Ջիլլ Վագներ

Ջիլլ Վագներ անգլ.՝ Jill Wagner
Հասակը	173 սմ
Ծնվել է	հունվարի 13, 1979(1979-01-13)[1] (46 տարեկան)
Ծննդավայր	Ունիստոն-Սեյլեմ, Հյուսիսային Կարոլինա, ԱՄՆ[2]
Կրթություն	Հարավային Կարոլինա նահանգի համալսարան[2], Barbizon Modeling and Acting School?[2] և Ledford Senior High School?
Քաղաքացիություն	ԱՄՆ
Մասնագիտություն	դերասանուհի և հեռուստատեսային դեմք

Ջիլլիան Սյուզանա «Ջիլլ» Վագներ (անգլ.՝ Jillian Suzanne "Jill" Wagner, հունվարի 13, 1979(1979-01-13)^[1], Ունիստոն-Սեյլեմ, Հյուսիսային Կարոլինա, ԱՄՆ^[2]), ամերիկացի մոդել, դերասանուհի և հեռուստատեսային շոուի համահաղորդավար։

Կենսագրություն

Վագները ծնվել է Հյուսիսային Կարոլինայի Ուինսթոն Սեյլեմ քաղաքում։ Նրան դաստիարակել են հայրը՝ Դևիդ Ուոգները, որը ամերիկացի ծովային հետևակային է, և տատը։ Ջիլլը սովորել է Ուոլբուրգի (Հյուսիսային Կարոլինա) Ledford Senior High School-ում։ 2001 թվականին բիզնես կառավարման ոլորտում բակալավրի աստիճանով ավարտել է Հյուսիսային Կարոլինա նահանգի համալսարանը։

Կարիերա

Ուսումն ավարտելուց հետո Վագները տեղափոխվել է Կալիֆոռնիա և սկսել մոդելի կարիերան։ 2003 թվականին անցել է MTV-ի Punk’d նախագծի քասթինգը, մասնակցել է մեկ տասնյակից ավելի սկետչերի^[3]։ Դրանից հետո նկարահանվել է «Stuff» ամերիկյան ամսագրի համար։ Վագները «Maxim» ամերիկյան ամսագրի Hot 100 Women of 2004 ցանկում զբաղեցրել է 90-րդ հորիզոնականը^[4]։

2006 թվականին Ջիլը կեցվածք է ընդունել «FHM» ամսագրի ամերիկյան հրատարակչության համար։ Spike TV ալիքի «Բլեյդ» հեռուստասերիալում խաղացել է գլխավոր դերերից մեկը (Քրիսթա Սթար), ինչպես նաև նկարահանվել է մի շարք այլ սերիալներում՝ ներառյալ «Հնգյակ»-ը և «Ոսկորներ»-ը։

2005-2011 թվականներին նկարահանվել է Lincoln Mercury ավտոմեքենայի հեռուստատեսային գովազդում, ինչպես նաև հայտնի է դարձել որպես The Mercury Girl^[5]:

2005 թվականին «Հունիսյան բզեզ» ֆիլմում խաղացել է Միլիսենտի ոչ մեծ դերը, իսկ 2008 թվականին «Փուշ» սարսափ ֆիլմում ստացել է գլխավոր դերերից մեկը (Պոլի Ուոթ)։ Նույն թվականին Ջիլլը դարձել է ABC ալիքի «Ամբողջական ոչնչացում» շոուի համահաղորդավարը^[6]։

2011 թվականի ապրիլին Վագները հայտնել է, որ պատրաստվում է լքել Wipeout-ը, որպեսզի կենտրոնանա դերասանական կարիերայի վրա։ Նրան փոխարինել է Վանեսա Լաշեն^[7]։ 2011 թվականին Ջիլլը եղել է «Պահեստի ներսում» հեռուստաշոուի համահաղորդավար։

2011 թվականի հունիսին Վագները նկարահանվել է MTV-ի դեռահասների համար «Պատանի գայլը» սերիալում։ 2013-2014 թվականներին վերադարձել է «Պատանի գայլը» սերիալի 3-րդ և 4-րդ եթերաշրջաններին։

