Պելոպոնեսյան բանահյուսական հիմնադրամ

Պելոպոնեսյան բանահյուսական հիմնադրամ
Տեսակ	թանգարան
Երկիր	Հունաստան
Տեղագրություն	Nafplio Municipality?
Վայր	Նաֆպլիոն
Հասցե	Βασ. Αλεξάνδρου 1 και Σοφρώνη, 21100, Ναύπλιο
Հիմնադրվել է	1974[1]
Հիմնադիր	Ioanna Papantoniou?
Կայք	pli.gr​(անգլ.)

Պելոպոնեսյան բանահյուսական ‘Vas. Papantoniou’ հիմնադրամ կամ՝ PFF (հունարեն՝ Πελοποννησιακό Λαογραφικό Ίδρυμα, հապավված՝ ΠΛΙ), շահույթ չհետապնդող մշակութային հիմնարկություն և թանգարան Հունաստանի Նաֆպլիոն քաղաքում։ Հիմնադրել է բանահյուսագետ և թատերական նկարիչ Իոաննա Պապանտոնիուն՝ ի հիշատակ իր հանգուցյալ հոր՝ Վասիլիոս Պապանտոնիուի։ PFF-ի նպատակն է հայտնաբերել, պահպանել, ուսումնասիրել և ներկայացնել հույների նյութական մշակույթը^[2]։

Պատմություն

PFF -ը հիմնադրվել է 1974 թվականին^[3] Իոաննա Պապանտոնիուի նախաձեռնությամբ։ 1981 թվականից զբաղեցրել է 20-րդ դարասկզբին կառուցված և Պապանտոնիուների տոհմին պատկանող մի շենք, որը վերածվել է թանգարանի։ Այդ նույն տարում PFF-ը հռչակվել է «Տարվա եվրոպական թանգարան» և արժանացել գլխավոր մրցանակին (European Museum of the Year Main Award (EMYA)^[4]: 1970-1980-ական թվականներին հիմնադրամը բանահյուսական-բանահավաքչական գործունեություն է ծավալել, հետազոտություններ իրականացրել Հունաստանում, Կիպրոսում, Հյուսիսային Իտալիայի հունական համայնքներում, գրի առել տեղեկություններ, գրական չափածո ու արձակ ստեղծագործություններ, ձայնագրել երաժշտություն, տեսանկարահանել ժողովրդական պարեր, ժողովել փաստաթղթեր, ինչպես նաև՝ նախաարդյունաբերական դարաշրջանի մանկական հնաոճ խաղալիքներ^[5]։

1989 թվականին PFF-ը Նաֆպլիոնում՝ երկաթուղային հին կայարանում հիմնադրել է մանկական թանգարան^[6]։ Դրանից չորս տարի անց Մելինա Մերկուրին, որ այն ժամանակ Հունաստանի մշակույթի նախարարն էր, PFF-ին է պահ տվել հելլենական ազգային տարազի արխիվը (Hellenic National Costume Archives): Հիմնադրամի կառավարմանը հանձնված կառույցները, սարքավորումները 1999 թվականին նորոգվել, նորացվել են^[5]։ 2013-ին PFF-ն իր ծավալած մշակութային եռանդուն ու նպատակասլաց գործունեության համար արժանացել է Աթենքի ակադեմիայի մրցանակին^[7][8]։

Հիմնադրամի թանգարանային բազմաթիվ ցուցանմուշներ ներկայացվել են աշխարհի զանազան երկրներում կազմակերպված ամենատարբեր ցուցահանդեսներում, ներառյալ Աթենքը, Սալոնիկը, Բրյուսելը, Դալլասը, Լիմասոլը, Լոնդոնը^[5]... PFF-ն իր գործունեությունը ծավալում է՝ համագործակցելով Բենակիի թանգարանի^[5], Նաֆպլիոյի համայնքապետարանի, Նիկոզիայի քաղաքապետարանի^[5], Հարոկոպիոյի համալսարանի^[9], «Հելլենական աշխարհ» հիմնադրամի, Լոնդոնի հելլենական կենտրոնի^[10], արվեստի Թելոգլիոն հիմնադրամի^[11] ևայլ հաստատությունների ու կազմակերպությունների հետ։

