Ուֆուք Բայրաքթար

Ուֆուք Բայրաքթար
Ծնվել է	սեպտեմբերի 12, 1981(1981-09-12) (43 տարեկան)
Ծննդավայր	Ստամբուլ, Թուրքիա
Կրթություն	Ստամբուլի համալսարան
Քաղաքացիություն	Թուրքիա
Մասնագիտություն	դերասան

Ուֆուք Բայրաքթար (թուրքերեն՝ Ufuk Bayraktar, սեպտեմբերի 12, 1981(1981-09-12), Ստամբուլ, Թուրքիա), թատրոնի և հեռուստատեսության թուրք դերասան։

Կենսագրություն

Գյուրսոյ քոլեջն ավարտելուց հետո՝ Ուֆուքը որոշել է չընդունվել համալսարան և սկսել աշխատել Ստամբուլի Ջիհանգիր թաղամասի Firuzağa Kahvesi սրճարանում։ Վերջինս պատկանում էր դերասանի հորը^[1]։ Նրա դերասանական տաղանդն առաջին անգամ նկատել է ռեժիսոր Զեքի Դեմիրքուբուզը։ Բայրաքթարը նկարահանվել է ռեժիսորի «Սպասասրահ» և «Ճակատագիր» ֆիլմերում։ Հետագայում նկարահանվել է Նուրի Բիլգե Ջեյլանի «Տարվա եղանակներ», Սեմիհ Քափլանօղլուի «Ձու», Ջեմալ Շանի «Ալիի 8-րդ օրը» և Ֆեո Ալադաղի «Երբ մենք հեռանում ենք» ֆիլմերում։

ATV հեռուստաընկերությամբ հեռարձակված Էզել հեռուստասերիալում մարմնավորել է Ռամիզ Դայըի երիտասարդ տարիները կերպարը։ Հեռուստասերիալում Դայըի դերը մարմնավորել է Թունջել Քուրթիզը։ Իր հեղինակային Միլաթ ֆիլմում նրա խաղընկերը եղել է երիտասարդ դերասանուհի Հիրա Մերթ Յուջեն։

Ամուսնացած է Մերվե Բայրաքթարի հետ և ունի մեկ որդի, որին զույգը անվանել է Էֆե Ջեվահիր^[1]։

Ֆիլմագրություն

Տարի	Ֆիլմ	Դեր	Ծանոթագրություններ
2003	Սպասասրահ	Ֆերիթ
2006	Ճակատագիր	Բեքիր
	Տարվա եղանակներ	Տաքսիստ
2007	Արծիվները թռչում են վեր	Հասան	հեռուստասերիալ
	Ձու	Հալուք
2008	Ալիի 8-րդ օրը	Քեմալ
	Շրջապտույտ	Բանախոս
2009—2011	Էզել	Երիտասարդ Ռամիզ Դայը	հեռուստասերիալ
2009	Նոր սկիզբ	Հրավիրված դերասան	հեռուստասերիալ
2010	Երկրի խնդիրը	Ոստիկան
	Երբ մենք հեռանում ենք	Քեմալ
2012	Ընդհատակ
	Թոփրաղի երեխաները	Ջևհեր
	Սա վերջինն է	Էրթուղրուլ
	Լեռ	Բեքիր
	Չանաքքալե 1915	Տասնապետ Սեյիտ
2015	Միլաթ	Համզա	հեռուստասերիալ
2016	Սևդա թռչունի թևը	Օմեր	հեռուստասերիալ
2016	Լեռ II	Բեքիր
2016	Թռչնանոց	Սուլեյման

Ծանոթագրություններ

1. Mahallenin delikanlısıydı uslandı, Sabah Gazetesi, 17 Ekim 2010. 28 Ocak 2011 tarihinde erişildi.