2013 թվականի ամռանը Վագները վերադարձել է Wipeout՝ համաձայնելով մասնակցել հեռուստախաղի 6-րդ եթերաշրջանի նկարահանումներին։ Նույն թվականին Ջիլլը նկարահանվել է Youtube-ի «Առասպելական շոու»-ի 3-րդ էպիզոդում^[8]։

2014 թվականի գարնանը Վագները մասնակցել է Wipeout հեռուստախաղի 7-րդ եթերաշրջանի նկարահանումներին։ 2014 թվականի մայիսին «Maxim» ամսագրի Hot 100 Women ցանկում զբաղեցրել է 74-րդ հորիզոնականը։

Անձնական կյանք

2017 թվականի ապրիլի 8-ից Վագներն ամուսնացած է պրոֆեսիոնալ հոկեյիստ Դևիդ Լեմանովիչի հետ։ Զույգն ունի աղջիկ՝ Արմի Գրեյ Լեմանովիչը (ծնվ. 2020 թվականի ապրիլի 17-ին)^[9]։

Ֆիլմագրություն

Տարի		Անվանում	Բնօրինակ անվանում	Դեր
2004	ս	Մոնկ	Monk	Կրիստալ
2004	ս	Բժիշկ Վեգաս	Dr. Vegas	Ռոքսան
2004	ս	Հնգյակ	Quintuplets	Կեմի
2005	ֆ	Հունիսյան բզեզ	Junebug	Միլիսենտ
2006	ս	Բլեյդ	Blade: The Series	Քրիսթա Սթար
2007-2008	ս	Աստղային դարպասներ։ Ատլանտիդա	Stargate: Atlantis	Լարին
2008	ս	Ոսկորներ	Bones	Հոլի Մարկուել
2008	ֆ	Փուշ	Splinter	Պոլի Ուոթ
2014	ֆ	Պատվի ճանապարհ	Road to Paloma	Սենդի
2015	հֆ	Աշնանային երազներ	Autumn Dreams	Անաբել Հենկոկ
2011-2017	ս	Պատանի գայլը	Teen Wolf	Քեյթ Արջենտ
2017	հֆ	Բերքի հարսանիք	A Harvest Wedding	Սառա
2018	ֆ	Վայրենի	Braven	Ստեֆանի Բրեյվեն

Ծանոթագրություններ

1. Internet Movie Database — 1990.
2. http://www.hallmarkchannel.com/autumn-dreams/cast/jill-wagner
3. Интервью с Джилл Вагнер, сериал Блэйд, на flickdirect.com Արխիվացված 2013-04-24 Wayback Machine(անգլ.)2007
4. «FreeJose.com»(անգլ.) Maxim Magazine Hot 100 Women of 2004
5. «"The Mercury Girl" Making Her Mark In Hollywood» (անգլերեն). movesmagazine.com. Արխիվացված է օրիգինալից 2013 թ․ հունիսի 2-ին. Վերցված է 2013 թ․ սեպտեմբերի 6-ին.
6. «Exclusive: Jill Wagner Wipes Out of ABC's Wipeout» (անգլերեն). tvguide.com. Վերցված է 2013 թ․ սեպտեմբերի 6-ին.
7. «'Wipeout' host leaving show». Entertainment Weekly. Արխիվացված 2013-03-18 Wayback Machine(անգլ.) 2011-04-12
8. The Mythical Show Episode 3
9. Hallmark Star Jill Wagner Welcomes Daughter Army Gray — Why She Wanted a 'Patriotic Name'

Արտաքին հղումներ

• Ջիլլ Վագների պաշտոնական կայք Արխիվացված 2020-08-12 Wayback Machine
• Playboy.com Интервью
• Gateship-One Интервью
• Talk-Humor հարցազրույց

Վիքիպահեստն ունի նյութեր, որոնք վերաբերում են «Ջիլլ Վագներ» հոդվածին։