Չուդոմիր

Չուդոմիր; բուլղար․՝ Димитър Чорбаджийски
Ի ծնե	բուլղար․՝ Димитър Христов Чорбаджийски
Կեղծանուն	Чудомир
Ծնվել է	մարտի 25, 1890 կամ մարտի 20, 1890
Ծննդավայր	Տուրիա, Բուլղարիայի իշխանություն
Վախճանվել է	դեկտեմբերի 26, 1967 (77 տարեկան)
Մահվան վայր	Սոֆիա, Բուլղարիայի Ժողովրդական Հանրապետություն
Քաղաքացիություն	Բուլղարիա
Կրթություն	Բուլղարիայի գեղարվեստի ազգային ակադեմիա
Մասնագիտություն	նկարիչ, քաղաքական գործիչ, գրող, դպրոցի ուսուցիչ, ծաղրանկարիչ և երգիծաբան
Պաշտոն	Բուլղարիայի Ազգային ժողովի անդամ
Ամուսին	Mara Nonova?
	ստորագրություն;
	Chudomir Վիքիպահեստում

Չուդոմիր (Դիմիտր Չորբաջիյսկի, բուլղար․՝ Димитър Христов Чорбаджийски, մարտի 25, 1890(1890-03-25)^[1] կամ մարտի 20, 1890(1890-03-20)^[2], Տուրիա, Բուլղարիայի իշխանություն - դեկտեմբերի 26, 1967(1967-12-26)^[2], Սոֆիա, Բուլղարիայի Ժողովրդական Հանրապետություն), բուլղարացի երգիծաբան, ծաղրանկարիչ։ Բուլղարիայի մշակույթի վաստակավոր գործիչ (1965), ժողովրդական արտիստ (1967)։

Կենսագրություն

Դիմիտր Չորբաջիյսկին ծնվել է Մարիա Դոնչևայի և Խրիստո Չորբաջիյսկու ընտանիքում 1890 թվականին։ Եղել է ընտանիքի հինգերորդ երեխան։ Հայրը ցանկացել է, որ նա դառնա սպա կամ վաճառական, սակայն մայրը որդուն խրախուսել է զբաղվել նկարչությամբ։ Մանուկ հասակում ստացել է «Չուդոմիր» մականունը, որը հետագայում գործածում է որպես գրական անուն։ Սովորել է Ստարա Զագորայի «Իվան Վազովի» անվան գիմնազիայում։ 1913 թվականին ավարտել է Բուլղարիայի գեղարվեստի ազգային ակադեմիան։

Մասնակցել է Բալկանյան և Առաջին համաշխարհային պատերազմներին։

1921 թվականին ամուսնացել է իր գործընկեր՝ նկարչուհի Մառա Նոնովայի հետ^[3]։

1920-1933 թվականներին դասավանդել է Կազանլիկի դպրոցում։ 1929-1930 թվականներին Փարիզում մասնագիտացել է նկարչության մեջ։ Մինչև մահը եղել է «Իսկրա» համայնքային կենտրոնի նախագահը և Կազանլիկի ազգագրական թանգարանի տնօրենը։ 1938 թվականից եղել է մշակութային կենտրոնների խորհրդի անդամ, 1959 թվականից՝ պատգամավոր^[4]։