Ջաբալ ալ-Դրուզի պետություն
.svg)
| Ստեղծում | 16 մարտի 1921 | |
|---|---|---|
| Պաշտոնական լեզու | արաբերեն, ֆրանսերեն | |
| Մայրցամաք | Ասիա | |
| Մայրաքաղաք | Ալ-Սուեյդա | |
| Located in the present-day administrative territorial entity | Սիրիա | |
| Հաջորդող | • Սիրիայի առաջին հանրապետություն Ֆրանսիայի մանդատի ներքո • Սիրիայի առաջին հանրապետություն • Սիրիայի երկրորդ հանրապետություն | |
| Նախորդողը | • Թշնամական օկուպացված տարածքների վարչակազմ • Դամասկոսի պետություն | |
| Օգտագործվող լեզու | արաբերեն, ֆրանսերեն | |
| Լուծարման ամսաթիվ | 2 դեկտեմբերի 1936 | |
Ջաբալ ալ-Դրուզի պետություն (ֆր.՝ État de Djebel Druze, արաբ․՝ دولة جبل الدروز՝ դաուլաթ ջաբալ ադ-դրուզ) մեկն է այն վեց պետություններից, որոնք ստեղծվել են ֆրանսիացի գեներալ Անրի Գուրոյի կողմից Սիրիայի ֆրանսիական մանդատում, որը հետևել է 1920 թվականի Սան Ռեմոյի կոնֆերանսին և Ֆեյսալ թագավորի պարտությանը և կարճատև միապետությունը Սիրիայում։ Գոյություն է ունեցել 1921-1936 թվականներին, որը նախատեսված էր Ֆրանսիայի վերահսկողության տակ գտնվող տեղական դրուզ բնակչության համար որպես կառավարություն գործելու համար[1][2]։
Մյուս պետություններն էին Դամասկոսը (1920), Հալեպը (1920), Ալավիները (1920), Ալեքսանդրետի սանջակը (1921), Մեծ Լիբանանը (1920), որը հետագայում դարձավ ժամանակակից Լիբանան։
Անվանակարգ
[խմբագրել | խմբագրել կոդը]
1922 թվականի մարտի 4-ին այն հռչակվեց Սուեյդայի պետությունը՝ մայրաքաղաք ալ-Սուեյդայի անունով, սակայն 1927 թվականին այն վերանվանվեց Ջաբալ ալ-Դրուզի կամ Ջաբալ Դրուզի պետության։ Անվանումն առաջացել է Ջաբալ ալ-Դրուզ լեռնազանգվածից[2]։
Պատմություն
[խմբագրել | խմբագրել կոդը]Դրուզների պետությունը ձևավորվել է 1921 թվականի մայիսի 1-ին նախկին օսմանյան տարածքում, մինչդեռ այլ պետություններ տեղադրվել են Սիրիայի մանդատի այլ մասերում (օրինակ՝ Ալավիների պետությունը Լաթակիայի շրջանում): Ջաբալ ալ-Դրուզում ապրում էր մոտ 50000 դրուզ[1][2]: Այն առաջինն էր և մնում է միակ ինքնավար միավորը, որը բնակեցված և կառավարվում էր դրուզներով: 1925 թվականի սիրիական հեղափոխությունը սկսվեց Ջաբալ ալ-Դրուզում Սուլթան ալ-Ատրաշի գլխավորությամբ և արագ տարածվեց Դամասկոսում և Ջաբալ ալ-Դրուզի շրջանից դուրս գտնվող այլ ոչ դրուզական շրջաններում: Սիրիայի տարածքը պետությունների բաժանելու դեմ բողոքի ցույցերը սիրիական հակագաղութատիրական ազգայնականության հիմնական թեման էին, որն ի վերջո հաղթանակ տարավ՝ վերամիավորելով ամբողջ Ֆրանսիայի մանդատով տարածքը, բացառությամբ Լիբանանի (որն անկախացել էր) և Ալեքսանդրետի սանջակից, որը Թուրքիային միացվել է որպես Հաթայի մարզ։
Սիրիական ազգայնականների ճնշման արդյունքում 1936 թվականի ֆրանս-սիրիական պայմանագրով Ջաբալ ալ-Դրուզը դադարեց գոյություն ունենալ որպես ինքնավար միավոր և ներառվեց Սիրիայի կազմում:
Կառավարիչներ
[խմբագրել | խմբագրել կոդը]| Բնակչության ընդհանուր բաշխումը Դամասկոսի պետությունում ըստ ֆրանսիական մարդահամարի 1921-22 թվականներին[3] | |||||||
| Կրոն | Բնակիչներ | Տոկոս | |||||
|---|---|---|---|---|---|---|---|
| Դրուզներ | 43,000 | 84.8% | |||||
| Քրիստոնեություն | 7,000 | 13.8% | |||||
| Սուննի իսլամ | 700 | 1.4% | |||||
| Ընդհանուր | 50,700 | 100% | |||||
- Ամիր Սալիմ փաշա ալ-Ատրաշ (1 մայիսի 1921 - 15 սեպտեմբերի 1923)
- Թրենգա (ժամանակավոր) (սեպտեմբեր 1923 - 6 մարտի 1924)
- Գաբրիել Մարի Վիկտոր Կարբիլե (6 մարտի 1924 - 14 հոկտեմբերի 1925), ժամանակավոր մինչև 1 հոկտեմբերի 1924 թ.
- Սուլթան փաշա ալ-Ատրաշ (18 հուլիսի 1925 - 1 հունիսի 1927), պետության ղեկավար; այլախոհության մեջ
- Չարլզ Անդրեա (15 հոկտեմբերի 1925 - 1927)
- Մարի Ժոզեֆ Լեոն Օգուստին Հենրի (1927)
- Աբել Ժան Էռնեստ Կլեման-Գրանկուր (1927–1932)
- Կլոդ Գաբրիել Ռենո Մասիե (3 փետրվարի 1932 - 28 հունվարի 1934)
- Ջասթին-Անտուան Դևիկ (1934–1935)
- Պիեռ-Ժոզեֆ-Ֆրանսուա Տարրի (1935 – 2 դեկտեմբերի 1936)
Ծանոթագրություններ
[խմբագրել | խմբագրել կոդը]- ↑ 1,0 1,1 «Phersu Atlas». content.phersu-atlas.com. Վերցված է 2024-09-15-ին.
- ↑ 2,0 2,1 2,2 «11. French Syria (1919-1946)». uca.edu (ամերիկյան անգլերեն). Վերցված է 2024-09-15-ին.
- ↑ E. J. Brill's first encyclopaedia of Islam, 1913-1936, Volume 2, page 301
Արտաքին հղումներ
[խմբագրել | խմբագրել կոդը]- Syria at WorldStatesmen.org.
- Map Արխիվացված 4 Դեկտեմբեր 2012 archive.today at unimaps.com.
 | Վիքիպահեստն ունի նյութեր, որոնք վերաբերում են «Ջաբալ ալ-Դրուզի պետություն» հոդվածին։ |