Պողիկտոս (օպերա)

Պողիկտոս իտալ.՝ Poliuto[1]
Տեսակ	դրամատիկ-երաժշտական ստեղծագործություն
Ժանր	քնարական ողբերգություն
Կոմպոզիտոր	Գաետանո Դոնիցետտի
Լիբրետտոյի հեղինակ	Սալվատորե Կամմարանո
Լիբրետտոյի լեզու	իտալերեն
Սյուժեի աղբյուր	Պիեռ Կոռնել. «Պողիկտոս» ողբերգություն
Գործողությունների քանակ	3 արար[1]
Առաջնախաղի տարեթիվ	նոյեմբերի 30, 1848[1]
Առաջնախաղի վայր	Նեապոլ
Հրատարակման տարեթիվ	19-րդ դար
Poliuto Վիքիպահեստում

Պողիկտոս (իտալ.՝ Poliuto), իտալացի երգահան Գաետանո Դոնիցետտիի օպերա երեք գործողությամբ։ Իտալերեն լիբրետտոյի հեղինակը՝ Սալվատորե Կամմարանո, ըստ Պիեռ Կոռնելի «Պողիկտոս» ողբերգության (1641-42)։ Ստեղծվել է 1838 թ. Նեապոլի «Սան-Կարլո» թատրոնի համար, սակայն բեմադրությունը վերջին պահին արգելվել է։ 1840 թ. Դոնիցետտին վերամշակել է օպերան ֆրանսիական բեմի համար։ «Մարտիրոսներ» անվան տակ այն բեմադրվել է 1840 թ. ապրիլի 10-ին։ Իտալական տարբերակի առաջնախաղը կայացել է 10 տարի անց՝ 1848 թ. նոյեմբերի 30-ին Նեապոլի նույն թատրոնում։

Օպերայի սյուժեի հիմքում ընկած է 3-րդ դարում Մալաթիա (Մելիտենե) քաղաքում ապրած ազգությամբ հայ Պողիկտոսի մարտիրոսական մահի պատմությունը։ Չանսալով իր կնոջ պաղատանքներին, աներոջ խնդրանքներին՝ վերադառնալ հնոց հավատին, Պողիկտոսը քրիստոնեություն էր ընդունել, ենթարկվել էր հետապնդումների և հենց աներոջ կողմից էլ տանջամահ էր արվել։

«Պողիկտոս» օպերան բեմադրվել է նաև Երևանի օպերայի և բալետի ակադեմիական թատրոնում. առաջնախաղը կայացել է 1993 թվականի ամռանը՝ Տիգրան Լևոնյանի բեմադրությամբ։ Պարտիտուրան Հայաստան է բերվել 70 - ականներին, Վատիկանի գրադարանից, Վազգեն Առաջին Ամենայն հայոց կաթողիկոսի և Հռոմի պապի բանակցությունների շնորհիվ։ Մինչ 2004 թվականը օպերան եղել է թատրոնի մշտական խաղացանկում, այնուհետև, շենքի վերանորոգումից հետո, մյուս բոլոր ներկայացումների հետ վերականգնվել է^[2]։

Ծանոթագրություններ

1. Archivio Storico Ricordi — 1808.
2. Պողիկտոսը վերադառնում է

Վիքիպահեստն ունի նյութեր, որոնք վերաբերում են «Պողիկտոս (օպերա)» հոդվածին։