել է	մայիսի 12, 1992(1992-05-12) (80 տարեկան)
Վախճանի վայր	Աթենք, Հունաստան
Մասնագիտություն	լեզվաբան, բանաստեղծ, թարգմանիչ, երգերի հեղինակ, երգերի հեղինակ և գրող
Լեզու	հունարեն
Քաղաքացիություն	Հունաստան
Կրթություն	Աթենքի համալսարան
Գրական ուղղություններ	30-ականների սերունդ
Համատեղ ապրող	Agathi Dimitrouka?[3]

Նիկոս Գատսոս (հուն․՝ Νίκος Γκάτσος, դեկտեմբերի 8, 1911(1911-12-08)^[1], Ասեա^[2] - մայիսի 12, 1992(1992-05-12), Աթենք, Հունաստան), հույն բանաստեղծ, թարգմանիչ և երգերի հեղինակ։

Կենսագրություն

Նիկոս Գատսոսը ծնվել է 1911 թվականին Հունաստանի Արկադիա տարածաշրջանում։ Այնտեղ Նիկոսը ավարտել է տեղի տարրական դպրոցը։

Ուսումը ավարտելուց հետո Նիկոս Գատսոսը տեղափոխվել է Տրիպոլի, որտեղ ավագ դպրոցում նա սովորել գրականություն և մի շարք օտար լեզուներ։

Ավելի ուշ Նիկոսը դառնում է Աթենքի պետական համալսարանի ուսանող։ Նա սովորում է պետական համալսարանի գրականության, պատմության և իմաստասիրության բաժիններում։ Միևնույն ժամանակ աչքի է ընկել անգլերենի և ֆրանսերենի գերազանց իմացությամբ։

1935 թվականին նա տեղափոխվել է Ֆրանսիա։ Մի ժամանակահատված նա ապրել է Ֆրանսիայի մայրաքաղաք Փարիզում։ 1936 թվականին ծանոթացել է հույն բանաստեղծ և Նոբելյան մրցանակի դափնեկիր Օդիսեաս Էլիտիսի հետ։

Երկրորդ համաշխարհային պատերազմից հետո աշխատել է որպես անգլերենի թարգմանիչ։ Հրապարակել է բազմաթիվ աշխատություններ։

Մահացել է 1992 թվականի մայիսի 12-ին Աթենքում^[4]։

Ծանոթագրություններ

1. Gran Enciclopèdia Catalana (կատ.) — Grup Enciclopèdia, 1968.
2. Carnegie Hall linked open data — 2017.
3. https://www.lifo.gr/articles/portreta_articles/188922/o-agnostos-nikos-gkatsos-mesa-apo-tis-afigiseis-tis-agathis-dimitroyka
4. «The Charioteer: An Annual Review of Modern Greek Culture» number 36 1995—1996 (Special double issue Nikos Gatsos) p. 10, 183,283.