Շուպֆնուդել
Շուպֆնուդել (գերմ.՝ Schupfnudel ՝ «գլորված արիշտա», ինչպես նաև գերմ.՝ Fingernudel՝ «մատնաձև արիշտա»[1]), հարավգերմանական և ավստրիական ուտեստ, որը նման է իտալական նյոկիին և հայտնի է տարբեր տարածաշրջանային տարբերակներով։ Հատկապես հայտնի է Բադենի և Շվաբիայի խոհանոցներում։ Շուպֆնուդելը պատրաստվում է տարեկանի և ցորենի ալյուրից կամ կարտոֆիլով ու ձվով և գրտնակվում է ձեռքով։ Նրանք երկարավուն ձև ունեն՝ սուր ծայրերով։ Շուպֆնուդելը մի քանի րոպե եփում են աղաջրում, ապա տապակում։ Եփած շուպֆնուդելը տապակվում է թավայի մեջ թթու կաղամբով և ապխտած բեկոնով և մատուցվում որպես անկախ ուտեստ կամ կողմնակի ճաշատեսակ, կան նաև աղանդերի տարբերակներ, որոնք մատուցում են կակաչի սերմերով կամ շաքարավազով և դարչինով, որը կոչվում է «մերկ Մարիելա» (գերմ.՝ Nackete Mariele)[2][3]:
Զարգացում
[խմբագրել | խմբագրել կոդը]Ալյուրի շուպֆնուդելը հայտնի են եղել որպես երեսնամյա պատերազմի ժամանակ լենդսկնեխտների սնունդ։ Զինվորներն իրենց ամենօրյա ալյուրի և ջրից պատրաստել են երկար արիշտա։ Այն բանից հետո, երբ 17-րդ դարում կարտոֆիլը ներմուծվել է Գերմանիա և մշակվել Գերմանիայում, բաղադրատոմսը փոփոխվել է և ի հայտ են եկել տարբեր բաղադրատոմսեր՝ ըստ տարբեր շրջանների։
Մատուցում
[խմբագրել | խմբագրել կոդը]Այս կերակուրները մատուցվում են տարբեր ձևերով՝ համեմելով եղեսպակի կարագով կամ թթու կաղամբով կամ քաղցր կակաչի սերմերով, շաքարավազով և դարչինով։ Բոլոր դեպքերում անհրաժեշտ է, որ մյուս բաղադրիչների համը համեմատաբար նուրբ զգացվի արիշտայի մեջ։ Շուպֆնուդելը կարելի է մատուցել կամ որպես կողմնակի ճաշատեսակ, կամ որպես հիմնական ուտեստ։
Ծանոթագրություններ
[խմբագրել | խմբագրել կոդը]- ↑ nudelstation.de: Шупфнудели своими руками Արխիվացված 2021-05-11 Wayback Machine(գերմ.)
- ↑ «Нагая Мариэла». Рецепт Արխիվացված 2021-09-01 Wayback Machine(գերմ.)
- ↑ «Deutsche Welle: О нежной любви немцев к картофелю». Արխիվացված օրիգինալից 2021 թ․ սեպտեմբերի 1-ին. Վերցված է 2022 թ․ մարտի 8-ին.
Գրականություն
[խմբագրել | խմբագրել կոդը]- Erhard Gorys. Schupfnudeln // Das neue Küchenlexikon. Von Aachener Printen bis Zwischenrippenstück. — München: Deutscher Taschenbuch Verlag, 1997. — S. 486. — 599 S. — ISBN 3-423-36008-9.
- Charles Sinclair. Schupfnudeln // Dictionary of Food: International Food and Cooking Terms from A to Z. — Second Edition. — London: A & C Black, 2004. — P. 516. — 632 p. — ISBN 978-1-4081-0218-3.
Արտաքին հղումներ
[խմբագրել | խմբագրել կոդը]- deutsche-delikatessen.de: ՇուպֆնուդելԱրխիվացված 2021-03-01 Wayback Machine(գերմ.)
- Տապակած շուպֆնուդելների բաղադրատոմսերԱրխիվացված 2020-02-19 Wayback Machine(գերմ.)