Պատկերասրահ

• 
  1950-ական թվականների գլխարկ
• 
  Հարսանեկան զգեստ (հունական Մակեդոնիա)
• 
  Հունական ավանդական տարազ (Թոփոլովգրադ, Բուլղարիա)
• 
  հունական ավանդական տարազ (Պելոպոնես)
• 
  19-րդ դարի ձեռնոցներ

Ծանոթագրություններ

1. http://www.pli.gr/el/content/%CE%B9%CE%B4%CF%81%CF%85%CF%84%CE%AE%CF%82
2. «History». pli.gr. Peloponnesian Folklore Foundation. Վերցված է 2017 թ․ ապրիլի 25-ին.
3. Kanellopoulos, Kanellos (2002). Το αποκεντρωμένο μουσείο και η συμβολή του στη βελτίωση της ποιότητας ζωής και στη σύγχρονη πολιτισμική ανάπτυξη: Το παράδειγμα του ΠΛΙ (Greek). Athens: International Council of Museums - Hellenic National Committee. էջ 79. ISBN 960-85867-4-7.
4. «Awards». europeanmuseumforum.info. European Museum Forum. Արխիվացված է օրիգինալից 2017 թ․ օգոստոսի 29-ին. Վերցված է 2015 թ․ հոկտեմբերի 14-ին.
5. «Timeline». pli.gr. Peloponnesian Folklore Foundation. Վերցված է 2017 թ․ ապրիլի 25-ին.
6. Kanellopoulos, Kanellos (2002). p.83.
7. «ΠΙΝΑΚΑΣ ΤΙΜΩΜΕΝΩΝ ΑΠΟ ΤΗΝ ΑΚΑΔΗΜΙΑ ΑΘΗΝΩΝ ΓΙΑ ΤΟ 2013» (PDF) (Greek). To Vima. Վերցված է 2015 թ․ հոկտեմբերի 14-ին.
8. Toulatou, Isma. «Ιωάννα Παπαντωνίου: Οι Ελληνίδες μέσα από τα νυφικά τους». tovima.gr. To Vima. Վերցված է 2015 թ․ հոկտեմբերի 14-ին.
9. «5 - 7 Φεβρουαρίου Μονάδα Αριστείας ΕΛ/ΛΑΚ». hua.gr (Greek). Harokopio University. Արխիվացված է օրիգինալից 2017-05-29-ին. Վերցված է 2015 թ․ հոկտեմբերի 14-ին.
10. «Diary of Events January - March 2014» (PDF). Hellenic Centre of London. էջ 4. Արխիվացված է օրիգինալից (PDF) 2016 թ․ մարտի 4-ին. Վերցված է 2015 թ․ հոկտեմբերի 14-ին.
11. «Το Τελλόγλειο της Αλίκης και του Νέστορα (13/2/2009 – 14/6/2009)» (Greek). Σύλλογος Φίλων Τελλογλείου Ιδρύματος Τεχνών ΑΠΘ. 2009 թ․ փետրվարի 6. Վերցված է 2015 թ․ հոկտեմբերի 14-ին.(չաշխատող հղում)

Արտաքին հղումներ

• Հիմնադրամի պաշտոնական կայքէջը(հուն.)(անգլ.)
• [http://www.tripadvisor.com.gr/Attraction_Review-g319780-d243277-Reviews-Peloponnesian_Folklore_Foundation_Museum-Nafplio_Argolis_Region_Peloponnese.html Թանգարանի պաշտոնական կայքէջը Tripadvisor
• Տեղեկատվություն թանգարանի մասին nafplio-tour.gr կայքում(հուն.)
• Տեղեկատվություն հիմնադրամի մասին Հունաստանի մշակույթի նախարարության կայքում Արխիվացված 2014-11-02 Wayback Machine(հուն.)

Վիքիպահեստն ունի նյութեր, որոնք վերաբերում են «Պելոպոնեսյան բանահյուսական հիմնադրամ» հոդվածին։